ಕೋಲಾರ: ಬಬಿತಾ ಹಾಗೂ ಶ್ವೇತಾ ಅವರ ಉತ್ತಮ ಆಟದ ಬಲದಿಂದ ಪೋಸ್ಟಲ್ ತಂಡ ಕೋಲಾರ ಜಿಲ್ಲೆಯ ಶ್ರೀನಿವಾಸಪುರದಲ್ಲಿ ನಡೆದ ಕರ್ನಾಟಕ ವಾಲಿಬಾಲ್ ಲೀಗ್‌ನಲ್ಲಿ ಬುಧವಾರ ಪ್ರಶಸ್ತಿ ಗೆದ್ದಿದೆ.
ಕರ್ನಾಟಕ ವಾಲಿಬಾಲ್ ಸಂಸ್ಥೆ ವತಿ ಯಿಂದ ನಡೆದ ಮಹಿಳೆಯರ ವಿಭಾಗದ ಫೈನಲ್‌ನಲ್ಲಿ ಪೋಸ್ಟಲ್ 25–20, 25–18 ರಲ್ಲಿ ಬೆಂಗಳೂರು ಸಿಟಿ ತಂಡವನ್ನು ಮಣಿಸಿತು.
ಮೂರನೇ ಸ್ಥಾನಕ್ಕಾಗಿ ನಡೆದ ಪ್ಲೇ ಆಫ್‌ ಪಂದ್ಯದಲ್ಲಿ ಪೋಸ್ಟಲ್ 25–14, 18–25, 25–14ರಲ್ಲಿ ಮೈಸೂರು ಸ್ಪೋರ್ಟ್ಸ್‌ ಹಾಸ್ಟೆಲ್‌ ಎದುರು ಗೆದ್ದಿದೆ.
ಬಿಎಸ್‌ಎನ್‌ಎಲ್‌ಗೆ ಪ್ರಶಸ್ತಿ: ಪುರುಷರ ವಿಭಾಗದ ಪ್ರಶಸ್ತಿಯನ್ನು ಬಿಎಸ್‌ಎನ್‌ ಎಲ್ ತಂಡ ಎತ್ತಿಹಿಡಿಯಿತು.
ಫೈನಲ್‌ನಲ್ಲಿ ಈ ತಂಡ 25–22, 25–20, 28–26ರಲ್ಲಿ ಪೋಸ್ಟಲ್ ಎದುರು ಜಯದಾಖಲಿಸಿತು. ಮೂರನೇ ಸ್ಥಾನಕ್ಕಾಗಿ ನಡೆದ ಪಂದ್ಯದಲ್ಲಿ ಹೊಯ್ಸಳ 25–17, 21–25, 25–20ರಲ್ಲಿ ಸಿಕ್ಯುಎಎಲ್ ಎದುರು ಗೆದ್ದಿತು.
