ಅನ್ಸಾರಿ ಅಮಾನತು

ದುಬೈ: ಆಟಗಾರನೊಬ್ಬನಿಗೆ ಹಣದ ಆಮೀಷ ಒಡ್ಡಿದ ಆರೋಪ ಎದುರಿಸುತ್ತಿರುವ ಇರ್ಫಾನ್ ಅನ್ಸಾರಿ ಅವರನ್ನು ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಗುರುವಾರ ಅಮಾನತು ಮಾಡಿದೆ.
ಅನ್ಸಾರಿ ಅವರು ಯುನೈಟೆಡ್ ಅರಬ್ ಎಮಿರೇಟ್ಸ್ನ (ಯುಎಇ) ಒನ್ ಸ್ಟಾಪ್ ಟೂರಿಸಂ ಆ್ಯಂಡ್ ಮಲ್ಟಿಪ್ಲೆಕ್ಸ್ ತಂಡದ ಕೋಚ್ ಆಗಿದ್ದಾರೆ.
ಅನ್ಸಾರಿ ನನಗೆ ಹಣದ ಆಮೀಷ ಒಡ್ಡಿದ್ದರು ಎಂದು ಆಟಗಾರನೊಬ್ಬ ಐಸಿಸಿ ಭ್ರಷ್ಟಾಚಾರ ತಡೆ ಘಟಕಕ್ಕೆ ದೂರು ನೀಡಿದ್ದ. ಈ ಸಂಬಂಧ ವಿಚಾರಣೆಗೆ ಹಾಜರಾಗುವಂತೆ ಭ್ರಷ್ಟಾಚಾರ ತಡೆ ಘಟಕದ ಅಧಿಕಾರಿಗಳು ಸೂಚಿದ್ದರೂ ಅನ್ಸಾರಿ ಸ್ಪಂದಿಸಿರಲಿಲ್ಲ.
ಇನ್ನು ಎರಡು ವಾರಗಳ ಒಳಗೆ ಆರೋಪದ ಕುರಿತು ಪ್ರತಿಕ್ರಿಯೆ ನೀಡುವಂತೆ ಮತ್ತೊಮ್ಮೆ ಐಸಿಸಿಯು ಅನ್ಸಾರಿಗೆ ಸೂಚಿಸಿದೆ.
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್ಬುಕ್ ಪುಟವನ್ನುಫಾಲೋ ಮಾಡಿ.