<p><strong>ಭುವನೇಶ್ವರ</strong>: ನಿರಂತರ ಗೋಲು ಗಳಿಸಿದ ಬೆಲ್ಜಿಯಂ ವಿಶ್ವ ಹಾಕಿ ಲೀಗ್ ಫೈನಲ್ನ ಭಾನುವಾರದ ಪಂದ್ಯದಲ್ಲಿ ಸ್ಪೇನ್ ವಿರುದ್ಧ ಭರ್ಜರಿ ಜಯ ಗಳಿಸಿತು.</p>.<p>ಇಲ್ಲಿನ ಕಳಿಂಗ ಕ್ರೀಡಾಂಗಣದಲ್ಲಿ ನಡೆದ ‘ಎ’ ಗುಂಪಿನ ಪಂದ್ಯದಲ್ಲಿ ಲ್ಯೂಪರ್ಟ್ ಲಾಯಿಕ್ ಗಳಿಸಿದ ಹ್ಯಾಟ್ರಿಕ್ ಗೋಲುಗಳ ನೆರವಿನಿಂದ 5–0 ಅಂತರದ ಗೆಲುವು ದಾಖಲಿಸಿತು. ಈ ಮೂಲಕ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ ಸ್ಥಾನಕ್ಕೇರಿತು.</p>.<p>ವ್ಯಾನ್ ಆಬೆಲ್ ಫ್ಲಾರೆಂಟ್ ಮೂರನೇ ನಿಮಿಷದಲ್ಲಿ ಗಳಿಸಿದ ಗೋಲಿನ ಮೂಲಕ ಬೆಲ್ಜಿಯಂ ಮುನ್ನಡೆ ಗಳಿಸಿತು. ಈ ಆಘಾತದಿಂದ ಆತಂಕಗೊಂಡ ಸ್ಪೇನ್ ಮರು ಹೋರಾಟ ನಡೆಸಿತು. 37ನೇ ನಿಮಿಷದ ವರೆಗೆ ಉಭಯ ತಂಡಗಳು ಜಿದ್ದಾಜಿದ್ದಿಯ ಹೋರಾಟ ನಡೆಸಿದವು.</p>.<p>ನಂತರ ಪಂದ್ಯದ ಮೇಲೆ ಬೆಲ್ಜಿಯಂ ನಿಯಂತ್ರಣ ಸಾಧಿಸಿತು. ನಾಲ್ಕು ಗೋಲುಗಳನ್ನು ಬಾರಿಸಿ ಎದುರಾಳಿ ತಂಡವನ್ನು ದಂಗಾಗಿಸಿತು. 38 ಮತ್ತು 57ನೇ ನಿಮಿಷದಲ್ಲಿ ಲಭಿಸಿದ ಎರಡು ಪೆನಾಲ್ಟಿ ಕಾರ್ನರ್ ಅವಕಾಶಗಳನ್ನು ಲ್ಯೂಪರ್ಟ್ ಲಾಯಿಕ್ ಸದುಪಯೋಗ ಮಾಡಿಕೊಂಡರು. ಈ ಮೂಲಕ 3–0 ಅಂತರದ ಮುನ್ನಡೆ ಗಳಿಸಿಕೊಟ್ಟರು.</p>.<p>58ನೇ ನಿಮಿಷದಲ್ಲಿ ಚಾರ್ಲಿಯರ್ ಸೆಡ್ರಿಯಕ್ ಫೀಲ್ಡ್ ಗೋಲು ಗಳಿಸಿ ಎದುರಾಳಿಗಳಿಗೆ ತೀವ್ರ ನಿರಾಸೆ ಮೂಡಿಸಿದರು. ಮರು ನಿಮಿಷದಲ್ಲಿ ಲ್ಯೂಪರ್ಟ್ ಲಾಯಿಕ್ ವೈಯಕ್ತಿಕ ಮೂರನೇ ಗೋಲು ಗಳಿಸಿದರು. ನೆದರ್ಲೆಂಡ್ಸ್–ಅರ್ಜೆಂಟೀನಾ ಪಂದ್ಯ ಡ್ರಾ: ’ಎ’ ಗುಂಪಿನ ನೆದರ್ಲೆಂಡ್ಸ್ ಮತ್ತು ಅರ್ಜೆಂಟೀನಾ ನಡುವಿನ ಪಂದ್ಯ ಡ್ರಾದಲ್ಲಿ ಕೊನೆಗೊಂಡಿತು.</p>.<p>ಉಭಯ ತಂಡಗಳು ತಲಾ ಮೂರು ಗೋಲು ದಾಖಲಿಸಿದವು.</p>.<p>12ನೇ ನಿಮಿಷದಲ್ಲಿ ಬ್ರಿಂಕ್ಮ್ಯಾನ್ ಗಳಿಸಿದ ಗೋಲಿನ ಮೂಲಕ ನೆದರ್ಲೆಂಡ್ಸ್ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭುವನೇಶ್ವರ</strong>: ನಿರಂತರ ಗೋಲು ಗಳಿಸಿದ ಬೆಲ್ಜಿಯಂ ವಿಶ್ವ ಹಾಕಿ ಲೀಗ್ ಫೈನಲ್ನ ಭಾನುವಾರದ ಪಂದ್ಯದಲ್ಲಿ ಸ್ಪೇನ್ ವಿರುದ್ಧ ಭರ್ಜರಿ ಜಯ ಗಳಿಸಿತು.</p>.<p>ಇಲ್ಲಿನ ಕಳಿಂಗ ಕ್ರೀಡಾಂಗಣದಲ್ಲಿ ನಡೆದ ‘ಎ’ ಗುಂಪಿನ ಪಂದ್ಯದಲ್ಲಿ ಲ್ಯೂಪರ್ಟ್ ಲಾಯಿಕ್ ಗಳಿಸಿದ ಹ್ಯಾಟ್ರಿಕ್ ಗೋಲುಗಳ ನೆರವಿನಿಂದ 5–0 ಅಂತರದ ಗೆಲುವು ದಾಖಲಿಸಿತು. ಈ ಮೂಲಕ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರ ಸ್ಥಾನಕ್ಕೇರಿತು.</p>.<p>ವ್ಯಾನ್ ಆಬೆಲ್ ಫ್ಲಾರೆಂಟ್ ಮೂರನೇ ನಿಮಿಷದಲ್ಲಿ ಗಳಿಸಿದ ಗೋಲಿನ ಮೂಲಕ ಬೆಲ್ಜಿಯಂ ಮುನ್ನಡೆ ಗಳಿಸಿತು. ಈ ಆಘಾತದಿಂದ ಆತಂಕಗೊಂಡ ಸ್ಪೇನ್ ಮರು ಹೋರಾಟ ನಡೆಸಿತು. 37ನೇ ನಿಮಿಷದ ವರೆಗೆ ಉಭಯ ತಂಡಗಳು ಜಿದ್ದಾಜಿದ್ದಿಯ ಹೋರಾಟ ನಡೆಸಿದವು.</p>.<p>ನಂತರ ಪಂದ್ಯದ ಮೇಲೆ ಬೆಲ್ಜಿಯಂ ನಿಯಂತ್ರಣ ಸಾಧಿಸಿತು. ನಾಲ್ಕು ಗೋಲುಗಳನ್ನು ಬಾರಿಸಿ ಎದುರಾಳಿ ತಂಡವನ್ನು ದಂಗಾಗಿಸಿತು. 38 ಮತ್ತು 57ನೇ ನಿಮಿಷದಲ್ಲಿ ಲಭಿಸಿದ ಎರಡು ಪೆನಾಲ್ಟಿ ಕಾರ್ನರ್ ಅವಕಾಶಗಳನ್ನು ಲ್ಯೂಪರ್ಟ್ ಲಾಯಿಕ್ ಸದುಪಯೋಗ ಮಾಡಿಕೊಂಡರು. ಈ ಮೂಲಕ 3–0 ಅಂತರದ ಮುನ್ನಡೆ ಗಳಿಸಿಕೊಟ್ಟರು.</p>.<p>58ನೇ ನಿಮಿಷದಲ್ಲಿ ಚಾರ್ಲಿಯರ್ ಸೆಡ್ರಿಯಕ್ ಫೀಲ್ಡ್ ಗೋಲು ಗಳಿಸಿ ಎದುರಾಳಿಗಳಿಗೆ ತೀವ್ರ ನಿರಾಸೆ ಮೂಡಿಸಿದರು. ಮರು ನಿಮಿಷದಲ್ಲಿ ಲ್ಯೂಪರ್ಟ್ ಲಾಯಿಕ್ ವೈಯಕ್ತಿಕ ಮೂರನೇ ಗೋಲು ಗಳಿಸಿದರು. ನೆದರ್ಲೆಂಡ್ಸ್–ಅರ್ಜೆಂಟೀನಾ ಪಂದ್ಯ ಡ್ರಾ: ’ಎ’ ಗುಂಪಿನ ನೆದರ್ಲೆಂಡ್ಸ್ ಮತ್ತು ಅರ್ಜೆಂಟೀನಾ ನಡುವಿನ ಪಂದ್ಯ ಡ್ರಾದಲ್ಲಿ ಕೊನೆಗೊಂಡಿತು.</p>.<p>ಉಭಯ ತಂಡಗಳು ತಲಾ ಮೂರು ಗೋಲು ದಾಖಲಿಸಿದವು.</p>.<p>12ನೇ ನಿಮಿಷದಲ್ಲಿ ಬ್ರಿಂಕ್ಮ್ಯಾನ್ ಗಳಿಸಿದ ಗೋಲಿನ ಮೂಲಕ ನೆದರ್ಲೆಂಡ್ಸ್ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
