<p><strong>ವಡೋದರ</strong>: ಆರಂಭಿಕ ಬ್ಯಾಟರ್ ಬೆತ್ ಮೂನಿ ಅವರ ಜವಾಬ್ದಾರಿಯುತ ಬ್ಯಾಟಿಂಗ್ ಬಲದಿಂದ ಗುಜರಾತ್ ಜೈಂಟ್ಸ್ ತಂಡವು ಮಹಿಳಾ ಪ್ರೀಮಿಯರ್ ಲೀಗ್ ಟಿ20 ಕ್ರಿಕೆಟ್ ಟೂರ್ನಿಯ ಎಲಿಮಿನೇಟರ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಎದುರು ಸ್ಪರ್ಧಾತ್ಮಕ ಮೊತ್ತ ಗಳಿಸಿತು. </p><p><br>ಕೋತಂಬಿ ಕ್ರೀಡಾಂಗಣದಲ್ಲಿ ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಸ್ಪಿನ್ನರ್ ನಂದನಿ ಶರ್ಮಾ (44ಕ್ಕೆ2) ಮತ್ತು ಶಿನೆಲಿ ಹೆನ್ರಿ (35ಕ್ಕೆ3) ಅವರ ಪರಿಣಾಮಕಾರಿ ದಾಳಿಯಿಂದಾಗಿ ಗುಜರಾತ್ ತಂಡವು 59ಕ್ಕೆ4 ವಿಕೆಟ್ ಕಳೆದುಕೊಂಡು ಸಂಕಷ್ಟ ಎದುರಿಸಿತು. ಈ ಹಂತದಲ್ಲಿ ಕ್ರೀಸ್ನಲ್ಲಿದ್ದ ಮೂನಿ (ಔಟಾಗದೇ 62; 51ಎ, 4X6) ಅವರ ದಿಟ್ಟ ಆಟವು ತಂಡಕ್ಕೆ ನೆರವಾಯಿತು. ಅದರಿಂದಾಗಿ ಗುಜರಾತ್ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 168 ರನ್ ಗಳಿಸಲು ಸಾಧ್ಯವಾಯಿತು. </p><p><br>ಮೂನಿ ಅವರು ಐದನೇ ವಿಕೆಟ್ ಜೊತೆಯಾಟದಲ್ಲಿ ಜಾರ್ಜಿಯಾ ವೆರ್ಹಾಮ್ (35; 25ಎ, 4X3, 6X1) ಅವರೊಂದಿಗೆ 61 ರನ್ ಸೇರಿಸಿದರು. ಇದು ತಂಡಕ್ಕೆ ಚೇತೋಹಾರಿಯಾಯಿತು. ಇಡೀ ಇನಿಂಗ್ಸ್ನಲ್ಲಿ ದಾಖಲಾದ ಏಕೈಕ ಸಿಕ್ಸರ್ ಅನ್ನು ಜಾರ್ಜಿಯಾ ಹೊಡೆದರು. ಅವರು ಹೆನ್ರಿ ಬೌಲಿಂಗ್ನಲ್ಲಿ ಲೌರಾ ವೊಲ್ವಾರ್ಟ್ ಅವರಿಗೆ ಕ್ಯಾಚಿತ್ತುನಿರ್ಗಮಿಸಿದರು. </p><p><br>ತಂಡದ ಪ್ರಮುಖ ಬ್ಯಾಟರ್ಗಳಾದ ಸೋಫಿ ಡಿವೈನ್ (6ರನ್), ಕನಿಕಾ ಅಹುಜಾ (6 ರನ್) ಹಾಗೂ ಅನುಷ್ಕಾ ಶರ್ಮಾ (16 ರನ್) ಅವರು ಬೇಗನೆ ನಿರ್ಗಮಿಸಿದರು. ನಾಯಕಿ ಆ್ಯಷ್ಲೆ ಗಾರ್ಡನರ್ ಹಾಗೂ ಭಾರತಿ ಫೂಲ್ಮಾಲಿ ಖಾತೆಯನ್ನೇ ತೆರೆಯಲಿಲ್ಲ. </p><p><br>ಏಳನೇ ವಿಕೆಟ್ ಜತೆಯಾಟದಲ್ಲಿ ಮೂನಿಯೊಂದಿಗೆ ಸೇರಿಕೊಂಡ ಕಶ್ವಿ ಗೌತಮ್ (18; 10ಎ) ಅವರು 38 ರನ್ ಸೇರಿಸಿದರು. ಕೊನೆಯ ಓವರ್ನಲ್ಲಿ ಕಶ್ವಿ ಅವರು ರನ್ಔಟ್ ಆದರು. </p><p><strong>ಸಂಕ್ಷಿಪ್ತ ಸ್ಕೋರು:</strong> ಗುಜರಾತ್ ಜೈಂಟ್ಸ್: 20 ಓವರ್ಗಳಲ್ಲಿ 7ಕ್ಕೆ168 (ಬೆತ್ ಮೂನಿ ಔಟಾಗದೇ 62, ಜಾರ್ಜಿಯಾ ವೆರ್ಹಾಮ್ 35, ಕಶ್ವಿ ಗೌತಮ್ 18,ಶಿನೆಲಿ ಹೆನ್ರಿ 35ಕ್ಕೆ3, ನಂದನಿ ಶರ್ಮಾ 44ಕ್ಕೆ2, ಮಿನು ಮಣಿ 23ಕ್ಕೆ1) </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಡೋದರ</strong>: ಆರಂಭಿಕ ಬ್ಯಾಟರ್ ಬೆತ್ ಮೂನಿ ಅವರ ಜವಾಬ್ದಾರಿಯುತ ಬ್ಯಾಟಿಂಗ್ ಬಲದಿಂದ ಗುಜರಾತ್ ಜೈಂಟ್ಸ್ ತಂಡವು ಮಹಿಳಾ ಪ್ರೀಮಿಯರ್ ಲೀಗ್ ಟಿ20 ಕ್ರಿಕೆಟ್ ಟೂರ್ನಿಯ ಎಲಿಮಿನೇಟರ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಎದುರು ಸ್ಪರ್ಧಾತ್ಮಕ ಮೊತ್ತ ಗಳಿಸಿತು. </p><p><br>ಕೋತಂಬಿ ಕ್ರೀಡಾಂಗಣದಲ್ಲಿ ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಸ್ಪಿನ್ನರ್ ನಂದನಿ ಶರ್ಮಾ (44ಕ್ಕೆ2) ಮತ್ತು ಶಿನೆಲಿ ಹೆನ್ರಿ (35ಕ್ಕೆ3) ಅವರ ಪರಿಣಾಮಕಾರಿ ದಾಳಿಯಿಂದಾಗಿ ಗುಜರಾತ್ ತಂಡವು 59ಕ್ಕೆ4 ವಿಕೆಟ್ ಕಳೆದುಕೊಂಡು ಸಂಕಷ್ಟ ಎದುರಿಸಿತು. ಈ ಹಂತದಲ್ಲಿ ಕ್ರೀಸ್ನಲ್ಲಿದ್ದ ಮೂನಿ (ಔಟಾಗದೇ 62; 51ಎ, 4X6) ಅವರ ದಿಟ್ಟ ಆಟವು ತಂಡಕ್ಕೆ ನೆರವಾಯಿತು. ಅದರಿಂದಾಗಿ ಗುಜರಾತ್ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 168 ರನ್ ಗಳಿಸಲು ಸಾಧ್ಯವಾಯಿತು. </p><p><br>ಮೂನಿ ಅವರು ಐದನೇ ವಿಕೆಟ್ ಜೊತೆಯಾಟದಲ್ಲಿ ಜಾರ್ಜಿಯಾ ವೆರ್ಹಾಮ್ (35; 25ಎ, 4X3, 6X1) ಅವರೊಂದಿಗೆ 61 ರನ್ ಸೇರಿಸಿದರು. ಇದು ತಂಡಕ್ಕೆ ಚೇತೋಹಾರಿಯಾಯಿತು. ಇಡೀ ಇನಿಂಗ್ಸ್ನಲ್ಲಿ ದಾಖಲಾದ ಏಕೈಕ ಸಿಕ್ಸರ್ ಅನ್ನು ಜಾರ್ಜಿಯಾ ಹೊಡೆದರು. ಅವರು ಹೆನ್ರಿ ಬೌಲಿಂಗ್ನಲ್ಲಿ ಲೌರಾ ವೊಲ್ವಾರ್ಟ್ ಅವರಿಗೆ ಕ್ಯಾಚಿತ್ತುನಿರ್ಗಮಿಸಿದರು. </p><p><br>ತಂಡದ ಪ್ರಮುಖ ಬ್ಯಾಟರ್ಗಳಾದ ಸೋಫಿ ಡಿವೈನ್ (6ರನ್), ಕನಿಕಾ ಅಹುಜಾ (6 ರನ್) ಹಾಗೂ ಅನುಷ್ಕಾ ಶರ್ಮಾ (16 ರನ್) ಅವರು ಬೇಗನೆ ನಿರ್ಗಮಿಸಿದರು. ನಾಯಕಿ ಆ್ಯಷ್ಲೆ ಗಾರ್ಡನರ್ ಹಾಗೂ ಭಾರತಿ ಫೂಲ್ಮಾಲಿ ಖಾತೆಯನ್ನೇ ತೆರೆಯಲಿಲ್ಲ. </p><p><br>ಏಳನೇ ವಿಕೆಟ್ ಜತೆಯಾಟದಲ್ಲಿ ಮೂನಿಯೊಂದಿಗೆ ಸೇರಿಕೊಂಡ ಕಶ್ವಿ ಗೌತಮ್ (18; 10ಎ) ಅವರು 38 ರನ್ ಸೇರಿಸಿದರು. ಕೊನೆಯ ಓವರ್ನಲ್ಲಿ ಕಶ್ವಿ ಅವರು ರನ್ಔಟ್ ಆದರು. </p><p><strong>ಸಂಕ್ಷಿಪ್ತ ಸ್ಕೋರು:</strong> ಗುಜರಾತ್ ಜೈಂಟ್ಸ್: 20 ಓವರ್ಗಳಲ್ಲಿ 7ಕ್ಕೆ168 (ಬೆತ್ ಮೂನಿ ಔಟಾಗದೇ 62, ಜಾರ್ಜಿಯಾ ವೆರ್ಹಾಮ್ 35, ಕಶ್ವಿ ಗೌತಮ್ 18,ಶಿನೆಲಿ ಹೆನ್ರಿ 35ಕ್ಕೆ3, ನಂದನಿ ಶರ್ಮಾ 44ಕ್ಕೆ2, ಮಿನು ಮಣಿ 23ಕ್ಕೆ1) </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
