2020ರ ಜುಲೈನಲ್ಲಿ ಕೇರಳದಲ್ಲಿ 37,138 ಮಕ್ಕಳು ಹುಟ್ಟಿರುವುದು ದಾಖಲಾಗಿದೆ. ಆದರೆ, ಕೋವಿಡ್ ಸಾಂಕ್ರಾಮಿಕದ ನಂತರ 2021ರ ಜುಲೈನಲ್ಲಿ ಜನನ ಸಂಖ್ಯೆ 10,684ಕ್ಕೆ ಇಳಿಕೆಯಾಗಿದೆ. ಈ ವರ್ಷದ ಮೊದಲ ಒಂಬತ್ತು ತಿಂಗಳು ಜನನ ಪ್ರಮಾಣ ತೀವ್ರ ಇಳಿಕೆಯಾಗಿರುವುದು ಕಂಡು ಬಂದಿದೆ. 2020ರ ಜನವರಿಯಲ್ಲಿ 36,414 ಮಕ್ಕಳು ಹುಟ್ಟಿದ್ದರೆ, 2021ರ ಜನವರಿಯಲ್ಲಿ 30,335 ಮಕ್ಕಳು ಜನಿಸಿವೆ. ಇದೇ ಸೆಪ್ಟೆಂಬರ್ನಲ್ಲಿ ಅತ್ಯಂತ ಕಡಿಮೆ ಜನನ ಪ್ರಮಾಣ ದಾಖಲಾಗಿರುವುದು ಕೇರಳದ ಜನನ ಮತ್ತು ಮರಣಗಳ ಮುಖ್ಯ ರೆಜಿಸ್ಟ್ರಾರರ ಮಾಹಿತಿಯಿಂದ ತಿಳಿದು ಬಂದಿದೆ.