<p><strong>ವಾಷಿಂಗ್ಟನ್:</strong> ಹನ್ನೆರಡು ವರ್ಷಗಳಿಂದ ಶನಿಗ್ರಹ, ಅದರ ಸುತ್ತಲಿನ ಉಂಗುರಗಳು ಮತ್ತು ಉಪಗ್ರಹಗಳ ಬಗ್ಗೆ ಅಧ್ಯಯನ ನಡೆಸುತ್ತಿರುವ ನಾಸಾ ನಿರ್ಮಿತ ‘ಕ್ಯಾಸಿನಿ’ ನೌಕೆಯು ತನ್ನ ಯಾತ್ರೆಯ ಅಂತಿಮ ಹಂತಕ್ಕೆ ತಲುಪಿದೆ.<br /> <br /> 2017ರ ಸೆಪ್ಟೆಂಬರ್ ತಿಂಗಳಲ್ಲಿ ನೌಕೆಯು ತನ್ನ ಐತಿಹಾಸಿಕ ಯಾತ್ರೆಗೆ ಮಂಗಳಹಾಡುವ ಸಾಧ್ಯತೆ ಇದೆ. ಅದಕ್ಕೂ ಮೊದಲಿನ ಒಂದು ವರ್ಷದ ಅವಧಿಯಲ್ಲಿ ನೌಕೆಯು ಶನಿಗ್ರಹದ ಇನ್ನಷ್ಟು ಸನಿಹಕ್ಕೆ ತೆರಳಿ ಮತ್ತಷ್ಟು ಮಾಹಿತಿಗಳನ್ನು ಕಲೆ ಹಾಕಲಿದೆ. ಈ ಅವಧಿಯಲ್ಲಿ ಅದು ಮಹತ್ವದ ಎರಡು ಕಾರ್ಯಗಳನ್ನು ನಿಭಾಯಿಸಲಿದೆ.<br /> <br /> <strong>ಉಂಗುರದ ಅಧ್ಯಯನ:</strong> ಈ ವರ್ಷದ ನವೆಂಬರ್ 30ರಂದು ನೌಕೆಯು ಈಗಿನ ಕಕ್ಷೆಯಿಂದ ಶನಿಗ್ರಹದ ಪ್ರಮುಖ ಉಂಗುರಗಳ ಹೊರಭಾಗದ ಕಕ್ಷೆಗೆ ವರ್ಗಾವಣೆ ಹೊಂದಲಿದೆ. 20 ಸರಣಿಗಳ ಈ ಕಕ್ಷೆಯನ್ನು ಎಫ್ –ಉಂಗುರ ಕಕ್ಷೆ ಎಂದು ಕರೆಯಲಾಗಿದೆ.<br /> <br /> ಈ ಕಕ್ಷೆಯಲ್ಲಿ ಸುತ್ತು ಹಾಕುವ ಸಂದರ್ಭದಲ್ಲಿ ನೌಕೆಯು ಶನಿಗ್ರಹದ ವಿಲಕ್ಷಣ ಸರಪಣಿ ಮತ್ತು ಹೆಣಿಕೆ ರಚನೆ ಹೊಂದಿರುವ ಎಫ್–ಉಂಗುರದ ಕೇಂದ್ರದಿಂದ 7,800 ಕಿ.ಮೀ ದೂರದಲ್ಲಿ ಹಾದುಹೋಗಲಿದೆ ಎಂದು ನಾಸಾ ಹೇಳಿದೆ.<br /> <br /> <strong>**<br /> ಕೊನೆಯ ಹಂತ</strong><br /> ಕ್ಯಾಸಿನಿ ನೌಕೆಯು ತನ್ನ ಸೇವೆಯನ್ನು ಸ್ಥಗಿತಗೊಳಿಸುವುದಕ್ಕೂ ಕೆಲವೇ ತಿಂಗಳುಗಳ ಮುನ್ನ ಮತ್ತೊಂದು ಮಹತ್ವದ ಸಾಧನೆ ಮಾಡಲಿದೆ. ಈ ಹಂತವನ್ನು ನಾಸಾ ವಿಜ್ಞಾನಿಗಳು ‘ಗ್ರ್ಯಾಂಡ್ ಫಿನಾಲೆ’ ಎಂದು ಕರೆದಿದ್ದಾರೆ.<br /> <br /> ಮುಂದಿನ ವರ್ಷದ ಏಪ್ರಿಲ್ನಿಂದ ಈ ಹಂತ ಆರಂಭವಾಗಲಿದೆ. ಕ್ಯಾಸಿನಿಯು ಶನಿಗ್ರಹದ ಅತ್ಯಂತ ದೊಡ್ಡ ಉಪಗ್ರಹ ಟೈಟಾನ್ನ ಸಮೀಪ ಹೋಗುತ್ತದೆ. ಆಗ ಉಪಗ್ರಹವು ನೌಕೆಯ ಕಕ್ಷೆಗೆ ಹೊಸ ರೂಪಕೊಡಲಿದೆ.<br /> <br /> ಇದರಿಂದಾಗಿ ಕ್ಯಾಸಿನಿಯು ಉಂಗುರಗಳ ಹಾಗೂ ಶನಿಗ್ರಹದ ನಡುವೆ ಹಾದುಹೋಗಲಿದೆ (ಉಂಗುರ ಮತ್ತು ಗ್ರಹದ ನಡುವಣ ಅಂತರ 2,400 ಕಿ.ಮೀ).<br /> ನೌಕೆಯು 22 ಬಾರಿ ಈ ಅಂತರದಲ್ಲಿ ಹಾದು ಹೋಗುವ ನಿರೀಕ್ಷೆ ಇದೆ. 2017ರ ಏಪ್ರಿಲ್ 27ರಂದು ಮೊದಲ ಸಲ ಕ್ಯಾಸಿನಿಯು ಶನಿಗ್ರಹ ಮತ್ತು ಉಂಗುರಗಳ ಮಧ್ಯೆ ಸಂಚರಿಸಲಿದೆ.<br /> <br /> <strong>**<br /> ಅಂತಿಮ ಹಂತದಲ್ಲಿ ನೌಕೆ ಮಾಡುವುದೇನು?</strong><br /> ಈ ಸಮಯದಲ್ಲಿ ನೌಕೆಯು ಅತ್ಯಂತ ಸನಿಹದಿಂದ ಶನಿಗ್ರಹದ ಅಧ್ಯಯನ ನಡೆಸಲಿದೆ. ಗ್ರಹದ ಕಾಂತ ಮತ್ತು ಗುರುತ್ವಾಕರ್ಷಣೆ ಕ್ಷೇತ್ರವನ್ನು ಅಳೆಯಲಿದೆ. ಅಲ್ಲದೇ ಗ್ರಹದ ವಾತಾವರಣಕ್ಕೆ ಸಂಬಂಧಿಸಿದ ಸೂಕ್ಷ್ಮಾತಿಸೂಕ್ಷ್ಮ ಮಾಹಿತಿಗಳನ್ನು ಕಲೆ ಹಾಕಲಿದೆ.<br /> <br /> ಶನಿಗ್ರಹದ ಒಳ ರಚನೆ, ಉಂಗುರಗಳ ಒಟ್ಟು ದ್ರವ್ಯರಾಶಿಯ ಬಗ್ಗೆ ಹೆಚ್ಚಿನ ಒಳನೋಟ ನೀಡಲಿದೆ ಎಂಬುದು ವಿಜ್ಞಾನಿಗಳ ನಿರೀಕ್ಷೆ. ಅಂತಿಮವಾಗಿ ಇದರಿಂದ ಉಂಗುರಗಳ ವಯಸ್ಸನ್ನು ಲೆಕ್ಕಹಾಕಬಹುದು ಎಂಬುದು ಅವರ ಲೆಕ್ಕಾಚಾರ.<br /> <br /> ಇದರ ಜೊತೆಗೆ, ಪ್ರಮುಖ ಉಂಗುರಗಳಲ್ಲಿರುವ ದೂಳಿನ ಗಾತ್ರದ ಕಣಗಳು, ಶನಿಗ್ರಹದ ಹೊರ ವಾತಾವರಣದ ಮಾದರಿಗಳ ವಿಶ್ಲೇಷಣೆಯನ್ನೂ ಮಾಡಲಿದೆ.<br /> <br /> <strong>**<br /> ಕ್ಯಾಸಿನಿ ಜೊತೆ ಹ್ಯುಜೆನ್ಸ್...</strong><br /> ‘ಕ್ಯಾಸಿನಿ’ ನೌಕೆಯೊಂದಿಗೆ ಹ್ಯುಜೆನ್ಸ್ ಎಂಬ ಮತ್ತೊಂದು ನೌಕೆಯನ್ನು ಅಳವಡಿಸಲಾಗಿತ್ತು. ಕ್ಯಾಸಿನಿ ಶನಿಗ್ರಹದ ಅಧ್ಯಯನ ನಡೆಸಿದರೆ, ಹ್ಯುಜೆನ್ಸ್ಗೆ ಶನಿಗ್ರಹದ ದೊಡ್ಡ ಉಪಗ್ರಹ ಟೈಟಾನ್ನ ಅಧ್ಯಯನದ ಹೊಣೆ ಹೊರಿಸಲಾಗಿತ್ತು.</p>.<p><strong>*<br /> 1997, ಅಕ್ಟೋಬರ್ 15</strong><br /> ಕ್ಯಾಸಿನಿ ಮತ್ತು ಹ್ಯುಜೆನ್ಸ್ ನೌಕೆಯ ಉಡಾವಣೆ<br /> <br /> <strong>2004, ಜುಲೈ 1</strong><br /> ಶನಿಗ್ರಹದ ಕಕ್ಷೆ ಪ್ರವೇಶಿಸಿದ ನೌಕೆ</p>.<p><strong>2004, ಡಿಸೆಂಬರ್ 24</strong><br /> ಕ್ಯಾಸಿನಿಯಿಂದ ಬೇರ್ಪಟ್ಟ ಹ್ಯುಜೆನ್ಸ್</p>.<p><strong>2005,ಜನವರಿ 14</strong><br /> ಮೂರು ವಾರಗಳ ಪ್ರಯಾಣದ ನಂತರ ಟೈಟಾನ್ನಲ್ಲಿ ಯಶಸ್ವಿಯಾಗಿ ಇಳಿದ ಹ್ಯುಜೆನ್ಸ್</p>.<p><strong>2008, ಜೂನ್ 1</strong><br /> ಶನಿಗ್ರಹದ ಪ್ರಾಥಮಿಕ ಅಧ್ಯಯನ ಮುಕ್ತಾಯಗೊಳಿಸಿದ ಕ್ಯಾಸಿನಿ</p>.<p><strong>2010, ಫೆಬ್ರುವರಿ 3</strong><br /> ‘ಕ್ಯಾಸಿನಿ–ಹ್ಯುಜೆನ್ಸ್’ ಯೋಜನೆಯನ್ನು 2017ರವರೆಗೆ ವಿಸ್ತರಿಸಿದ ನಾಸಾ</p>.<p><strong>2017 ಸೆಪ್ಟೆಂಬರ್</strong><br /> ಅಧ್ಯಯನ ಸ್ಥಗಿತಗೊಳಿಸಲಿರುವ ಕ್ಯಾಸಿನಿಯು ಶನಿಗ್ರಹಕ್ಕೆ ಅಪ್ಪಳಿಸಲಿದೆ. ಶನಿಗ್ರಹದ ಬಗ್ಗೆ ನೌಕೆಯು ಅದುವರೆಗೆ ಕಲೆ ಹಾಕಿರುವ ಮಾಹಿತಿಗಳು, ಸಂಕೇತ ಲಭ್ಯವಿರುವವರೆಗೆ ಅದಕ್ಕೂ ಮುನ್ನ ಭೂಮಿಗೆ ರವಾನೆಯಾಗಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ಹನ್ನೆರಡು ವರ್ಷಗಳಿಂದ ಶನಿಗ್ರಹ, ಅದರ ಸುತ್ತಲಿನ ಉಂಗುರಗಳು ಮತ್ತು ಉಪಗ್ರಹಗಳ ಬಗ್ಗೆ ಅಧ್ಯಯನ ನಡೆಸುತ್ತಿರುವ ನಾಸಾ ನಿರ್ಮಿತ ‘ಕ್ಯಾಸಿನಿ’ ನೌಕೆಯು ತನ್ನ ಯಾತ್ರೆಯ ಅಂತಿಮ ಹಂತಕ್ಕೆ ತಲುಪಿದೆ.<br /> <br /> 2017ರ ಸೆಪ್ಟೆಂಬರ್ ತಿಂಗಳಲ್ಲಿ ನೌಕೆಯು ತನ್ನ ಐತಿಹಾಸಿಕ ಯಾತ್ರೆಗೆ ಮಂಗಳಹಾಡುವ ಸಾಧ್ಯತೆ ಇದೆ. ಅದಕ್ಕೂ ಮೊದಲಿನ ಒಂದು ವರ್ಷದ ಅವಧಿಯಲ್ಲಿ ನೌಕೆಯು ಶನಿಗ್ರಹದ ಇನ್ನಷ್ಟು ಸನಿಹಕ್ಕೆ ತೆರಳಿ ಮತ್ತಷ್ಟು ಮಾಹಿತಿಗಳನ್ನು ಕಲೆ ಹಾಕಲಿದೆ. ಈ ಅವಧಿಯಲ್ಲಿ ಅದು ಮಹತ್ವದ ಎರಡು ಕಾರ್ಯಗಳನ್ನು ನಿಭಾಯಿಸಲಿದೆ.<br /> <br /> <strong>ಉಂಗುರದ ಅಧ್ಯಯನ:</strong> ಈ ವರ್ಷದ ನವೆಂಬರ್ 30ರಂದು ನೌಕೆಯು ಈಗಿನ ಕಕ್ಷೆಯಿಂದ ಶನಿಗ್ರಹದ ಪ್ರಮುಖ ಉಂಗುರಗಳ ಹೊರಭಾಗದ ಕಕ್ಷೆಗೆ ವರ್ಗಾವಣೆ ಹೊಂದಲಿದೆ. 20 ಸರಣಿಗಳ ಈ ಕಕ್ಷೆಯನ್ನು ಎಫ್ –ಉಂಗುರ ಕಕ್ಷೆ ಎಂದು ಕರೆಯಲಾಗಿದೆ.<br /> <br /> ಈ ಕಕ್ಷೆಯಲ್ಲಿ ಸುತ್ತು ಹಾಕುವ ಸಂದರ್ಭದಲ್ಲಿ ನೌಕೆಯು ಶನಿಗ್ರಹದ ವಿಲಕ್ಷಣ ಸರಪಣಿ ಮತ್ತು ಹೆಣಿಕೆ ರಚನೆ ಹೊಂದಿರುವ ಎಫ್–ಉಂಗುರದ ಕೇಂದ್ರದಿಂದ 7,800 ಕಿ.ಮೀ ದೂರದಲ್ಲಿ ಹಾದುಹೋಗಲಿದೆ ಎಂದು ನಾಸಾ ಹೇಳಿದೆ.<br /> <br /> <strong>**<br /> ಕೊನೆಯ ಹಂತ</strong><br /> ಕ್ಯಾಸಿನಿ ನೌಕೆಯು ತನ್ನ ಸೇವೆಯನ್ನು ಸ್ಥಗಿತಗೊಳಿಸುವುದಕ್ಕೂ ಕೆಲವೇ ತಿಂಗಳುಗಳ ಮುನ್ನ ಮತ್ತೊಂದು ಮಹತ್ವದ ಸಾಧನೆ ಮಾಡಲಿದೆ. ಈ ಹಂತವನ್ನು ನಾಸಾ ವಿಜ್ಞಾನಿಗಳು ‘ಗ್ರ್ಯಾಂಡ್ ಫಿನಾಲೆ’ ಎಂದು ಕರೆದಿದ್ದಾರೆ.<br /> <br /> ಮುಂದಿನ ವರ್ಷದ ಏಪ್ರಿಲ್ನಿಂದ ಈ ಹಂತ ಆರಂಭವಾಗಲಿದೆ. ಕ್ಯಾಸಿನಿಯು ಶನಿಗ್ರಹದ ಅತ್ಯಂತ ದೊಡ್ಡ ಉಪಗ್ರಹ ಟೈಟಾನ್ನ ಸಮೀಪ ಹೋಗುತ್ತದೆ. ಆಗ ಉಪಗ್ರಹವು ನೌಕೆಯ ಕಕ್ಷೆಗೆ ಹೊಸ ರೂಪಕೊಡಲಿದೆ.<br /> <br /> ಇದರಿಂದಾಗಿ ಕ್ಯಾಸಿನಿಯು ಉಂಗುರಗಳ ಹಾಗೂ ಶನಿಗ್ರಹದ ನಡುವೆ ಹಾದುಹೋಗಲಿದೆ (ಉಂಗುರ ಮತ್ತು ಗ್ರಹದ ನಡುವಣ ಅಂತರ 2,400 ಕಿ.ಮೀ).<br /> ನೌಕೆಯು 22 ಬಾರಿ ಈ ಅಂತರದಲ್ಲಿ ಹಾದು ಹೋಗುವ ನಿರೀಕ್ಷೆ ಇದೆ. 2017ರ ಏಪ್ರಿಲ್ 27ರಂದು ಮೊದಲ ಸಲ ಕ್ಯಾಸಿನಿಯು ಶನಿಗ್ರಹ ಮತ್ತು ಉಂಗುರಗಳ ಮಧ್ಯೆ ಸಂಚರಿಸಲಿದೆ.<br /> <br /> <strong>**<br /> ಅಂತಿಮ ಹಂತದಲ್ಲಿ ನೌಕೆ ಮಾಡುವುದೇನು?</strong><br /> ಈ ಸಮಯದಲ್ಲಿ ನೌಕೆಯು ಅತ್ಯಂತ ಸನಿಹದಿಂದ ಶನಿಗ್ರಹದ ಅಧ್ಯಯನ ನಡೆಸಲಿದೆ. ಗ್ರಹದ ಕಾಂತ ಮತ್ತು ಗುರುತ್ವಾಕರ್ಷಣೆ ಕ್ಷೇತ್ರವನ್ನು ಅಳೆಯಲಿದೆ. ಅಲ್ಲದೇ ಗ್ರಹದ ವಾತಾವರಣಕ್ಕೆ ಸಂಬಂಧಿಸಿದ ಸೂಕ್ಷ್ಮಾತಿಸೂಕ್ಷ್ಮ ಮಾಹಿತಿಗಳನ್ನು ಕಲೆ ಹಾಕಲಿದೆ.<br /> <br /> ಶನಿಗ್ರಹದ ಒಳ ರಚನೆ, ಉಂಗುರಗಳ ಒಟ್ಟು ದ್ರವ್ಯರಾಶಿಯ ಬಗ್ಗೆ ಹೆಚ್ಚಿನ ಒಳನೋಟ ನೀಡಲಿದೆ ಎಂಬುದು ವಿಜ್ಞಾನಿಗಳ ನಿರೀಕ್ಷೆ. ಅಂತಿಮವಾಗಿ ಇದರಿಂದ ಉಂಗುರಗಳ ವಯಸ್ಸನ್ನು ಲೆಕ್ಕಹಾಕಬಹುದು ಎಂಬುದು ಅವರ ಲೆಕ್ಕಾಚಾರ.<br /> <br /> ಇದರ ಜೊತೆಗೆ, ಪ್ರಮುಖ ಉಂಗುರಗಳಲ್ಲಿರುವ ದೂಳಿನ ಗಾತ್ರದ ಕಣಗಳು, ಶನಿಗ್ರಹದ ಹೊರ ವಾತಾವರಣದ ಮಾದರಿಗಳ ವಿಶ್ಲೇಷಣೆಯನ್ನೂ ಮಾಡಲಿದೆ.<br /> <br /> <strong>**<br /> ಕ್ಯಾಸಿನಿ ಜೊತೆ ಹ್ಯುಜೆನ್ಸ್...</strong><br /> ‘ಕ್ಯಾಸಿನಿ’ ನೌಕೆಯೊಂದಿಗೆ ಹ್ಯುಜೆನ್ಸ್ ಎಂಬ ಮತ್ತೊಂದು ನೌಕೆಯನ್ನು ಅಳವಡಿಸಲಾಗಿತ್ತು. ಕ್ಯಾಸಿನಿ ಶನಿಗ್ರಹದ ಅಧ್ಯಯನ ನಡೆಸಿದರೆ, ಹ್ಯುಜೆನ್ಸ್ಗೆ ಶನಿಗ್ರಹದ ದೊಡ್ಡ ಉಪಗ್ರಹ ಟೈಟಾನ್ನ ಅಧ್ಯಯನದ ಹೊಣೆ ಹೊರಿಸಲಾಗಿತ್ತು.</p>.<p><strong>*<br /> 1997, ಅಕ್ಟೋಬರ್ 15</strong><br /> ಕ್ಯಾಸಿನಿ ಮತ್ತು ಹ್ಯುಜೆನ್ಸ್ ನೌಕೆಯ ಉಡಾವಣೆ<br /> <br /> <strong>2004, ಜುಲೈ 1</strong><br /> ಶನಿಗ್ರಹದ ಕಕ್ಷೆ ಪ್ರವೇಶಿಸಿದ ನೌಕೆ</p>.<p><strong>2004, ಡಿಸೆಂಬರ್ 24</strong><br /> ಕ್ಯಾಸಿನಿಯಿಂದ ಬೇರ್ಪಟ್ಟ ಹ್ಯುಜೆನ್ಸ್</p>.<p><strong>2005,ಜನವರಿ 14</strong><br /> ಮೂರು ವಾರಗಳ ಪ್ರಯಾಣದ ನಂತರ ಟೈಟಾನ್ನಲ್ಲಿ ಯಶಸ್ವಿಯಾಗಿ ಇಳಿದ ಹ್ಯುಜೆನ್ಸ್</p>.<p><strong>2008, ಜೂನ್ 1</strong><br /> ಶನಿಗ್ರಹದ ಪ್ರಾಥಮಿಕ ಅಧ್ಯಯನ ಮುಕ್ತಾಯಗೊಳಿಸಿದ ಕ್ಯಾಸಿನಿ</p>.<p><strong>2010, ಫೆಬ್ರುವರಿ 3</strong><br /> ‘ಕ್ಯಾಸಿನಿ–ಹ್ಯುಜೆನ್ಸ್’ ಯೋಜನೆಯನ್ನು 2017ರವರೆಗೆ ವಿಸ್ತರಿಸಿದ ನಾಸಾ</p>.<p><strong>2017 ಸೆಪ್ಟೆಂಬರ್</strong><br /> ಅಧ್ಯಯನ ಸ್ಥಗಿತಗೊಳಿಸಲಿರುವ ಕ್ಯಾಸಿನಿಯು ಶನಿಗ್ರಹಕ್ಕೆ ಅಪ್ಪಳಿಸಲಿದೆ. ಶನಿಗ್ರಹದ ಬಗ್ಗೆ ನೌಕೆಯು ಅದುವರೆಗೆ ಕಲೆ ಹಾಕಿರುವ ಮಾಹಿತಿಗಳು, ಸಂಕೇತ ಲಭ್ಯವಿರುವವರೆಗೆ ಅದಕ್ಕೂ ಮುನ್ನ ಭೂಮಿಗೆ ರವಾನೆಯಾಗಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>