ಸದಾಕಾಲ ಗಾಂಭೀರ್ಯವನ್ನು ಆವರಿಸಿಕೊಂಡಂತೆ ಕಾಣಿಸುವ ಶಿವರಾಮ ಕಾರಂತರು ನಗುವುದನ್ನು ನೋಡಿದ್ದೀರಾ? ಇಲ್ಲಿದೆ ನೋಡಿ, ನಸುನಗುತ್ತಿರುವ ಕಾರಂತರ ಚಿತ್ರಪಟ. ಈ ಅಪರೂಪದ ನಗೆಯನ್ನು ಮಾಸ್ತಿ ವೆಂಕಟೇಶ ಅಯ್ಯಂಗಾರರು ಬೆರಗಿನಿಂದ ನೋಡುತ್ತಿರುವಂತಿದೆ. ಮಧ್ಯೆ ಇರುವವರು, ವಿ.ಕೃ. ಗೋಕಾಕರು.
ಈ ತ್ರಿಮೂರ್ತಿಗಳು ಒಂದೇ ವೇದಿಕೆಯಲ್ಲಿ ಸೇರಿರುವುದಕ್ಕೆ ನೆಪವಾಗಿರುವುದು ಕಾರಂತರ ಹುಟ್ಟುಹಬ್ಬ. 1967ರ ಅಕ್ಟೋಬರ್ 10ರಂದು ಬೆಂಗಳೂರಿನಲ್ಲಿ ಶಿವರಾಮ ಕಾರಂತರ ಹುಟ್ಟುಹಬ್ಬದ ಆಚರಣೆ ನಡೆಯಿತು. ಇಲ್ಲಿನ ಚಿತ್ರಪಟ, ಐದು ದಶಕಗಳ ಹಿಂದಿನ ಕಾರ್ಯಕ್ರಮದ ಕಂಪನ್ನು ಈಗಲೂ ಬೀರುವಷ್ಟು ತಾಜಾ ಆಗಿದೆ.
– ಪ್ರಜಾವಾಣಿ ಆರ್ಕೈವ್ಸ್ / ಟಿ.ಎಲ್. ರಾಮಸ್ವಾಮಿ