ಬಡ್ಡಿ ದರ ತೀರ್ಮಾನಿಸುವ ಅಧಿಕಾರ ಕೋರ್ಟ್‌ಗೆ ಇದೆ: ‘ಸುಪ್ರೀಂ’

ನವದೆಹಲಿ : ಬಡ್ಡಿಯ ಪ್ರಮಾಣ ಎಷ್ಟಿರಬೇಕು, ಅದನ್ನು ತಕರಾರು ಅರ್ಜಿ ಸಲ್ಲಿಸಿದ ದಿನದಿಂದ ಪಾವತಿಸಬೇಕೇ, ಅದಕ್ಕೂ ಮೊದಲಿನ ದಿನಾಂಕದಿಂದ ಪಾವತಿಸಬೇಕೇ ಅಥವಾ ನ್ಯಾಯಾಲಯದ ಆದೇಶ ಬಂದ ದಿನದಿಂದ ಪಾವತಿಸಬೇಕೇ ಎಂಬುದನ್ನು ಹೇಳುವ ಅಧಿಕಾರವು ನ್ಯಾಯಾಲಯಗಳಿಗೆ ಇದೆ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ.

. ನ್ಯಾಯಮೂರ್ತಿಗಳಾದ ಜೆ.ಬಿ. ಪಾರ್ದೀವಾಲಾ ಮತ್ತು ಆರ್. ಮಹಾದೇವನ್ ಅವರು ಇರುವ ವಿಭಾಗೀಯ ಪೀಠವು ತೀರ್ಪೊಂದರಲ್ಲಿ ಈ ಮಾತು ಹೇಳಿದೆ. ರಾಜ್ಯ ಸರ್ಕಾರಕ್ಕೆ ವರ್ಗಾವಣೆ ಮಾಡಿದ ಷೇರುಗಳ ಮೌಲ್ಯನಿಗದಿಯ ವಿಚಾರವಾಗಿ ರಾಜಸ್ಥಾನ ಸರ್ಕಾರ ಹಾಗೂ ಐ.ಕೆ. ಮರ್ಚಂಟ್ಸ್ ಪ್ರೈ.ಲಿ. ಸೇರಿದಂತೆ ಕೆಲವು ಖಾಸಗಿ ಕಂಪನಿಗಳ ನಡುವಿನ 52 ವರ್ಷಗಳ ಕಾನೂನು ಸಮರವನ್ನು ಈ ತೀರ್ಪು ಅಂತ್ಯಗೊಳಿಸಿದೆ.

. ಕಲ್ಕತ್ತ ಹೈಕೋರ್ಟ್ ನೀಡಿದ್ದ ಆದೇಶ ಪ್ರಶ್ನಿಸಿ ಐ.ಕೆ. ಮರ್ಚಂಟ್ಸ್ ಕಂಪನಿಯು ಸುಪ್ರೀಂ ಕೋರ್ಟ್ನಲ್ಲಿ ಮೇಲ್ಮನವಿ ಸಲ್ಲಿಸಿತ್ತು. ಷೇರು ಮೌಲ್ಯ ₹640 ಎಂದು ನಿರ್ಧರಿಸಿದ್ದನ್ನು ಹೈಕೋರ್ಟ್ ಮಾನ್ಯ ಮಾಡಿತ್ತು. ಅಲ್ಲದೆ, ವಾರ್ಷಿಕ ಶೇ 5ರ ಸರಳ ಬಡ್ಡಿ ಲೆಕ್ಕದಲ್ಲಿ ಹಣ ಪಾವತಿಸಬೇಕು ಎಂದು ಹೇಳಿತ್ತು.

. ಈ ಆದೇಶವು ಖಾಸಗಿ ಕಂಪನಿಗೆ ಸಮಾಧಾನ ತಂದಿರಲಿಲ್ಲ. ಬಡ್ಡಿಯನ್ನು ಹೆಚ್ಚಿಸಬೇಕು ಎಂದು ಅದು ಕೋರಿತ್ತು. ಈ ನಡುವೆ, ರಾಜಸ್ಥಾನ ಸರ್ಕಾರವು ಷೇರು ಮೌಲ್ಯ ನಿಗದಿಯನ್ನು ಪ್ರಶ್ನಿಸಿತ್ತು.

. ರಾಜಸ್ಥಾನ ರಾಜ್ಯ ಗಣಿ ಮತ್ತು ಖನಿಜ ನಿಯಮಿತದ ಷೇರುಗಳನ್ನು ಐ.ಕೆ. ಮರ್ಚಂಟ್ಸ್ ಕಂಪನಿಯು ರಾಜಸ್ಥಾನ ಸರ್ಕಾರಕ್ಕೆ 1973ರಲ್ಲಿ ವರ್ಗಾವಣೆ ಮಾಡಿದಾಗಿನಿಂದ ಈ ತಕರಾರು ಶುರುವಾಗಿತ್ತು. ಷೇರು ಮೌಲ್ಯವನ್ನು ಇನ್ನಷ್ಟು ಹೆಚ್ಚು ಮಾಡಬೇಕು ಎಂಬ ಕೋರಿಕೆಯೊಂದಿಗೆ ಕಂಪನಿಯು 1978ರಲ್ಲಿ ಅರ್ಜಿ ಸಲ್ಲಿಸಿತ್ತು.

. ಹಲವು ಬಾರಿ ಷೇರು ಮೌಲ್ಯ ಅಂದಾಜು ಮಾಡಲಾಯಿತು. 2019ರಲ್ಲಿ ರೇ ಆ್ಯಂಡ್ ರೇ ಸಂಸ್ಥೆಯು ಷೇರು ಮೌಲ್ಯವವನ್ನು ₹640 ಎಂದು ನಿಗದಿ ಮಾಡಿತು. ದೀರ್ಘ ಕಾನೂನು ಸಮರದ ನಂತರ ಹೈಕೋರ್ಟ್, ಪ್ರತಿ ಷೇರಿಗೆ ₹640ರಂತೆ, ವಾರ್ಷಿಕ ಸರಳ ಬಡ್ಡಿ ಶೇ 5ರಷ್ಟು ಲೆಕ್ಕ ಹಾಕಿ ಪಾವತಿಸಬೇಕು ಎಂದು ಹೇಳಿತು.

. ಆದರೆ, ಹೆಚ್ಚಿನ ಪರಿಹಾರ ಸಿಗಬೇಕು ಎಂದು ಕಂಪನಿಯು ಮೇಲ್ಮನವಿ ಸಲ್ಲಿಸಿತ್ತು. ಪಾವತಿಯನ್ನು ಸ್ವೀಕರಿಸುವಲ್ಲಿ ಆಗಿರುವ ಅಸಾಮಾನ್ಯ ವಿಳಂಬವನ್ನು ಗಮನಿಸಿದ ಸುಪ್ರೀಂ ಕೋರ್ಟ್, 1975ರಿಂದ ಅನ್ವಯವಾಗುವಂತೆ ಸರಳ ಬಡ್ಡಿ ಶೇ 6ರ ಲೆಕ್ಕಾಚಾರದಲ್ಲಿ ಹಣ ಪಾವತಿಸಬೇಕು ಎಂದು ತೀರ್ಪಿನಲ್ಲಿ ಹೇಳಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಡ್ಡಿ ದರ ತೀರ್ಮಾನಿಸುವ ಅಧಿಕಾರ ಕೋರ್ಟ್‌ಗೆ ಇದೆ: ‘ಸುಪ್ರೀಂ’

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

IND vs ENG: ಗಿಲ್ 168*, ಜಡೇಜ 89; ಊಟದ ವಿರಾಮಕ್ಕೆ ಭಾರತ 419/6

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ