ಸಾಗರಗಳ ಸರಾಸರಿ ತಾಪಮಾನ 3.5 ಡಿಗ್ರಿ ಸೆಲ್ಸಿಯಸ್

ವಿಶ್ವದ ವಿವಿಧ ಸಾಗರಗಳ ಸರಾಸರಿ ತಾಪಮಾನ ಅಳೆಯುವ ಮಹತ್ವದ ವಿಧಾನವನ್ನು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ. ಈವರೆಗೆ ಇದು ಅತ್ಯಂತ ಕಷ್ಟದ ಕೆಲಸ ಎಂದು ಪರಿಗಣಿಸಲಾಗಿತ್ತು ಎಂದು ಸಂಶೋಧಕರು ಹೇಳಿದ್ದಾರೆ.

ನೀರಿನ ಪ್ರತಿ ಪದರವೂ ಬೇರೆ ಬೇರೆ ಪ್ರಮಾಣದ ಉಷ್ಣಾಂಶ ಹೊಂದಿರುತ್ತದೆ. ಹೀಗಾಗಿ ಒಟ್ಟು ಸಾಗರದ ಮೇಲ್ಮೈ ಹಾಗೂ ಆಳದ ಸರಾಸರಿ ಉಷ್ಣಾಂಶ ಕಂಡುಹಿಡಿಯುವುದು ಒಂದು ಸವಾಲಾಗಿತ್ತು. ಈ ಅಡೆತಡೆಗಳನ್ನು ದಾಟುವಲ್ಲಿ ಅಮೆರಿಕದ ಕ್ಯಾಲಿಫೋರ್ನಿಯಾ ವಿ.ವಿ. ಸಂಶೋಧಕರು ಯಶಸ್ವಿಯಾಗಿದ್ದಾರೆ.