ಚಂಡಿಗಡ: ಮಲತಾಯಿಯು ಐದು ವರ್ಷದ ಹೆಣ್ಣುಮಗುವನ್ನು ಚೀಲದೊಳಗೆ ಹಾಕಿ ಚಿತ್ರಹಿಂಸೆ ನೀಡಿದ ಅಮಾನವೀಯ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ತಾಯಿಯ ಈ ದುಷ್ಕೃತ್ಯವನ್ನು ಮಗುವಿನ ಸಹೋದರ ಫೋನಿನಲ್ಲಿ ಸೆರೆ ಹಿಡಿದಿದ್ದಾನೆ. ಹಿಂಸೆಯ ವೇಳೆ ಮಗುವಿನ ಕಾಲಿನ ಭಾಗಕ್ಕೆ ಗಾಯವಾಗಿದೆ. ಮಗುವಿನ ತಂದೆಯು ತನ್ನ ಪತ್ನಿ ವಿರುದ್ಧ ದೂರು ದಾಖಲಿಸಿದ್ದಾರೆ.
ಮಲತಾಯಿಯು ಆ ಮಗುವನ್ನು ಚೀಲದೊಳಗೆ ಹಾಕಿ ಮಗುವಿಗೆ ಹೊಡೆಯುತ್ತಿರುವುದು ಹಾಗೂ ಕಿವಿ ಮತ್ತು ಕೂದಲನ್ನು ಹಿಡಿದು ಎಳೆಯುತ್ತಿರುವುದು ವಿಡಿಯೋದಲ್ಲಿ ದಾಖಲಾಗಿದೆ.
ಕ್ಯಾನ್ಸರ್ನಿಂದ ಬಳಲುತ್ತಿದ್ದ ಈ ಮಗುವಿನ ತಾಯಿಯು ಕೆಲವು ತಿಂಗಳ ಹಿಂದೆ ಮೃತಪಟ್ಟಿದ್ದರು. ಬಳಿಕ ಆ ಮಗುವಿನ ತಂದೆ ಎರಡನೇ ಮದುವೆಯಾಗಿದ್ದರು.