<p>ನಮ್ಮ `ಸ್ವರ~ ಪ್ರಕೃತಿ. ಆದರೆ, ಸಂಗೀತ ಒಂದು ಸಂಸ್ಕೃತಿ. ಸಾಮಾನ್ಯವಾಗಿ ಸಂಗೀತವನ್ನು ಇಷ್ಟಪಡದವರೇ ಇಲ್ಲ. ಒಳ್ಳೆಯ ಸಂಗೀತ ಮನಸ್ಸಿಗೆ ಮುದ ನೀಡುತ್ತದೆ. ಸುಶ್ರಾವ್ಯ ಸಂಗೀತ ಕೇಳುವುದರಿಂದ ಮಾನಸಿಕ ಒತ್ತಡ ಕಡಿಮೆ ಆಗಿ ಮನಸ್ಸು ಹಗುರವಾಗುತ್ತದೆ. <br /> <br /> ಅದಕ್ಕೆ ಭಾಷೆಯ ಅಗತ್ಯವಿಲ್ಲ. ನಿಜವಾಗಿ ಸಂಗೀತ ಆಸ್ವಾದಿಸುವವರು ಯಾವುದೇ ಸಂಗೀತವನ್ನು ಕೇಳಬಲ್ಲರು. ಖ್ಯಾತ ಸಾಹಿತಿ ಲಾಂಗ್ ಫೆಲೋ ಹೇಳುವಂತೆ `ಸಂಗೀತ ಎಂಬುದು ಇಡೀ ಮನುಕುಲಕ್ಕೆ ಸುಲಭವಾಗಿ ಅರ್ಥವಾಗುವ ಏಕೈಕ ಭಾಷೆ~. <br /> <br /> ಸಂಗೀತಕ್ಕೆ ಅಸಾಧಾರಣವಾದ ಶಕ್ತಿ ಹಾಗೂ ವ್ಯಾಪ್ತಿ ಇದೆ. ನದಿಯ ಮೊರೆತದಂತೆ ಇದರ ಶ್ರುತಿ. ಮಂದ ಮಾರುತದಂತೆ ಇದರ ಚಲನವಲನ. ಸಖನಂತೆ ಬಂದು ನಮ್ಮ ಜೊತೆ ಸಲ್ಲಾಪಗೈಯುವುದು. ಮನದ ನೋವನ್ನೆಲ್ಲಾ ಮರೆಸಿ ಹೋಗುವುದು.<br /> <br /> ಸಂಗೀತ ಕೇಳುವುದು ಆರೋಗ್ಯಕ್ಕೆ ಹಿತ. ಹಲವು ರೋಗಗಳನ್ನು ಶಮನಗೊಳಿಸುವ ಚಿಕಿತ್ಸಾ ಸಾಮರ್ಥ್ಯ ಸಂಗೀತಕ್ಕಿದೆ ಎಂಬುದು ವೈಜ್ಞಾನಿಕವಾಗಿ ಸಾಬೀತಾಗಿದೆ.<br /> <br /> ಬರಡಾದ ವಾತಾವರಣದಲ್ಲಿ ಸಂತೋಷದ ಕಾರಂಜಿ ಚಿಮ್ಮಿಸಿ ಆನಂದ ಲಹರಿ ಸೃಷ್ಟಿಸುವ ತಾಕತ್ತು ಸಂಗೀತಕ್ಕೆ ಇದೆ. ರೊಚ್ಚಿಗೆದ್ದ ಮನಸ್ಸು ಮತ್ತು ದಣಿದ ದೇಹಕ್ಕೆ ಆರಾಮ ನೀಡಬಲ್ಲದು. ಈ ಕಾರಣದಿಂದಲೇ ರೈತರು, ಕೃಷಿಕರು, ಕಾರ್ಮಿಕರು ಹಾಡುತ್ತ ದುಡಿಮೆ ಮಾಡುತ್ತಾರೆ. <br /> <br /> ಭತ್ತದ ಸಸಿ ನೆಡುವಾಗ, ಉಳುವಾಗ, ಪೈರು ಕಟಾವು ಮಾಡುವಾಗ, ಅಕ್ಕಿ, ಗೋಧಿ, ರಾಗಿ ಬೀಸುವಾಗ ಹಳ್ಳಿಗರು ಹಾಡುವ ಹಾಡುಗಳು ಸರಳ, ಸುಂದರ ಶಬ್ದಗಳಿಂದ ಕೂಡಿದ ಜಾನಪದ ಸಂಗೀತ ಎನಿಸಿದೆ.<br /> <br /> ಸಂಗೀತ ಪ್ರಯೋಗ ಎರಡು ಬಗೆಯದಾಗಿದೆ. ಒಂದು ಗಾಯನ ಸಂಗೀತ, ಮತ್ತೊಂದು ವಾದ್ಯ ಸಂಗೀತ. ವಿದೇಶಿಯರಲ್ಲಿ ಗಾನ ಸಂಗೀತಕ್ಕೆ ಹೆಚ್ಚಿನ ಮನ್ನಣೆಯಿದೆ. ಗಾಯನ ಬಹುಮಟ್ಟಿಗೆ ಸಾಂದರ್ಭಿಕವಾಗಿರುತ್ತದೆ. <br /> <br /> ಭಾರತೀಯ ಸಂಗೀತದಲ್ಲಿ ಹಾಡುಗಾರನಿಗೆ ಸುಮಧುರವಾದ ಕಂಠ ಹಾಗೂ ಒಳ್ಳೆಯ ರಾಗ ಜ್ಞಾನದ ಜೊತೆಗೆ ಪಕ್ಕವಾದ್ಯಗಳ ಮೇಳವಿರಬೇಕು. ಪಕ್ಕವಾದ್ಯಗಳು ಸಂಗೀತಗಾರನಿಗೆ ನೆರಳಿನಂತಿರಬೇಕು. ಮುಂದಿನಿಂದ ಮಾರ್ಗದರ್ಶನ ಮಾಡುತ್ತಾ ಹಿಂದಿನಿಂದ ಹುರಿದುಂಬಿಸಿ ಬೆನ್ನು ತಟ್ಟುವ ಗೆಳೆಯರಂತಿರಬೇಕು. ಆಗ ಮಾತ್ರ ಕೇಳುಗರಿಗೆ ನಾದ ಸೌಖ್ಯ ಪ್ರಾಪ್ತವಾಗುತ್ತದೆ.<br /> <br /> ಸಂಗೀತ ಕೇಳುಗರನ್ನು ಪ್ರಚೋದಿಸಬಾರದು, ಉದ್ರೇಕಿಸಬಾರದು. ಬದಲಾಗಿ ಸೌಖ್ಯವನ್ನೂ ಸಂತಸವನ್ನೂ ಸಾಂತ್ವನವನ್ನೂ ನೀಡಬೇಕು. ಆ ಶಕ್ತಿ ಭಾರತೀಯ ಸಂಗೀತಕ್ಕೆ ಇದೆ. ಪಾಶ್ಚಾತ್ಯ ಸಂಗೀತ ಕೇಳುಗರ ಮನಸ್ಸು ಕೆರಳಿಸಿದರೆ, ಭಾರತೀಯ ಸಂಗೀತ ಮನಸ್ಸನ್ನು ಅರಳಿಸುತ್ತದೆ. ಭಾರತೀಯ ಸಂಗೀತದಲ್ಲಿ ಸುಂದರ ಸಾಹಿತ್ಯವಿದೆ. ಸೂಕ್ಷ್ಮ ಸಂದೇಶವಿದೆ.<br /> <br /> ಸಂಗೀತ ಆತ್ಮೋಲ್ಲಾಸಕ್ಕೂ ಹೌದು, ಆತ್ಮೋನ್ನತಿಗಾಗಿಯೂ ಹೌದು. ಮಕ್ಕಳಲ್ಲಿ ಬಾಲ್ಯದಿಂದಲೇ ಸಂಗೀತ ಪ್ರೇಮ ಮೂಡಿಸುವುದರಿಂದ, ಸಂಗೀತ ಕಲಿಸುವುದರಿಂದ ಸಂಸ್ಕಾರ ನೀಡಿದಂತಾಗುತ್ತದೆ. ಇಂತಹ ಸಂಗೀತ ಸದಾ ನಮ್ಮ ಸಂಗಾತಿಯಾಗಿರಲಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಮ್ಮ `ಸ್ವರ~ ಪ್ರಕೃತಿ. ಆದರೆ, ಸಂಗೀತ ಒಂದು ಸಂಸ್ಕೃತಿ. ಸಾಮಾನ್ಯವಾಗಿ ಸಂಗೀತವನ್ನು ಇಷ್ಟಪಡದವರೇ ಇಲ್ಲ. ಒಳ್ಳೆಯ ಸಂಗೀತ ಮನಸ್ಸಿಗೆ ಮುದ ನೀಡುತ್ತದೆ. ಸುಶ್ರಾವ್ಯ ಸಂಗೀತ ಕೇಳುವುದರಿಂದ ಮಾನಸಿಕ ಒತ್ತಡ ಕಡಿಮೆ ಆಗಿ ಮನಸ್ಸು ಹಗುರವಾಗುತ್ತದೆ. <br /> <br /> ಅದಕ್ಕೆ ಭಾಷೆಯ ಅಗತ್ಯವಿಲ್ಲ. ನಿಜವಾಗಿ ಸಂಗೀತ ಆಸ್ವಾದಿಸುವವರು ಯಾವುದೇ ಸಂಗೀತವನ್ನು ಕೇಳಬಲ್ಲರು. ಖ್ಯಾತ ಸಾಹಿತಿ ಲಾಂಗ್ ಫೆಲೋ ಹೇಳುವಂತೆ `ಸಂಗೀತ ಎಂಬುದು ಇಡೀ ಮನುಕುಲಕ್ಕೆ ಸುಲಭವಾಗಿ ಅರ್ಥವಾಗುವ ಏಕೈಕ ಭಾಷೆ~. <br /> <br /> ಸಂಗೀತಕ್ಕೆ ಅಸಾಧಾರಣವಾದ ಶಕ್ತಿ ಹಾಗೂ ವ್ಯಾಪ್ತಿ ಇದೆ. ನದಿಯ ಮೊರೆತದಂತೆ ಇದರ ಶ್ರುತಿ. ಮಂದ ಮಾರುತದಂತೆ ಇದರ ಚಲನವಲನ. ಸಖನಂತೆ ಬಂದು ನಮ್ಮ ಜೊತೆ ಸಲ್ಲಾಪಗೈಯುವುದು. ಮನದ ನೋವನ್ನೆಲ್ಲಾ ಮರೆಸಿ ಹೋಗುವುದು.<br /> <br /> ಸಂಗೀತ ಕೇಳುವುದು ಆರೋಗ್ಯಕ್ಕೆ ಹಿತ. ಹಲವು ರೋಗಗಳನ್ನು ಶಮನಗೊಳಿಸುವ ಚಿಕಿತ್ಸಾ ಸಾಮರ್ಥ್ಯ ಸಂಗೀತಕ್ಕಿದೆ ಎಂಬುದು ವೈಜ್ಞಾನಿಕವಾಗಿ ಸಾಬೀತಾಗಿದೆ.<br /> <br /> ಬರಡಾದ ವಾತಾವರಣದಲ್ಲಿ ಸಂತೋಷದ ಕಾರಂಜಿ ಚಿಮ್ಮಿಸಿ ಆನಂದ ಲಹರಿ ಸೃಷ್ಟಿಸುವ ತಾಕತ್ತು ಸಂಗೀತಕ್ಕೆ ಇದೆ. ರೊಚ್ಚಿಗೆದ್ದ ಮನಸ್ಸು ಮತ್ತು ದಣಿದ ದೇಹಕ್ಕೆ ಆರಾಮ ನೀಡಬಲ್ಲದು. ಈ ಕಾರಣದಿಂದಲೇ ರೈತರು, ಕೃಷಿಕರು, ಕಾರ್ಮಿಕರು ಹಾಡುತ್ತ ದುಡಿಮೆ ಮಾಡುತ್ತಾರೆ. <br /> <br /> ಭತ್ತದ ಸಸಿ ನೆಡುವಾಗ, ಉಳುವಾಗ, ಪೈರು ಕಟಾವು ಮಾಡುವಾಗ, ಅಕ್ಕಿ, ಗೋಧಿ, ರಾಗಿ ಬೀಸುವಾಗ ಹಳ್ಳಿಗರು ಹಾಡುವ ಹಾಡುಗಳು ಸರಳ, ಸುಂದರ ಶಬ್ದಗಳಿಂದ ಕೂಡಿದ ಜಾನಪದ ಸಂಗೀತ ಎನಿಸಿದೆ.<br /> <br /> ಸಂಗೀತ ಪ್ರಯೋಗ ಎರಡು ಬಗೆಯದಾಗಿದೆ. ಒಂದು ಗಾಯನ ಸಂಗೀತ, ಮತ್ತೊಂದು ವಾದ್ಯ ಸಂಗೀತ. ವಿದೇಶಿಯರಲ್ಲಿ ಗಾನ ಸಂಗೀತಕ್ಕೆ ಹೆಚ್ಚಿನ ಮನ್ನಣೆಯಿದೆ. ಗಾಯನ ಬಹುಮಟ್ಟಿಗೆ ಸಾಂದರ್ಭಿಕವಾಗಿರುತ್ತದೆ. <br /> <br /> ಭಾರತೀಯ ಸಂಗೀತದಲ್ಲಿ ಹಾಡುಗಾರನಿಗೆ ಸುಮಧುರವಾದ ಕಂಠ ಹಾಗೂ ಒಳ್ಳೆಯ ರಾಗ ಜ್ಞಾನದ ಜೊತೆಗೆ ಪಕ್ಕವಾದ್ಯಗಳ ಮೇಳವಿರಬೇಕು. ಪಕ್ಕವಾದ್ಯಗಳು ಸಂಗೀತಗಾರನಿಗೆ ನೆರಳಿನಂತಿರಬೇಕು. ಮುಂದಿನಿಂದ ಮಾರ್ಗದರ್ಶನ ಮಾಡುತ್ತಾ ಹಿಂದಿನಿಂದ ಹುರಿದುಂಬಿಸಿ ಬೆನ್ನು ತಟ್ಟುವ ಗೆಳೆಯರಂತಿರಬೇಕು. ಆಗ ಮಾತ್ರ ಕೇಳುಗರಿಗೆ ನಾದ ಸೌಖ್ಯ ಪ್ರಾಪ್ತವಾಗುತ್ತದೆ.<br /> <br /> ಸಂಗೀತ ಕೇಳುಗರನ್ನು ಪ್ರಚೋದಿಸಬಾರದು, ಉದ್ರೇಕಿಸಬಾರದು. ಬದಲಾಗಿ ಸೌಖ್ಯವನ್ನೂ ಸಂತಸವನ್ನೂ ಸಾಂತ್ವನವನ್ನೂ ನೀಡಬೇಕು. ಆ ಶಕ್ತಿ ಭಾರತೀಯ ಸಂಗೀತಕ್ಕೆ ಇದೆ. ಪಾಶ್ಚಾತ್ಯ ಸಂಗೀತ ಕೇಳುಗರ ಮನಸ್ಸು ಕೆರಳಿಸಿದರೆ, ಭಾರತೀಯ ಸಂಗೀತ ಮನಸ್ಸನ್ನು ಅರಳಿಸುತ್ತದೆ. ಭಾರತೀಯ ಸಂಗೀತದಲ್ಲಿ ಸುಂದರ ಸಾಹಿತ್ಯವಿದೆ. ಸೂಕ್ಷ್ಮ ಸಂದೇಶವಿದೆ.<br /> <br /> ಸಂಗೀತ ಆತ್ಮೋಲ್ಲಾಸಕ್ಕೂ ಹೌದು, ಆತ್ಮೋನ್ನತಿಗಾಗಿಯೂ ಹೌದು. ಮಕ್ಕಳಲ್ಲಿ ಬಾಲ್ಯದಿಂದಲೇ ಸಂಗೀತ ಪ್ರೇಮ ಮೂಡಿಸುವುದರಿಂದ, ಸಂಗೀತ ಕಲಿಸುವುದರಿಂದ ಸಂಸ್ಕಾರ ನೀಡಿದಂತಾಗುತ್ತದೆ. ಇಂತಹ ಸಂಗೀತ ಸದಾ ನಮ್ಮ ಸಂಗಾತಿಯಾಗಿರಲಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
