ಸೋಮವಾರ, ಸೆಪ್ಟೆಂಬರ್ 23, 2019
27 °C

ಆಸ್ಟ್ರೇಲಿಯಾದ ಫ್ಲಾರೆನ್ಸ್‌ ಜಲಪಾತ

Published:
Updated:
Prajavani

ಫ್ಲಾರೆನ್ಸ್‌ ಜಲಪಾತವು ಆಸ್ಟ್ರೇಲಿಯಾದ ಉತ್ತರ ಭೂಭಾಗದ ಲಿಚ್‌ಫೀಲ್ಡ್‌ ರಾಷ್ಟ್ರೀಯ ಉದ್ಯಾನದಲ್ಲಿದೆ. ಇದು 30ರಿಂದ 40 ಮೀಟರ್‌ ಎತ್ತರದಿಂದ ಧುಮ್ಮಿಕ್ಕುತ್ತದೆ. ಇದರ ಬಗ್ಗೆ ಇನ್ನಷ್ಟು ಮಾಹಿತಿ ಪಡೆಯೋಣ. 

* ಈ ಜಲಪಾತದ ಕೆಳಗೆ ಈಜಲು ದೊಡ್ಡ ಹೊಂಡವಿದ್ದು, ಇದು ಮೊಸಳೆಮುಕ್ತವಾಗಿರುವುದರಿಂದ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ. ಉಪ್ಪು ಮತ್ತು ಸಿಹಿನೀರಿನ ಮೊಸಳೆಗಳು ಈ ಜಲಪಾತದಿಂದ ದೂರ ಉಳಿದಿವೆ. ಹಾಗಾಗಿ ಈ ಜಲಪಾತವೂ ಈಜುವುದಕ್ಕೆ ಬಹಳ ಪ್ರಸಿದ್ಧಿಯಾಗಿದೆ. 

*ಈ ಜಲಪಾತದ ಸುತ್ತ ದಟ್ಟ ಹಸಿರಿದ್ದು, ಅಪಾರ ಸಸ್ಯಸಂಪತ್ತನ್ನು ಹೊಂದಿದೆ.‌ ಎಲ್ಲ ಸಮಯದಲ್ಲಿಯೂ ಅರಳಿ ನಿಂತಿರುವ ಕಾಡು ಹೂಗಳು ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತದೆ. 

*ಇದನ್ನು ಗೆದ್ದಲು ದಿಬ್ಬಗಳ ತಾಣವೆಂದೂ ಕರೆಯಲಾಗುತ್ತದೆ. ಜಲಪಾತದ ಆಸುಪಾಸು ಹಲವಾರು ಗೆದ್ದಲು ದಿಬ್ಬಗಳನ್ನು ನೋಡಬಹುದು. ಕೆಲವೊಂದು ದಿಬ್ಬಗಳು ಮನುಷ್ಯರಿಗಿಂತಲೂ ಮೂರು ಪಟ್ಟು ದೊಡ್ಡದಾಗಿರುತ್ತದೆ. ಆಸ್ಟ್ರೇಲಿಯಾದ ಹಲವೆಡೆ ಗೆದ್ದಲು ದಿಬ್ಬಗಳಿವೆ. ಆದರೆ, ಈ ಪ್ರದೇಶದಲ್ಲಿರುವ ದಿಬ್ಬಗಳು ತುಸು ಎತ್ತರವಾಗಿದೆ.

Post Comments (+)