<p><strong>ಮುಂಬೈ:</strong> ಉದ್ಯಮಿಯೊಬ್ಬರನ್ನು 18 ಗಂಟೆಗಳ ಅಕ್ರಮವಾಗಿ ಬಂಧನದಲ್ಲಿರಿಸಿ, ಒಟ್ಟು ₹60 ಲಕ್ಷ ಲಂಚಕ್ಕೆ ಬೇಡಿಕೆ ಇರಿಸಿದ್ದ ಕೇಂದ್ರಿಯ ಸರಕು ಹಾಗೂ ಸೇವಾ ತೆರಿಗೆ (ಸಿಜಿಎಸ್ಟಿ)ಯ ಆರು ಮಂದಿ ಅಧಿಕಾರಿಗಳ ವಿರುದ್ಧ ಕೇಂದ್ರಿಯ ತನಿಖಾ ಅಧಿಕಾರಿಗಳು (ಸಿಬಿಐ) ಪ್ರಕರಣ ದಾಖಲಿಸಿದ್ದಾರೆ.</p><p>ಸಿಜಿಎಸ್ಟಿಯ ಹೆಚ್ಚುವರಿ ಆಯುಕ್ತ, ಜಂಟಿ ಆಯುಕ್ತ, ನಾಲ್ಕು ಮಂದಿ ಸೂಪರಿಂಡೆಂಟೆಂಟ್ ಹಾಗೂ ಒಬ್ಬರು ಲೆಕ್ಕ ಪರಿಶೋಧಕ (ಸಿ.ಎ) ಹಾಗೂ ಮಧ್ಯವರ್ತಿ ಕೆಲಸ ಮಾಡಿದ್ದ ಖಾಸಗಿ ವ್ಯಕ್ತಿಯ ವಿರುದ್ಧವೂ ಪ್ರಕರಣ ದಾಖಲಿಸಲಾಗಿದೆ.</p><p>ಪ್ರಕರಣ ಸಂಬಂಧ ಒಬ್ಬರು ಸೂಪರಿಂಡೆಂಟೆಂಟ್ , ಖಾಸಗಿ ವ್ಯಕ್ತಿ ಹಾಗೂ ಲೆಕ್ಕ ಪರಿಶೋಧಕರನ್ನು ಬಂಧಿಸಲಾಗಿದ್ದು, ಉಳಿದವರನ್ನು ಬಂಧಿಸುವ ಸಾಧ್ಯತೆಯಿದೆ.</p><p>ಮುಂಬೈನ ಪಶ್ಚಿಮ ಕಮೀಷನರೇಟ್ ವ್ಯಾಪ್ತಿಯಲ್ಲಿ ನಿಯೋಜಿತ ಸೂಪರಿಂಡೆಂಟೆಂಟ್ ಅನ್ನು ಸಿಬಿಐ ಅಧಿಕಾರಿಗಳು ಬಂಧಿಸಿದ್ದಾರೆ.</p><p>‘₹60 ಲಕ್ಷ ಲಂಚದ ಪೈಕಿ, ₹20 ಲಕ್ಷ ಲಂಚ ಪಡೆಯುತ್ತಿದ್ದ ವೇಳೆ ಅಧಿಕಾರಿಯನ್ನು ಬಂಧಿಸಲಾಯಿತು. ಇದಕ್ಕೂ ಮುನ್ನ ₹30 ಲಕ್ಷ ಮೊತ್ತವನ್ನು ಹವಾಲಾ ಮಾರ್ಗದ ಮೂಲಕವೇ ಸಿಜಿಎಸ್ಟಿ ಅಧಿಕಾರಿಗಳು ಪಡೆದುಕೊಂಡಿದ್ದರು’ ಎಂದು ಸಿಬಿಐ ಅಧಿಕಾರಿಗಳು ಭಾನುವಾರ ತಿಳಿಸಿದರು.</p><p> ಸಿಬಿಐ ಅಧಿಕಾರಿಗಳಿಗೆ ಉದ್ಯಮಿ ನೀಡಿದ ದೂರಿನ ಪ್ರಕಾರ, ‘ಸೆ. 4ರ ರಾತ್ರಿ ಸಾಂತಾಕ್ರೂಜ್ನಲ್ಲಿರುವ ಸಿಜಿಎಸ್ಟಿ ಕಚೇರಿಗೆ ಭೇಟಿ ನೀಡಿದ್ದೆನು. ಈ ವೇಳೆ ಅಧಿಕಾರಿಯನ್ನು ಇಡೀ ರಾತ್ರಿ ಕಚೇರಿಯಲ್ಲಿ ಇರಿಸಿಕೊಂಡಿದ್ದರು. ₹80 ಲಕ್ಷ ಲಂಚ ನೀಡಿದರೆ ಮಾತ್ರ ಬಂಧಿಸುವುದಿಲ್ಲ ಎಂದು ಸೂಪರಿಂಡೆಂಟೆಂಟ್ ಬೇಡಿಕೆ ಇಟ್ಟಿದ್ದರು. ಅಂತಿಮವಾಗಿ ₹60 ಲಕ್ಷ ಮೊತ್ತ ನೀಡಲು ಒಪ್ಪಿಗೆಯಾಗಿತ್ತು. ಉಳಿದ ಅಧಿಕಾರಿಗಳು ಕೂಡ ಅವಾಚ್ಯವಾಗಿ ನಿಂದಿಸಿ, ಹಣ ನೀಡುವಂತೆ ಒತ್ತಡ ಹೇರಿದ್ದರು. ನಂತರ ಸಹೋದರನಿಗೆ ಕರೆ ಮಾಡಿ ಹಣ ತಲುಪಿಸುವಂತೆ ಮನವಿ ಮಾಡಿದ್ದೆ. ಸಿಜಿಎಸ್ಟಿ ಅಧಿಕಾರಿಗಳಿಗೆ ಮುಂಗಡವಾಗಿ ₹30 ಲಕ್ಷ ಹಣ ನೀಡಿದ ಬಳಿಕವೇ ಸೆ.5ರಂದು ಕಚೇರಿಯಿಂದ ಬಿಡುಗಡೆ ಮಾಡಲಾಗಿತ್ತು’ ಎಂದು ವಿವರಿಸಿದ್ದಾರೆ.</p><p>ಬಂಧಿತರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ಸೆ.10ರವರೆಗೆ ಸಿಬಿಐ ಕಸ್ಟಡಿಗೆ ಒಪ್ಪಿಸಿದೆ. </p><p>‘ಎಫ್ಐಆರ್ ದಾಖಲಾದ ಅಧಿಕಾರಿಗಳ ಕಚೇರಿ ಹಾಗೂ ನಿವಾಸದ ಮೇಲೆ ದಾಳಿ ನಡೆಸಲಾಗಿದ್ದು, ಮಹತ್ವದ ದಾಖಲೆಗಳನ್ನು ವಶಪಡಿಸಿಕೊಳ್ಳಲಾಗಿದೆ’ ಎಂದು ಸಿಬಿಐ ಅಧಿಕಾರಿಗಳು ತಿಳಿಸಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> ಉದ್ಯಮಿಯೊಬ್ಬರನ್ನು 18 ಗಂಟೆಗಳ ಅಕ್ರಮವಾಗಿ ಬಂಧನದಲ್ಲಿರಿಸಿ, ಒಟ್ಟು ₹60 ಲಕ್ಷ ಲಂಚಕ್ಕೆ ಬೇಡಿಕೆ ಇರಿಸಿದ್ದ ಕೇಂದ್ರಿಯ ಸರಕು ಹಾಗೂ ಸೇವಾ ತೆರಿಗೆ (ಸಿಜಿಎಸ್ಟಿ)ಯ ಆರು ಮಂದಿ ಅಧಿಕಾರಿಗಳ ವಿರುದ್ಧ ಕೇಂದ್ರಿಯ ತನಿಖಾ ಅಧಿಕಾರಿಗಳು (ಸಿಬಿಐ) ಪ್ರಕರಣ ದಾಖಲಿಸಿದ್ದಾರೆ.</p><p>ಸಿಜಿಎಸ್ಟಿಯ ಹೆಚ್ಚುವರಿ ಆಯುಕ್ತ, ಜಂಟಿ ಆಯುಕ್ತ, ನಾಲ್ಕು ಮಂದಿ ಸೂಪರಿಂಡೆಂಟೆಂಟ್ ಹಾಗೂ ಒಬ್ಬರು ಲೆಕ್ಕ ಪರಿಶೋಧಕ (ಸಿ.ಎ) ಹಾಗೂ ಮಧ್ಯವರ್ತಿ ಕೆಲಸ ಮಾಡಿದ್ದ ಖಾಸಗಿ ವ್ಯಕ್ತಿಯ ವಿರುದ್ಧವೂ ಪ್ರಕರಣ ದಾಖಲಿಸಲಾಗಿದೆ.</p><p>ಪ್ರಕರಣ ಸಂಬಂಧ ಒಬ್ಬರು ಸೂಪರಿಂಡೆಂಟೆಂಟ್ , ಖಾಸಗಿ ವ್ಯಕ್ತಿ ಹಾಗೂ ಲೆಕ್ಕ ಪರಿಶೋಧಕರನ್ನು ಬಂಧಿಸಲಾಗಿದ್ದು, ಉಳಿದವರನ್ನು ಬಂಧಿಸುವ ಸಾಧ್ಯತೆಯಿದೆ.</p><p>ಮುಂಬೈನ ಪಶ್ಚಿಮ ಕಮೀಷನರೇಟ್ ವ್ಯಾಪ್ತಿಯಲ್ಲಿ ನಿಯೋಜಿತ ಸೂಪರಿಂಡೆಂಟೆಂಟ್ ಅನ್ನು ಸಿಬಿಐ ಅಧಿಕಾರಿಗಳು ಬಂಧಿಸಿದ್ದಾರೆ.</p><p>‘₹60 ಲಕ್ಷ ಲಂಚದ ಪೈಕಿ, ₹20 ಲಕ್ಷ ಲಂಚ ಪಡೆಯುತ್ತಿದ್ದ ವೇಳೆ ಅಧಿಕಾರಿಯನ್ನು ಬಂಧಿಸಲಾಯಿತು. ಇದಕ್ಕೂ ಮುನ್ನ ₹30 ಲಕ್ಷ ಮೊತ್ತವನ್ನು ಹವಾಲಾ ಮಾರ್ಗದ ಮೂಲಕವೇ ಸಿಜಿಎಸ್ಟಿ ಅಧಿಕಾರಿಗಳು ಪಡೆದುಕೊಂಡಿದ್ದರು’ ಎಂದು ಸಿಬಿಐ ಅಧಿಕಾರಿಗಳು ಭಾನುವಾರ ತಿಳಿಸಿದರು.</p><p> ಸಿಬಿಐ ಅಧಿಕಾರಿಗಳಿಗೆ ಉದ್ಯಮಿ ನೀಡಿದ ದೂರಿನ ಪ್ರಕಾರ, ‘ಸೆ. 4ರ ರಾತ್ರಿ ಸಾಂತಾಕ್ರೂಜ್ನಲ್ಲಿರುವ ಸಿಜಿಎಸ್ಟಿ ಕಚೇರಿಗೆ ಭೇಟಿ ನೀಡಿದ್ದೆನು. ಈ ವೇಳೆ ಅಧಿಕಾರಿಯನ್ನು ಇಡೀ ರಾತ್ರಿ ಕಚೇರಿಯಲ್ಲಿ ಇರಿಸಿಕೊಂಡಿದ್ದರು. ₹80 ಲಕ್ಷ ಲಂಚ ನೀಡಿದರೆ ಮಾತ್ರ ಬಂಧಿಸುವುದಿಲ್ಲ ಎಂದು ಸೂಪರಿಂಡೆಂಟೆಂಟ್ ಬೇಡಿಕೆ ಇಟ್ಟಿದ್ದರು. ಅಂತಿಮವಾಗಿ ₹60 ಲಕ್ಷ ಮೊತ್ತ ನೀಡಲು ಒಪ್ಪಿಗೆಯಾಗಿತ್ತು. ಉಳಿದ ಅಧಿಕಾರಿಗಳು ಕೂಡ ಅವಾಚ್ಯವಾಗಿ ನಿಂದಿಸಿ, ಹಣ ನೀಡುವಂತೆ ಒತ್ತಡ ಹೇರಿದ್ದರು. ನಂತರ ಸಹೋದರನಿಗೆ ಕರೆ ಮಾಡಿ ಹಣ ತಲುಪಿಸುವಂತೆ ಮನವಿ ಮಾಡಿದ್ದೆ. ಸಿಜಿಎಸ್ಟಿ ಅಧಿಕಾರಿಗಳಿಗೆ ಮುಂಗಡವಾಗಿ ₹30 ಲಕ್ಷ ಹಣ ನೀಡಿದ ಬಳಿಕವೇ ಸೆ.5ರಂದು ಕಚೇರಿಯಿಂದ ಬಿಡುಗಡೆ ಮಾಡಲಾಗಿತ್ತು’ ಎಂದು ವಿವರಿಸಿದ್ದಾರೆ.</p><p>ಬಂಧಿತರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ಸೆ.10ರವರೆಗೆ ಸಿಬಿಐ ಕಸ್ಟಡಿಗೆ ಒಪ್ಪಿಸಿದೆ. </p><p>‘ಎಫ್ಐಆರ್ ದಾಖಲಾದ ಅಧಿಕಾರಿಗಳ ಕಚೇರಿ ಹಾಗೂ ನಿವಾಸದ ಮೇಲೆ ದಾಳಿ ನಡೆಸಲಾಗಿದ್ದು, ಮಹತ್ವದ ದಾಖಲೆಗಳನ್ನು ವಶಪಡಿಸಿಕೊಳ್ಳಲಾಗಿದೆ’ ಎಂದು ಸಿಬಿಐ ಅಧಿಕಾರಿಗಳು ತಿಳಿಸಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
