<p><strong>ಮುಂಬೈ</strong>: ಜಾಗತಿಕ, ದೇಶಿ ವಿದ್ಯಮಾನಗಳ ಪ್ರಭಾವಕ್ಕೆ ಒಳಗಾಗಿ ಷೇರುಪೇಟೆಯಲ್ಲಿ ಸೂಚ್ಯಂಕದ ಓಟಕ್ಕೆ ತಡೆ ಬಿದಿದ್ದೆ.</p>.<p>ಮಹಾರಾಷ್ಟ್ರ ದಿನದ ಅಂಗವಾಗಿ ಮಂಗಳವಾರ ವಹಿವಾಟು ನಡೆಯಲಿಲ್ಲ. ಹೀಗಾಗಿ ನಾಲ್ಕು ದಿನಗಳ ವಾರದ ವಹಿವಾಟಿನಲ್ಲಿ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ (ಬಿಎಸ್ಇ) 54 ಅಂಶ ಇಳಿಕೆ ಕಂಡು 34,915 ಅಂಶಗಳಿಗೆ ಇಳಿಕೆ ಕಂಡಿತು.</p>.<p>ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ (ಎನ್ಎಸ್ಇ) ನಿಫ್ಟಿ ಸಹ ವಾರದ ವಹಿವಾಟಿನಲ್ಲಿ 10,700 ಅಂಶಗಳಿಗೆ ಏರಿಕೆ ಕಂಡಿತ್ತು. ಅಂತಿಮವಾಗಿ 74 ಅಂಶ ಇಳಿಕೆಯಾಗಿ 10,618 ಅಂಶಗಳಲ್ಲಿ ವಾರದ ವಹಿವಾಟು ಅಂತ್ಯವಾಯಿತು.</p>.<p>ಅಮೆರಿಕ ಮತ್ತು ಚೀನಾದ ನಡುವಿನ ವಾಣಿಜ್ಯ ಸಮರ ಮತ್ತೆ ಆರಂಭವಾಗುವ ಆತಂಕ ಎದುರಾಗಿದೆ. ಇದು ದೇಶಿ ಷೇರುಪೇಟೆಯ ವಹಿವಾಟಿನ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿತು ಎಂದು ತಜ್ಞರು ಹೇಳಿದ್ದಾರೆ.</p>.<p>ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಬಾಹ್ಯ ವಾಣಿಜ್ಯ ಸಾಲದ ನಿಯಮಗಳನ್ನು ಸಡಿಲಗೊಳಿಸಿದೆ. ಈ ಸುದ್ದಿಯು ಷೇರುಪೇಟೆಯಲ್ಲಿ ಉತ್ತಮ ಆರಂಭಕ್ಕೆ ಕಾರಣವಾಯಿತು. 35 ಸಾವಿರದ ಗಡಿಯನ್ನೂ ದಾಟಿ ವಿಜೃಂಭಿಸಿತ್ತು.</p>.<p>ಆದರೆ ನಾಲ್ಕನೇ ತ್ರೈಮಾಸಿಕದಲ್ಲಿ ಕೆಲವು ಕಂಪನಿಗಳ ಆರ್ಥಿಕ ಸಾಧನೆ ಮಾರುಕಟ್ಟೆ ನಿರೀಕ್ಷೆಯಂತೆ ಪ್ರಕಟವಾಗಿಲ್ಲ. ಇದರಿಂದಾಗಿ ಸೂಚ್ಯಂಕ ಇಳಿಮುಖ ಹಾದಿ ಹಿಡಿಯಿತು.</p>.<p>ಸೇವಾ ವಲಯದ ಪ್ರಗತಿಯು ಏಪ್ರಿಲ್ನಲ್ಲಿ 3 ತಿಂಗಳ ಗರಿಷ್ಠ ಮಟ್ಟಕ್ಕೆ ಏರಿಕೆ ಕಂಡಿದೆ. ಇದು ಸೂಚ್ಯಂಕದ ಇಳಿಕೆಯನ್ನು ತುಸು ತಡೆಹಿಡಿದಿತ್ತು. ಈ ಹಂತದಲ್ಲಿ ಜಾಗತಿಕ ಅಂಶದ ಮಾರಾಟದ ಒತ್ತಡ ಸೃಷ್ಟಿಯಾಗಿ ಸೂಚ್ಯಂಕ ಮತ್ತೆ ಇಳಿಮುಖವಾಯಿತು.</p>.<p>ಬ್ಯಾಂಕಿಂಗ್ ಷೇರುಗಳನ್ನು ಬಿಟ್ಟು ಉಳಿದೆಲ್ಲಾ ವಲಯಗಳಲ್ಲಿಯೂ ಮಾರಾಟದ ಒತ್ತಡ ಕಂಡುಬಂದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ</strong>: ಜಾಗತಿಕ, ದೇಶಿ ವಿದ್ಯಮಾನಗಳ ಪ್ರಭಾವಕ್ಕೆ ಒಳಗಾಗಿ ಷೇರುಪೇಟೆಯಲ್ಲಿ ಸೂಚ್ಯಂಕದ ಓಟಕ್ಕೆ ತಡೆ ಬಿದಿದ್ದೆ.</p>.<p>ಮಹಾರಾಷ್ಟ್ರ ದಿನದ ಅಂಗವಾಗಿ ಮಂಗಳವಾರ ವಹಿವಾಟು ನಡೆಯಲಿಲ್ಲ. ಹೀಗಾಗಿ ನಾಲ್ಕು ದಿನಗಳ ವಾರದ ವಹಿವಾಟಿನಲ್ಲಿ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ (ಬಿಎಸ್ಇ) 54 ಅಂಶ ಇಳಿಕೆ ಕಂಡು 34,915 ಅಂಶಗಳಿಗೆ ಇಳಿಕೆ ಕಂಡಿತು.</p>.<p>ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ (ಎನ್ಎಸ್ಇ) ನಿಫ್ಟಿ ಸಹ ವಾರದ ವಹಿವಾಟಿನಲ್ಲಿ 10,700 ಅಂಶಗಳಿಗೆ ಏರಿಕೆ ಕಂಡಿತ್ತು. ಅಂತಿಮವಾಗಿ 74 ಅಂಶ ಇಳಿಕೆಯಾಗಿ 10,618 ಅಂಶಗಳಲ್ಲಿ ವಾರದ ವಹಿವಾಟು ಅಂತ್ಯವಾಯಿತು.</p>.<p>ಅಮೆರಿಕ ಮತ್ತು ಚೀನಾದ ನಡುವಿನ ವಾಣಿಜ್ಯ ಸಮರ ಮತ್ತೆ ಆರಂಭವಾಗುವ ಆತಂಕ ಎದುರಾಗಿದೆ. ಇದು ದೇಶಿ ಷೇರುಪೇಟೆಯ ವಹಿವಾಟಿನ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿತು ಎಂದು ತಜ್ಞರು ಹೇಳಿದ್ದಾರೆ.</p>.<p>ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಬಾಹ್ಯ ವಾಣಿಜ್ಯ ಸಾಲದ ನಿಯಮಗಳನ್ನು ಸಡಿಲಗೊಳಿಸಿದೆ. ಈ ಸುದ್ದಿಯು ಷೇರುಪೇಟೆಯಲ್ಲಿ ಉತ್ತಮ ಆರಂಭಕ್ಕೆ ಕಾರಣವಾಯಿತು. 35 ಸಾವಿರದ ಗಡಿಯನ್ನೂ ದಾಟಿ ವಿಜೃಂಭಿಸಿತ್ತು.</p>.<p>ಆದರೆ ನಾಲ್ಕನೇ ತ್ರೈಮಾಸಿಕದಲ್ಲಿ ಕೆಲವು ಕಂಪನಿಗಳ ಆರ್ಥಿಕ ಸಾಧನೆ ಮಾರುಕಟ್ಟೆ ನಿರೀಕ್ಷೆಯಂತೆ ಪ್ರಕಟವಾಗಿಲ್ಲ. ಇದರಿಂದಾಗಿ ಸೂಚ್ಯಂಕ ಇಳಿಮುಖ ಹಾದಿ ಹಿಡಿಯಿತು.</p>.<p>ಸೇವಾ ವಲಯದ ಪ್ರಗತಿಯು ಏಪ್ರಿಲ್ನಲ್ಲಿ 3 ತಿಂಗಳ ಗರಿಷ್ಠ ಮಟ್ಟಕ್ಕೆ ಏರಿಕೆ ಕಂಡಿದೆ. ಇದು ಸೂಚ್ಯಂಕದ ಇಳಿಕೆಯನ್ನು ತುಸು ತಡೆಹಿಡಿದಿತ್ತು. ಈ ಹಂತದಲ್ಲಿ ಜಾಗತಿಕ ಅಂಶದ ಮಾರಾಟದ ಒತ್ತಡ ಸೃಷ್ಟಿಯಾಗಿ ಸೂಚ್ಯಂಕ ಮತ್ತೆ ಇಳಿಮುಖವಾಯಿತು.</p>.<p>ಬ್ಯಾಂಕಿಂಗ್ ಷೇರುಗಳನ್ನು ಬಿಟ್ಟು ಉಳಿದೆಲ್ಲಾ ವಲಯಗಳಲ್ಲಿಯೂ ಮಾರಾಟದ ಒತ್ತಡ ಕಂಡುಬಂದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>