<p><strong>ವಾಷಿಂಗ್ಟನ್:</strong> ‘ಉತ್ತರ ಕೊರಿಯಾ ಅಧ್ಯಕ್ಷ ಕಿಮ್ ಜಾಂಗ್ ಉನ್ ಅವರನ್ನು ಜೂನ್ 12ರಂದು ಸಿಂಗಪುರದಲ್ಲಿ ನಡೆಯಲಿರುವ ಐತಿಹಾಸಿಕ ಸಭೆಯಲ್ಲಿ ಭೇಟಿಯಾಗಲಿದ್ದೇನೆ’ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಘೋಷಿಸಿದ್ದಾರೆ.</p>.<p>ಸಭೆಯಲ್ಲಿ ಉತ್ತರ ಕೊರಿಯಾವನ್ನು ನಿಶ್ಯಸ್ತ್ರೀಕರಣಗೊಳಿಸುವ ವಿಚಾರವೇ ಪ್ರಮುಖವಾಗಿ ಚರ್ಚೆಯಾಗುವ ಸಂಭವ ಇದೆ.</p>.<p>ಕಿಮ್ ಜೊತೆಗಿನ ಶೃಂಗಸಭೆಯ ಕುರಿತು ಚರ್ಚೆ ನಡೆಸಲು ಅಮೆರಿಕದ ವಿದೇಶಾಂಗ ಸಚಿವ ಮೈಕ್ ಪೋಂಪಿಯೊ, ಉತ್ತರ ಕೊರಿಯಾಕ್ಕೆ ಭೇಟಿ ನೀಡಿದ ಬಳಿಕ ಈ ನಿರ್ಧಾರ ಹೊರಬಿದ್ದಿದೆ.</p>.<p>‘ಜೂನ್ 12ರಂದು ಇಬ್ಬರೂ ಭೇಟಿಯಾಗಲಿದ್ದೇವೆ. ವಿಶ್ವಶಾಂತಿ ನಿಟ್ಟಿನಲ್ಲಿ ವಿಶೇಷ ಗಳಿಗೆಯಲ್ಲಿ ಇಬ್ಬರೂ ಶ್ರಮಿಸಲಿದ್ದೇವೆ’ ಎಂದು ಟ್ರಂಪ್ ಟ್ವೀಟ್ ಮೂಲಕ ತಿಳಿಸಿದ್ದಾರೆ.</p>.<p><strong>ಮೂವರು ಅಮೆರಿಕ ನಾಗರಿಕರನ್ನು ಬರಮಾಡಿಕೊಂಡ ಟ್ರಂಪ್</strong><br /> ಉತ್ತರ ಕೊರಿಯಾ ಬಿಡುಗಡೆ ಮಾಡಿರುವ ಅಮೆರಿಕದ ಮೂವರು ನಾಗರಿಕರನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹಾಗೂ ಅವರ ಪತ್ನಿ ಮೆಲಾನಿಯಾ ಟ್ರಂಪ್ ಗುರುವಾರ ಬರಮಾಡಿಕೊಂಡರು.</p>.<p>ಉತ್ತರ ಕೊರಿಯಾದ ನಾಯಕ ಕಿಮ್ ಜಾಂಗ್ ಉನ್ ಅವರೊಂದಿಗೆ ನಡೆಯಲಿರುವ ಶೃಂಗಸಭೆಗೂ ಮುನ್ನ ಟ್ರಂಪ್ ಅವರಿಗೆ ದೊರೆತಿರುವ ರಾಜತಾಂತ್ರಿಕ ಜಯ ಇದು ಎಂದು ಹೇಳಲಾಗುತ್ತಿದೆ.</p>.<p>ಕಿಮ್ ಡಾಂಗ್ ಚುಲ್, ಕಿಮ್ ಹಾಕ್ ಸಾಂಗ್ ಮತ್ತು ಕಿಮ್ ಸಾಂಗ್ ಡ್ಯುಕ್ ಬಿಡುಗಡೆಯಾಗಿರುವ ಅಮೆರಿಕದ ಪೌರರು. ರಾಷ್ಟ್ರ ವಿರೋಧಿ ಚಟುವಟಿಕೆ ಆರೋಪದಲ್ಲಿ ಈ ಮೂವರಿಗೆ ಜೈಲು ಶಿಕ್ಷೆ ವಿಧಿಸಿ, ಉತ್ತರ ಕೊರಿಯಾದ ಕಾರ್ಮಿಕರ ಶಿಬಿರದಲ್ಲಿ ಇರಿಸಲಾಗಿತ್ತು. ಬಿಡುಗಡೆ ಬಳಿಕ ಈ ಮೂವರು ಟ್ರಂಪ್ ಅವರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ‘ಉತ್ತರ ಕೊರಿಯಾ ಅಧ್ಯಕ್ಷ ಕಿಮ್ ಜಾಂಗ್ ಉನ್ ಅವರನ್ನು ಜೂನ್ 12ರಂದು ಸಿಂಗಪುರದಲ್ಲಿ ನಡೆಯಲಿರುವ ಐತಿಹಾಸಿಕ ಸಭೆಯಲ್ಲಿ ಭೇಟಿಯಾಗಲಿದ್ದೇನೆ’ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಘೋಷಿಸಿದ್ದಾರೆ.</p>.<p>ಸಭೆಯಲ್ಲಿ ಉತ್ತರ ಕೊರಿಯಾವನ್ನು ನಿಶ್ಯಸ್ತ್ರೀಕರಣಗೊಳಿಸುವ ವಿಚಾರವೇ ಪ್ರಮುಖವಾಗಿ ಚರ್ಚೆಯಾಗುವ ಸಂಭವ ಇದೆ.</p>.<p>ಕಿಮ್ ಜೊತೆಗಿನ ಶೃಂಗಸಭೆಯ ಕುರಿತು ಚರ್ಚೆ ನಡೆಸಲು ಅಮೆರಿಕದ ವಿದೇಶಾಂಗ ಸಚಿವ ಮೈಕ್ ಪೋಂಪಿಯೊ, ಉತ್ತರ ಕೊರಿಯಾಕ್ಕೆ ಭೇಟಿ ನೀಡಿದ ಬಳಿಕ ಈ ನಿರ್ಧಾರ ಹೊರಬಿದ್ದಿದೆ.</p>.<p>‘ಜೂನ್ 12ರಂದು ಇಬ್ಬರೂ ಭೇಟಿಯಾಗಲಿದ್ದೇವೆ. ವಿಶ್ವಶಾಂತಿ ನಿಟ್ಟಿನಲ್ಲಿ ವಿಶೇಷ ಗಳಿಗೆಯಲ್ಲಿ ಇಬ್ಬರೂ ಶ್ರಮಿಸಲಿದ್ದೇವೆ’ ಎಂದು ಟ್ರಂಪ್ ಟ್ವೀಟ್ ಮೂಲಕ ತಿಳಿಸಿದ್ದಾರೆ.</p>.<p><strong>ಮೂವರು ಅಮೆರಿಕ ನಾಗರಿಕರನ್ನು ಬರಮಾಡಿಕೊಂಡ ಟ್ರಂಪ್</strong><br /> ಉತ್ತರ ಕೊರಿಯಾ ಬಿಡುಗಡೆ ಮಾಡಿರುವ ಅಮೆರಿಕದ ಮೂವರು ನಾಗರಿಕರನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹಾಗೂ ಅವರ ಪತ್ನಿ ಮೆಲಾನಿಯಾ ಟ್ರಂಪ್ ಗುರುವಾರ ಬರಮಾಡಿಕೊಂಡರು.</p>.<p>ಉತ್ತರ ಕೊರಿಯಾದ ನಾಯಕ ಕಿಮ್ ಜಾಂಗ್ ಉನ್ ಅವರೊಂದಿಗೆ ನಡೆಯಲಿರುವ ಶೃಂಗಸಭೆಗೂ ಮುನ್ನ ಟ್ರಂಪ್ ಅವರಿಗೆ ದೊರೆತಿರುವ ರಾಜತಾಂತ್ರಿಕ ಜಯ ಇದು ಎಂದು ಹೇಳಲಾಗುತ್ತಿದೆ.</p>.<p>ಕಿಮ್ ಡಾಂಗ್ ಚುಲ್, ಕಿಮ್ ಹಾಕ್ ಸಾಂಗ್ ಮತ್ತು ಕಿಮ್ ಸಾಂಗ್ ಡ್ಯುಕ್ ಬಿಡುಗಡೆಯಾಗಿರುವ ಅಮೆರಿಕದ ಪೌರರು. ರಾಷ್ಟ್ರ ವಿರೋಧಿ ಚಟುವಟಿಕೆ ಆರೋಪದಲ್ಲಿ ಈ ಮೂವರಿಗೆ ಜೈಲು ಶಿಕ್ಷೆ ವಿಧಿಸಿ, ಉತ್ತರ ಕೊರಿಯಾದ ಕಾರ್ಮಿಕರ ಶಿಬಿರದಲ್ಲಿ ಇರಿಸಲಾಗಿತ್ತು. ಬಿಡುಗಡೆ ಬಳಿಕ ಈ ಮೂವರು ಟ್ರಂಪ್ ಅವರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>