<p><strong>ಹಾಸನ:</strong> ಕೆಲವೇ ವರ್ಷಗಳಲ್ಲಿ ಬೌದ್ಧಧರ್ಮ ವಿಶ್ವದ ಮುಂಚೂಣಿ ಧರ್ಮವಾಗಲಿದೆ ಎಂದು ಲಂಡನ್ನ ಬೌದ್ಧ ಸನ್ಯಾಸಿ ಭಂತೆ ಧಮ್ಮನಾಗ ಅಭಿಪ್ರಾಯ ವ್ಯಕ್ತಪಡಿಸಿದರು.</p>.<p>ಇಲ್ಲಿನ ವಿದ್ಯಾನಗರದಲ್ಲಿರುವ ಬೌದ್ಧ ಮಹಾಸಭಾದ ಆಶ್ರಯದಲ್ಲಿ ಭಾನುವಾರ ಹಮ್ಮಿಕೊಂಡಿದ್ದ ಅಷ್ಟಾಂಗಮಾರ್ಗ ಧ್ಯಾನ ಕೇಂದ್ರದ ಉದ್ಘಾಟನೆ ನೆರವೇರಿಸಿ ಮಾತನಾಡಿದರು.</p>.<p>ಇಂಗ್ಲೆಂಡ್ನ ಶೇ 70 ರಷ್ಟು ಜನರು ಬೌದ್ಧ ಧರ್ಮ ಸ್ವೀಕಾರ ಮಾಡಿದ್ದಾರೆ. ಮುಂದುವರಿದ 35 ರಾಷ್ಟ್ರಗಳು ಬೌದ್ಧ ಧರ್ಮ ಸ್ವೀಕರಿಸಿ ಜೀವನದಲ್ಲಿ ಅನುಸರಿಸುತ್ತಿದ್ದಾರೆ. ಧರ್ಮ ಸಂಘರ್ಷದ ಕುಲುಮೆಯಲ್ಲಿ ನಲುಗುತ್ತಿರುವ ಭಾರತಕ್ಕೆ ಬುದ್ಧನ ಪ್ರೀತಿ, ಮೈತ್ರಿಯ ಪಾಲನೆ ಅವಶ್ಯಕವಾಗಿದೆ ಎಂದು ಹೇಳಿದರು.</p>.<p>ಬೌದ್ಧ ಧರ್ಮದ ಪಂಚ ಶೀಲ ತತ್ವಗಳು ಮತ್ತು ಅಷ್ಟಾಂಗ ಮಾರ್ಗಗಳ ಅನುಕರಣೆ ಬಹಳ ಮುಖ್ಯ. ಬೌದ್ಧ ಧರ್ಮ ವಿಶ್ವಕ್ಕೆ ಶಾಂತಿ ಸಾರಿದ ಧರ್ಮವಾಗಿದೆ. ಯುದ್ಧ, ಅಹಿಂಸೆ ಹೆಚ್ಚುತ್ತಿದ್ದು, ವಿಶ್ವದಲ್ಲಿ ಶಾಂತಿ ನೆಲೆಸಬೇಕಾದರೆ ಬೌದ್ಧ ಧರ್ಮವೊಂದೇ ಮಾರ್ಗ ಎಂದು ತಿಳಿಸಿದರು.</p>.<p>ಬೌದ್ಧ ಮಹಾಸಭಾದ ಜಿಲ್ಲಾ ಅಧ್ಯಕ್ಷ ಆರ್. ಶ್ರೀನಿವಾಸ್ ಮಾತನಾಡಿ, ಜಗತ್ತಿನಲ್ಲಿ ದುಃಖ ಸರ್ವವ್ಯಾಪ್ತಿಯಾಗಿದೆ. ಮಾನವನ ಎಲ್ಲಾ ಸುಖ-ದುಃಖಗಳಿಗೆ ಆತನ ಮನಸ್ಸೇ ಕಾರಣ. ಉತ್ತಮ ಯೋಚನೆಗೆ ಮನಸ್ಸಿನ ಚಿಕಿತ್ಸೆ ಬೇಕು. ಧ್ಯಾನದಿಂದ ಮಾತ್ರ ಮನಸ್ಸಿಗೆ ಚಿಕಿತ್ಸೆ ದೊರೆತು ನೆಮ್ಮದಿ ಜೀವನ ಸಾಗಿಸಬಹುದು ಎಂದು ಸಲಹೆ ನೀಡಿದರು.</p>.<p>ಬೌದ್ಧ ಮಹಾಸಭಾ ಕಟ್ಟಡವನ್ನು ಸ್ವಂತ ಖರ್ಚಿನಲ್ಲಿ ನಿರ್ಮಿಸಲಾಗಿದೆ. ಒತ್ತಡದಲ್ಲಿ ಇರುವವರಿಗೆ ಉಚಿತವಾಗಿ ಧ್ಯಾನ ಮಾಡಲು ಅಷ್ಟಾಂಗ ಮಾರ್ಗ ಧ್ಯಾನ ಕೇಂದ್ರ ಸ್ಥಾಪಿಸಲಾಗಿದೆ. ಇದರ ಸದುಪಯೋಗ ಪಡೆದುಕೊಳ್ಳುವಂತೆ ಕರೆ ನೀಡಿದರು.</p>.<p>68ಕ್ಕೂ ಹೆಚ್ಚು ಜನರು ಬೌದ್ಧ ದೀಕ್ಷೆ ಪಡೆದರು. ಬೆಂಗಳೂರಿನ ಮಹಾಬೋಧಿ ಸಂಸ್ಥೆ ಪ್ರಧಾನ ಕಾರ್ಯದರ್ಶಿ ಭಂತೆ ಆನಂದ ಮಹಾಥೇರ, ಕೆಪಿಸಿಸಿ ಉಪಾಧ್ಯಕ್ಷ ಬಿ. ಶಿವರಾಂ, ಹುಡಾ ಮಾಜಿ ಅಧ್ಯಕ್ಷ ನವಿಲೆ ಅಣ್ಣಪ್ಪ, ಸಾಹಿತಿ ಕುಮಾರಯ್ಯ, ಬೌದ್ಧ ಧರ್ಮದ ನಿರ್ದೇಶಕರು, ಸದಸ್ಯರು, ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾಸನ:</strong> ಕೆಲವೇ ವರ್ಷಗಳಲ್ಲಿ ಬೌದ್ಧಧರ್ಮ ವಿಶ್ವದ ಮುಂಚೂಣಿ ಧರ್ಮವಾಗಲಿದೆ ಎಂದು ಲಂಡನ್ನ ಬೌದ್ಧ ಸನ್ಯಾಸಿ ಭಂತೆ ಧಮ್ಮನಾಗ ಅಭಿಪ್ರಾಯ ವ್ಯಕ್ತಪಡಿಸಿದರು.</p>.<p>ಇಲ್ಲಿನ ವಿದ್ಯಾನಗರದಲ್ಲಿರುವ ಬೌದ್ಧ ಮಹಾಸಭಾದ ಆಶ್ರಯದಲ್ಲಿ ಭಾನುವಾರ ಹಮ್ಮಿಕೊಂಡಿದ್ದ ಅಷ್ಟಾಂಗಮಾರ್ಗ ಧ್ಯಾನ ಕೇಂದ್ರದ ಉದ್ಘಾಟನೆ ನೆರವೇರಿಸಿ ಮಾತನಾಡಿದರು.</p>.<p>ಇಂಗ್ಲೆಂಡ್ನ ಶೇ 70 ರಷ್ಟು ಜನರು ಬೌದ್ಧ ಧರ್ಮ ಸ್ವೀಕಾರ ಮಾಡಿದ್ದಾರೆ. ಮುಂದುವರಿದ 35 ರಾಷ್ಟ್ರಗಳು ಬೌದ್ಧ ಧರ್ಮ ಸ್ವೀಕರಿಸಿ ಜೀವನದಲ್ಲಿ ಅನುಸರಿಸುತ್ತಿದ್ದಾರೆ. ಧರ್ಮ ಸಂಘರ್ಷದ ಕುಲುಮೆಯಲ್ಲಿ ನಲುಗುತ್ತಿರುವ ಭಾರತಕ್ಕೆ ಬುದ್ಧನ ಪ್ರೀತಿ, ಮೈತ್ರಿಯ ಪಾಲನೆ ಅವಶ್ಯಕವಾಗಿದೆ ಎಂದು ಹೇಳಿದರು.</p>.<p>ಬೌದ್ಧ ಧರ್ಮದ ಪಂಚ ಶೀಲ ತತ್ವಗಳು ಮತ್ತು ಅಷ್ಟಾಂಗ ಮಾರ್ಗಗಳ ಅನುಕರಣೆ ಬಹಳ ಮುಖ್ಯ. ಬೌದ್ಧ ಧರ್ಮ ವಿಶ್ವಕ್ಕೆ ಶಾಂತಿ ಸಾರಿದ ಧರ್ಮವಾಗಿದೆ. ಯುದ್ಧ, ಅಹಿಂಸೆ ಹೆಚ್ಚುತ್ತಿದ್ದು, ವಿಶ್ವದಲ್ಲಿ ಶಾಂತಿ ನೆಲೆಸಬೇಕಾದರೆ ಬೌದ್ಧ ಧರ್ಮವೊಂದೇ ಮಾರ್ಗ ಎಂದು ತಿಳಿಸಿದರು.</p>.<p>ಬೌದ್ಧ ಮಹಾಸಭಾದ ಜಿಲ್ಲಾ ಅಧ್ಯಕ್ಷ ಆರ್. ಶ್ರೀನಿವಾಸ್ ಮಾತನಾಡಿ, ಜಗತ್ತಿನಲ್ಲಿ ದುಃಖ ಸರ್ವವ್ಯಾಪ್ತಿಯಾಗಿದೆ. ಮಾನವನ ಎಲ್ಲಾ ಸುಖ-ದುಃಖಗಳಿಗೆ ಆತನ ಮನಸ್ಸೇ ಕಾರಣ. ಉತ್ತಮ ಯೋಚನೆಗೆ ಮನಸ್ಸಿನ ಚಿಕಿತ್ಸೆ ಬೇಕು. ಧ್ಯಾನದಿಂದ ಮಾತ್ರ ಮನಸ್ಸಿಗೆ ಚಿಕಿತ್ಸೆ ದೊರೆತು ನೆಮ್ಮದಿ ಜೀವನ ಸಾಗಿಸಬಹುದು ಎಂದು ಸಲಹೆ ನೀಡಿದರು.</p>.<p>ಬೌದ್ಧ ಮಹಾಸಭಾ ಕಟ್ಟಡವನ್ನು ಸ್ವಂತ ಖರ್ಚಿನಲ್ಲಿ ನಿರ್ಮಿಸಲಾಗಿದೆ. ಒತ್ತಡದಲ್ಲಿ ಇರುವವರಿಗೆ ಉಚಿತವಾಗಿ ಧ್ಯಾನ ಮಾಡಲು ಅಷ್ಟಾಂಗ ಮಾರ್ಗ ಧ್ಯಾನ ಕೇಂದ್ರ ಸ್ಥಾಪಿಸಲಾಗಿದೆ. ಇದರ ಸದುಪಯೋಗ ಪಡೆದುಕೊಳ್ಳುವಂತೆ ಕರೆ ನೀಡಿದರು.</p>.<p>68ಕ್ಕೂ ಹೆಚ್ಚು ಜನರು ಬೌದ್ಧ ದೀಕ್ಷೆ ಪಡೆದರು. ಬೆಂಗಳೂರಿನ ಮಹಾಬೋಧಿ ಸಂಸ್ಥೆ ಪ್ರಧಾನ ಕಾರ್ಯದರ್ಶಿ ಭಂತೆ ಆನಂದ ಮಹಾಥೇರ, ಕೆಪಿಸಿಸಿ ಉಪಾಧ್ಯಕ್ಷ ಬಿ. ಶಿವರಾಂ, ಹುಡಾ ಮಾಜಿ ಅಧ್ಯಕ್ಷ ನವಿಲೆ ಅಣ್ಣಪ್ಪ, ಸಾಹಿತಿ ಕುಮಾರಯ್ಯ, ಬೌದ್ಧ ಧರ್ಮದ ನಿರ್ದೇಶಕರು, ಸದಸ್ಯರು, ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
