ಪಣಜಿ : ಲೈಂಗಿಕ ಕಿರುಕುಳಕ್ಕೆ ಒಳಗಾಗಿದ್ದ ಯುವತಿಯ ವಿವರಗಳನ್ನು ಬಹಿರಂಗಪಡಿಸಿದ ಆರೋಪದ ಮೇಲೆ ಗೋವಾ ಕಾಂಗ್ರೆಸ್‌ನ ಮಹಿಳಾ ಘಟಕದ ಅಧ್ಯಕ್ಷೆ ಸೇರಿದಂತೆ ಐವರ ವಿರುದ್ಧ ಪೊಲೀಸರು ಎಫ್‌ಐಆರ್‌ ದಾಖಲಿಸಿದ್ದಾರೆ.
ಕಾಂಗ್ರೆಸ್‌ನ ಮಹಿಳಾ ಘಟಕದ ಅಧ್ಯಕ್ಷೆ ಪ್ರತಿಮಾ ಕುಟಿನ್ಹೊ, ಉಪಾಧ್ಯಕ್ಷೆ ಸಾವಿತ್ರಿ ಕವಳೇಕರ್, ನೇತ್ರಾವಳಿ ಗ್ರಾಮ ಪಂಚಾಯಿತಿ ಉಪ ಸರಪಂಚ್‌ ಅಭಿಜಿತ್‌ ದೇಸಾಯಿ, ಸದಸ್ಯರಾದ ವಿಠ್ಠಲ ಗಾಂವಕರ್ ಹಾಗೂ ಪ್ರಕಾಶ್ ಭಗತ್ ವಿರುದ್ಧ ಎಫ್‌ಐಆರ್‌ ದಾಖಲಾಗಿದೆ.
ನೇತ್ರಾವಳಿ ಗ್ರಾಮದಲ್ಲಿರುವ ಸಂತ್ರಸ್ತೆಯ ಮನೆಗೆ ಭೇಟಿ ನೀಡಿದ್ದ ಪ್ರತಿಮಾ ಕುಟಿನ್ಹೊ, ನಂತರ ಸಂತ್ರಸ್ತೆ ತಾಯಿ ಜೊತೆ ಇರುವ ಚಿತ್ರವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಾಕಿದ್ದರು. ಈ ಸಂಬಂಧ ಶಿವಸೇನಾದ ಗೋವಾ ಘಟಕದ ಉಪಾಧ್ಯಕ್ಷೆ ರಾಖಿ ಪ್ರಭುದೇಸಾಯಿ ನಾಯ್ಕ ದೂರು ನೀಡಿದ್ದರು.
