ದೆಹಲಿಯಿಂದ ಮುಂಬೈಗೆ ಬರುತ್ತಿದ್ದ ಏರ್ ವಿಸ್ತಾರ ವಿಮಾನದಲ್ಲಿ ಸಹ ಪ್ರಯಾಣಿಕನೊಬ್ಬ ತಮ್ಮ ಜತೆಯಲ್ಲಿ ಅಸಭ್ಯವಾಗಿ ವರ್ತಿಸಿದ್ದಾನೆ. ಈ ಬಗ್ಗೆ ವಿಮಾನದ ಸಿಬ್ಬಂದಿಗಳಿಗೆ ಮಾಹಿತಿ ನೀಡಿದರೂ ಅವರು ಸಹಾಯಕ್ಕೆ ಬರಲಿಲ್ಲ ಎಂದು ನಟಿ ವಿಡಿಯೊದಲ್ಲಿ ಕಣ್ಣೀರು ಹಾಕುತ್ತ ಹೇಳಿದ್ದಾರೆ.
‘ಆತ ಮೊದಲು ನಾನಿದ್ದ ಸೀಟ್ ಪಕ್ಕದಿಂದ ಕಾಲು ಹಾಕಿದ್ದ. ನಾನು ನಿದ್ದೆ ಮಾಡುತ್ತಿದ್ದ ವೇಳೆ ನನ್ನ ಕುತ್ತಿಗೆ ಸವರಿದ. ಮಂದ ಬೆಳಕು ಇದ್ದ ಕಾರಣ ಅದನ್ನು ವಿಡಿಯೊ ಮಾಡಲು ಆಗಲಿಲ್ಲ’ ಎಂದಿರುವ ಅವರು ಸೀಟ್ ಪಕ್ಕದಿಂದ ವ್ಯಕ್ತಿ ಕಾಲು ಹಾಕಿರುವ ವಿಡಿಯೊ ಅನ್ನು ಇನ್ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಿದ್ದಾರೆ.