‘ವಿಶ್ವ ಸಾಲ್ಸಾ ಡಾನ್ಸ್ ರಾಜಧಾನಿ’ (ಕ್ಯಾಪಿಟಲ್ ಡೆ ಲಾ ಸಾಲ್ಸಾ) ಎಂದೇ ಹೆಸರುವಾಸಿಯಾದ ಕೊಲಂಬಿಯಾದ ಕಲಿ ನಗರದಲ್ಲಿ ಈಚೆಗಷ್ಟೇ ‘ಕಲಿ ಸಾಲ್ಸಾಡ್ರೊಮೊ’ ಉತ್ಸವ ನಡೆಯಿತು. ಪ್ರತಿವರ್ಷ ಡಿಸೆಂಬರ್ ತಿಂಗಳಲ್ಲಿ ಈ ಉತ್ಸವ ನಡೆಯುತ್ತದೆ.
ಈ ಬಾರಿ 1,500ಕ್ಕೂ ಹೆಚ್ಚು ಮಂದಿ ಮೈ ನವಿರೇಳಿಸುವ ನೃತ್ಯ ಪ್ರದರ್ಶನ ನೀಡಿದರು.
ಸಾಲ್ಸಾದೊಂದಿಗೆ ಕುದುರೆ ಸವಾರಿ, ಕ್ರೀಡಾ ಚಟುವಟಿಕೆಗಳು, ಆಹಾರ ಮಳಿಗೆಗಳು ಜನರನ್ನು ಆಕರ್ಷಿಸುತ್ತವೆ. ಜುಲೈ ತಿಂಗಳಲ್ಲಿ ‘ಬೇಸಿಗೆ ಸಾಲ್ಸಾ ಉತ್ಸವ’ ನಡೆಯುತ್ತದೆ. ಅದರಲ್ಲಿ ವಿಶ್ವದ ನಾನಾ ಭಾಗಗಳ ಸಾಲ್ಸಾ ನೃತ್ಯಗಾರರು ಭಾಗವಹಿಸುತ್ತಾರೆ.