<p><strong>ಕಾರ್ಪೊರೇಷನ್ ಬಳಿಯ ಹಡ್ಸನ್ ಸ್ಮಾರಕ ಚರ್ಚ್ ಪ್ರಾರಂಭವಾಗಿ ಇಂದಿಗೆ ಬರೋಬ್ಬರಿ 107 ವರ್ಷ. ಗಾಥಿಕ್ ಶೈಲಿಯಲ್ಲಿ ನಿರ್ಮಾಣವಾದ ಈ ಚರ್ಚ್ನ ನೆಲಕ್ಕೆ ಇಂಗ್ಲೆಂಡ್ನಿಂದ ತರಿಸಿದ ಟೈಲ್ಸ್ಗಳನ್ನು ಬಳಸಲಾಗಿತ್ತು. ಚರ್ಚ್ ಆರಂಭೋತ್ಸವದ ಚಿತ್ರಣ ಇಲ್ಲಿದೆ.<br /> <br /> <br /> ಹಡ್ಸನ್ ವೃತ್ತದಲ್ಲಿನ (ಬಿಬಿಎಂಪಿ ಮುಖ್ಯ ಕಚೇರಿ ಬಳಿ) ಹಡ್ಸನ್ ಸ್ಮಾರಕ ಚರ್ಚ್ಗೆ 107 ವರ್ಷಗಳ ಸುದೀರ್ಘ ಇತಿಹಾಸವಿದೆ. ಇದು ತ್ರಿಕೋನಾಕಾರದ ನಿವೇಶನದಲ್ಲಿ ನಿರ್ಮಾಣವಾಗಿದ್ದು 28 ಅಡಿ ಅಗಲ, 88 ಅಡಿ ಉದ್ದವಿದೆ. <br /> <br /> ಮೂರು ಮುಖ್ಯ ದ್ವಾರಗಳನ್ನು ಪ್ರವೇಶಿಸುತ್ತಿದ್ದಂತೆಯೇ ಬಲಗಡೆ ಮೂರು ಅಂತಸ್ತಿನ 50 ಅಡಿ ಗೋಪುರ ಆಕರ್ಷಿಸುತ್ತದೆ. ನೆಲಕ್ಕೆ ಅಳವಡಿಸಿದ ಟೈಲ್ಸ್ ಇಂಗ್ಲೆಂಡಿನಿಂದ ತರಿಸಿದ್ದು. ಗಾಥಿಕ್ ಶೈಲಿಯಲ್ಲಿ ಇದರ ಆಕರ್ಷಣೆ ಹೆಚ್ಚಿಸಿದೆ.<br /> <br /> ಮೈಸೂರು ಸಂಸ್ಥಾನದ ವೆಸ್ಲಿಯನ್ ಮಿಷನ್ ಅಧ್ಯಕ್ಷರಾಗಿದ್ದ ಜೋಶಾಯ ಹಡ್ಸನ್ ಬಿ. ಎ. (1840-1896) ಅವರ ಹೆಸರು ಬೆಂಗಳೂರಿನಲ್ಲಿ ಚಿರಕಾಲ ಉಳಿಯುವಂತೆ ಮಾಡುವುದಕ್ಕಾಗಿ ಅವರ ಸ್ನೇಹಿತರು ಹಾಗೂ ಭಾರತೀಯ ವೆಸ್ಲಿಯನ್ ಕ್ರೈಸ್ತರು ಚರ್ಚ್ ನಿರ್ಮಿಸಲು ತೀರ್ಮಾನಿಸಿದರು. <br /> <br /> ಕಟ್ಟಡದ ನಿರ್ಮಾಣ ಕಾರ್ಯವನ್ನು ವೆಸ್ಲಿಯನ್ ಮಿಷನ್ನಿನ ವೇನ್ಸ್ ದೊರೆ ಮತ್ತು ವಾಸ್ತು ಶಿಲ್ಪ ತಜ್ಞರಾಗಿದ್ದ ಮುನಿಸಿಪಲ್ ಇಂಜಿನಿಯರ್ ಜೆ. ಎಚ್. ಸ್ಟೀಫನ್ಸ್ ಅವರು 1902ರ ಮೇ ತಿಂಗಳಲ್ಲಿ ಪ್ರಾರಂಭಿಸಿದರು. <br /> </strong></p>.<p><strong>ಆದರೆ ವೇನ್ಸ್ ಅವರು ಚರ್ಚ್ನ ನಿರ್ಮಾಣ ಮುಕ್ಕಾಲು ಭಾಗ ಮುಗಿಯುತ್ತಿದ್ದಂತೆಯೇ ವಿದೇಶಕ್ಕೆ ತೆರಳಿದರು. ತರುವಾಯ ವೆಸ್ಲಿಯನ್ ಮಿಷನರಿ ಡಿ. ಎ. ರೀಸ್ ಮುಂದುವರಿಸಿದರು. <br /> <br /> ಈ ಚರ್ಚ್ನ ಪ್ರತಿಷ್ಠಾಪನೆ 1904 ಸೆಪ್ಟೆಂಬರ್ 23 ಶುಕ್ರವಾರ ಸಂಜೆ 4 ಗಂಟೆಗೆ ನಡೆಯಿತು. ಅಂದು ನಗರದಲ್ಲಿನ ವೆಸ್ಲಿಯನ್ ಕನ್ನಡ - ತಮಿಳು ಸಭೆಗಳವರು, ಪರಸ್ಥಳದ ಪಾದ್ರಿಗಳು, ಅನೇಕ ದೊರೆಗಳು, ದೊರೆಸಾನಿಗಳು ಸೇರಿದಂತೆ ಸುಮಾರು 700 ಜನ ಮಧ್ಯಾಹ್ನದ ಹೊತ್ತಿಗೆ ಚರ್ಚ್ನ ಹೊರ ಪ್ರಾಕಾರದಲ್ಲಿ ಸೇರಿದ್ದರು.<br /> <br /> 4 ಗಂಟೆಗೆ ರೀಸ್ ದೊರೆಯವರು ಯುರೋಪಿಯನ್ ದೊರೆಗಳ ಜತೆ ನಿಂತು ಸಂಗೀತ ಹಾಡಿದರು. ಜೆ.ಡಬ್ಲ್ಯೂ ಸಾಡೆ ಪ್ರಾರ್ಥನೆ ಮಾಡಿದರು. <br /> <br /> ತರುವಾಯ ಹಡ್ಸನ್ ಅವರ ಪುತ್ರಿಯಾದ ಮೈಸೂರಿನ ಡಬ್ಲ್ಯೂ. ಎಚ್. ಥಾರ್ಪ್ ದೊರೆಸಾನಮ್ಮನವರು ಅಲಂಕೃತ ಬೆಳ್ಳಿ ಬೀಗದ ಕೈಗಳಿಂದ ಮೂರು ಬಾಗಿಲುಗಳನ್ನೂ ತೆರೆದು `ದೇವಾಲಯವು ದೇವಾರಾಧನೆಗೆ ಸಿದ್ಧವಾಗಿದೆ, ಎಲ್ಲರೂ ಸಂತೋಷದಿಂದ ಒಳಕ್ಕೆ ದಯ ಮಾಡಿಸಬಹುದು~ ಎಂದು ತಿಳಿಸಿದರು. ನಂತರ ದೇವಾರಾಧನೆ ನಡೆಯಿತು. <br /> <br /> ಇ. ಪಿ. ರೈಸ್ ಸಭಿಕರಿಗೆ ದಿವ್ಯಬೋಧನೆ ನೀಡಿದರು. ನಂತರ ಸಭಿಕರು ಒಬೊಬ್ಬಬ್ಬರೇ ಪೀಠದ ಹತ್ತಿರಕ್ಕೆ ಹೋಗಿ ಅಲ್ಲಿದ್ದ ತಟ್ಟೆಯಲ್ಲಿ ಕಾಣಿಕೆ ಅರ್ಪಿಸಿದರು. ಆ ಕಾಣಿಕೆಯ ಮೊತ್ತ ಅಂದಿನ ಕಾಲಕ್ಕೇ 440 ರೂಪಾಯಿ ಆಗಿತ್ತು. <br /> <br /> ಮೈಸೂರು ಸಂಸ್ಥಾನದಲ್ಲಿನ ಕನ್ನಡ ಕ್ರೈಸ್ತ ಸಭೆಗಳವರು ತಮ್ಮ ಪ್ರತಿನಿಧಿಗಳ ಮೂಲಕ ಧಾರಾಳವಾಗಿ ಕಾಣಿಕೆಯನ್ನಿತ್ತು ಕಳುಹಿಸಿದ್ದರು.<br /> <br /> ಲೂಕಯ್ಯನವರು ಅಲಂಕಾರಯುಕ್ತವಾದ ಪೀಠದ ಮೇಜನ್ನೂ, ಮೈಸೂರಿನ ಅರಮನೆ ನರ್ಸ್ ಎಸ್ತರ್ ಕೇಲಬ್ ಅವರು ಪೀಠದ ಕುರ್ಚಿಯನ್ನೂ, ಥಾರ್ಪ್ ದೊರೆಸಾನಮ್ಮ ಮತ್ತು ಬೆಂಗಳೂರು ಬೋರ್ಡಿಂಗ್ ಸ್ಕೂಲ್ ಹೆಣ್ಣು ಮಕ್ಕಳು ವಿವಿಧ ವಸ್ತುಗಳನ್ನು ಚರ್ಚ್ಗೆ ದಾನವಾಗಿ ನೀಡಿದರು.<br /> <br /> ಸಂಜೆ ರೀಸ್ ಅವರ ನೇತೃತ್ವದಲ್ಲಿ ನಡೆದ ವಿಶೇಷ ಸಭೆಯಲ್ಲಿ ಹಡ್ಸನ್ ಅವರನ್ನು ಸ್ಮರಿಸಿಕೊಳ್ಳಲಾಯಿತು. ಸಾಡೆ ದೊರೆಯವರು ಮತ್ತು ಲೂಕಯ್ಯ ಅವರು ಕನ್ನಡದಲ್ಲಿ ಪ್ರವಚನ ನೀಡಿದರು. <br /> <br /> ಚರ್ಚ್ ನಿರ್ಮಾಣದಲ್ಲಿ ಮುಖ್ಯ ಪಾತ್ರ ವಹಿಸಿದ ಮೇಸ್ತ್ರಿ ಮತ್ತು ಕಂಟ್ರಾಕ್ಟರ್ ಅವರನ್ನು ಸನ್ಮಾನಿಸಲಾಯಿತು. ಫಾದರ್ ಗುಡ್ವಿಲ್ ಅವರ ಪ್ರಾರ್ಥನೆಯೊಂದಿಗೆ ಸಭೆ ಮುಕ್ತಾಯವಾಯಿತು.<br /> </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾರ್ಪೊರೇಷನ್ ಬಳಿಯ ಹಡ್ಸನ್ ಸ್ಮಾರಕ ಚರ್ಚ್ ಪ್ರಾರಂಭವಾಗಿ ಇಂದಿಗೆ ಬರೋಬ್ಬರಿ 107 ವರ್ಷ. ಗಾಥಿಕ್ ಶೈಲಿಯಲ್ಲಿ ನಿರ್ಮಾಣವಾದ ಈ ಚರ್ಚ್ನ ನೆಲಕ್ಕೆ ಇಂಗ್ಲೆಂಡ್ನಿಂದ ತರಿಸಿದ ಟೈಲ್ಸ್ಗಳನ್ನು ಬಳಸಲಾಗಿತ್ತು. ಚರ್ಚ್ ಆರಂಭೋತ್ಸವದ ಚಿತ್ರಣ ಇಲ್ಲಿದೆ.<br /> <br /> <br /> ಹಡ್ಸನ್ ವೃತ್ತದಲ್ಲಿನ (ಬಿಬಿಎಂಪಿ ಮುಖ್ಯ ಕಚೇರಿ ಬಳಿ) ಹಡ್ಸನ್ ಸ್ಮಾರಕ ಚರ್ಚ್ಗೆ 107 ವರ್ಷಗಳ ಸುದೀರ್ಘ ಇತಿಹಾಸವಿದೆ. ಇದು ತ್ರಿಕೋನಾಕಾರದ ನಿವೇಶನದಲ್ಲಿ ನಿರ್ಮಾಣವಾಗಿದ್ದು 28 ಅಡಿ ಅಗಲ, 88 ಅಡಿ ಉದ್ದವಿದೆ. <br /> <br /> ಮೂರು ಮುಖ್ಯ ದ್ವಾರಗಳನ್ನು ಪ್ರವೇಶಿಸುತ್ತಿದ್ದಂತೆಯೇ ಬಲಗಡೆ ಮೂರು ಅಂತಸ್ತಿನ 50 ಅಡಿ ಗೋಪುರ ಆಕರ್ಷಿಸುತ್ತದೆ. ನೆಲಕ್ಕೆ ಅಳವಡಿಸಿದ ಟೈಲ್ಸ್ ಇಂಗ್ಲೆಂಡಿನಿಂದ ತರಿಸಿದ್ದು. ಗಾಥಿಕ್ ಶೈಲಿಯಲ್ಲಿ ಇದರ ಆಕರ್ಷಣೆ ಹೆಚ್ಚಿಸಿದೆ.<br /> <br /> ಮೈಸೂರು ಸಂಸ್ಥಾನದ ವೆಸ್ಲಿಯನ್ ಮಿಷನ್ ಅಧ್ಯಕ್ಷರಾಗಿದ್ದ ಜೋಶಾಯ ಹಡ್ಸನ್ ಬಿ. ಎ. (1840-1896) ಅವರ ಹೆಸರು ಬೆಂಗಳೂರಿನಲ್ಲಿ ಚಿರಕಾಲ ಉಳಿಯುವಂತೆ ಮಾಡುವುದಕ್ಕಾಗಿ ಅವರ ಸ್ನೇಹಿತರು ಹಾಗೂ ಭಾರತೀಯ ವೆಸ್ಲಿಯನ್ ಕ್ರೈಸ್ತರು ಚರ್ಚ್ ನಿರ್ಮಿಸಲು ತೀರ್ಮಾನಿಸಿದರು. <br /> <br /> ಕಟ್ಟಡದ ನಿರ್ಮಾಣ ಕಾರ್ಯವನ್ನು ವೆಸ್ಲಿಯನ್ ಮಿಷನ್ನಿನ ವೇನ್ಸ್ ದೊರೆ ಮತ್ತು ವಾಸ್ತು ಶಿಲ್ಪ ತಜ್ಞರಾಗಿದ್ದ ಮುನಿಸಿಪಲ್ ಇಂಜಿನಿಯರ್ ಜೆ. ಎಚ್. ಸ್ಟೀಫನ್ಸ್ ಅವರು 1902ರ ಮೇ ತಿಂಗಳಲ್ಲಿ ಪ್ರಾರಂಭಿಸಿದರು. <br /> </strong></p>.<p><strong>ಆದರೆ ವೇನ್ಸ್ ಅವರು ಚರ್ಚ್ನ ನಿರ್ಮಾಣ ಮುಕ್ಕಾಲು ಭಾಗ ಮುಗಿಯುತ್ತಿದ್ದಂತೆಯೇ ವಿದೇಶಕ್ಕೆ ತೆರಳಿದರು. ತರುವಾಯ ವೆಸ್ಲಿಯನ್ ಮಿಷನರಿ ಡಿ. ಎ. ರೀಸ್ ಮುಂದುವರಿಸಿದರು. <br /> <br /> ಈ ಚರ್ಚ್ನ ಪ್ರತಿಷ್ಠಾಪನೆ 1904 ಸೆಪ್ಟೆಂಬರ್ 23 ಶುಕ್ರವಾರ ಸಂಜೆ 4 ಗಂಟೆಗೆ ನಡೆಯಿತು. ಅಂದು ನಗರದಲ್ಲಿನ ವೆಸ್ಲಿಯನ್ ಕನ್ನಡ - ತಮಿಳು ಸಭೆಗಳವರು, ಪರಸ್ಥಳದ ಪಾದ್ರಿಗಳು, ಅನೇಕ ದೊರೆಗಳು, ದೊರೆಸಾನಿಗಳು ಸೇರಿದಂತೆ ಸುಮಾರು 700 ಜನ ಮಧ್ಯಾಹ್ನದ ಹೊತ್ತಿಗೆ ಚರ್ಚ್ನ ಹೊರ ಪ್ರಾಕಾರದಲ್ಲಿ ಸೇರಿದ್ದರು.<br /> <br /> 4 ಗಂಟೆಗೆ ರೀಸ್ ದೊರೆಯವರು ಯುರೋಪಿಯನ್ ದೊರೆಗಳ ಜತೆ ನಿಂತು ಸಂಗೀತ ಹಾಡಿದರು. ಜೆ.ಡಬ್ಲ್ಯೂ ಸಾಡೆ ಪ್ರಾರ್ಥನೆ ಮಾಡಿದರು. <br /> <br /> ತರುವಾಯ ಹಡ್ಸನ್ ಅವರ ಪುತ್ರಿಯಾದ ಮೈಸೂರಿನ ಡಬ್ಲ್ಯೂ. ಎಚ್. ಥಾರ್ಪ್ ದೊರೆಸಾನಮ್ಮನವರು ಅಲಂಕೃತ ಬೆಳ್ಳಿ ಬೀಗದ ಕೈಗಳಿಂದ ಮೂರು ಬಾಗಿಲುಗಳನ್ನೂ ತೆರೆದು `ದೇವಾಲಯವು ದೇವಾರಾಧನೆಗೆ ಸಿದ್ಧವಾಗಿದೆ, ಎಲ್ಲರೂ ಸಂತೋಷದಿಂದ ಒಳಕ್ಕೆ ದಯ ಮಾಡಿಸಬಹುದು~ ಎಂದು ತಿಳಿಸಿದರು. ನಂತರ ದೇವಾರಾಧನೆ ನಡೆಯಿತು. <br /> <br /> ಇ. ಪಿ. ರೈಸ್ ಸಭಿಕರಿಗೆ ದಿವ್ಯಬೋಧನೆ ನೀಡಿದರು. ನಂತರ ಸಭಿಕರು ಒಬೊಬ್ಬಬ್ಬರೇ ಪೀಠದ ಹತ್ತಿರಕ್ಕೆ ಹೋಗಿ ಅಲ್ಲಿದ್ದ ತಟ್ಟೆಯಲ್ಲಿ ಕಾಣಿಕೆ ಅರ್ಪಿಸಿದರು. ಆ ಕಾಣಿಕೆಯ ಮೊತ್ತ ಅಂದಿನ ಕಾಲಕ್ಕೇ 440 ರೂಪಾಯಿ ಆಗಿತ್ತು. <br /> <br /> ಮೈಸೂರು ಸಂಸ್ಥಾನದಲ್ಲಿನ ಕನ್ನಡ ಕ್ರೈಸ್ತ ಸಭೆಗಳವರು ತಮ್ಮ ಪ್ರತಿನಿಧಿಗಳ ಮೂಲಕ ಧಾರಾಳವಾಗಿ ಕಾಣಿಕೆಯನ್ನಿತ್ತು ಕಳುಹಿಸಿದ್ದರು.<br /> <br /> ಲೂಕಯ್ಯನವರು ಅಲಂಕಾರಯುಕ್ತವಾದ ಪೀಠದ ಮೇಜನ್ನೂ, ಮೈಸೂರಿನ ಅರಮನೆ ನರ್ಸ್ ಎಸ್ತರ್ ಕೇಲಬ್ ಅವರು ಪೀಠದ ಕುರ್ಚಿಯನ್ನೂ, ಥಾರ್ಪ್ ದೊರೆಸಾನಮ್ಮ ಮತ್ತು ಬೆಂಗಳೂರು ಬೋರ್ಡಿಂಗ್ ಸ್ಕೂಲ್ ಹೆಣ್ಣು ಮಕ್ಕಳು ವಿವಿಧ ವಸ್ತುಗಳನ್ನು ಚರ್ಚ್ಗೆ ದಾನವಾಗಿ ನೀಡಿದರು.<br /> <br /> ಸಂಜೆ ರೀಸ್ ಅವರ ನೇತೃತ್ವದಲ್ಲಿ ನಡೆದ ವಿಶೇಷ ಸಭೆಯಲ್ಲಿ ಹಡ್ಸನ್ ಅವರನ್ನು ಸ್ಮರಿಸಿಕೊಳ್ಳಲಾಯಿತು. ಸಾಡೆ ದೊರೆಯವರು ಮತ್ತು ಲೂಕಯ್ಯ ಅವರು ಕನ್ನಡದಲ್ಲಿ ಪ್ರವಚನ ನೀಡಿದರು. <br /> <br /> ಚರ್ಚ್ ನಿರ್ಮಾಣದಲ್ಲಿ ಮುಖ್ಯ ಪಾತ್ರ ವಹಿಸಿದ ಮೇಸ್ತ್ರಿ ಮತ್ತು ಕಂಟ್ರಾಕ್ಟರ್ ಅವರನ್ನು ಸನ್ಮಾನಿಸಲಾಯಿತು. ಫಾದರ್ ಗುಡ್ವಿಲ್ ಅವರ ಪ್ರಾರ್ಥನೆಯೊಂದಿಗೆ ಸಭೆ ಮುಕ್ತಾಯವಾಯಿತು.<br /> </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
