Fact Check: ಹಾಪ್‌ಶೂಟ್ ಪ್ರತಿ ಕೆ.ಜಿ.ಗೆ ₹1 ಲಕ್ಷ ದರ ನಿಜವೇ?

ಬಿಹಾರದ ಯುವ ರೈತನೊಬ್ಬ ಹಾಪ್‌ಶೂಟ್ ಎಂಬ ಬೆಳೆಯನ್ನು ಬೆಳೆಯುತ್ತಿದ್ದು. ಇದು ಪ್ರತಿ ಕೆ.ಜಿ.ಗೆ ₹1 ಲಕ್ಷ ದರದಲ್ಲಿ ಬಿಕರಿಯಾಗುತ್ತಿದೆ. ಬೇರೆ ಎಲ್ಲಾ ರೈತರು ಇದೇ ಬೆಳೆಯನ್ನು ಬೆಳೆದರೆ, ಆರಾಮವಾಗಿ ದುಡ್ಡು ಸಂಪಾದಿಸಬಹುದು. ರೈತರು ಹೀಗೆ ಪ್ರಗತಿಪರರಾಗಬೇಕು ಎಂಬ ವಿವರ ಇರುವ ಪೋಸ್ಟ್‌ ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ದಿನಗಳಿಂದ ವೈರಲ್ ಆಗಿದೆ. ಯುವಕನೊಬ್ಬ ಹೊಲದಲ್ಲಿ, ಬೆಳೆಯೊಂದರ ಮಧ್ಯೆ ಕುಳಿತಿರುವ ಚಿತ್ರವೂ ವೈರಲ್ ಆಗಿವೆ. ಬಿಹಾರದ ಐಎಎಸ್‌ ಅಧಿಕಾರಿ ಸುಪ್ರಿಯಾ ಸಾಹು ಸಹ ಈ ಬಗ್ಗೆ ಟ್ವೀಟ್ ಮಾಡಿದ್ದರು. ಹಲವು ಮಾಧ್ಯಮಗಳು ವರದಿ ಪ್ರಕಟಿಸಿದ್ದವು.