<p><strong>ಹೈದರಾಬಾದ್</strong>: ಮಾನವ ಕಳ್ಳಸಾಗಣೆ ಆರೋಪದ ಮೇಲೆ ಅಮೆರಿಕದ ಉತ್ತರ ಟೆಕ್ಸಾಸ್ನಲ್ಲಿ ನೆಲೆಸಿರುವ ನಾಲ್ವರು ತೆಲುಗು ಭಾಷಿಕರ ವಿರುದ್ಧ ಪೊಲೀಸರು ಸೋಮವಾರ ಬಂಧನ ವಾರಂಟ್ ಹೊರಡಿಸಿದ್ದಾರೆ.</p><p>ಸಂತೋಷ್ ಕಟ್ಕೂರಿ (31), ದ್ವಾರಕಾ ಗುಂಡ (31), ಚಂದನ್ ದಾಸೀರೆಡ್ಡಿ (24) ಮತ್ತು ಅನಿಲ್ ಮಾಳೆ (37) ವಿರುದ್ಧ ವಾರಂಟ್ ಹೊರಡಿಸಲಾಗಿದೆ.</p><p>ಸಂತೋಷ್, ದ್ವಾರಕಾ ಮತ್ತು ಚಂದನ್ ಮೆಲಿಸ್ಸಾ ನಿವಾಸಿಗಳು ಮತ್ತು ಅನಿಲ್ ಪ್ರಾಸ್ಫರ್ನ ನಿವಾಸಿ.</p><p>ಅನುಮಾನಾಸ್ಪದ ಚಟುವಟಿಕೆ ಮತ್ತು ಮಾನವ ಕಳ್ಳಸಾಗಾಣಿಕೆ ವಿರುದ್ಧದ ಧ್ವನಿಗೆ ಪ್ರತಿಯಾಗಿ ‘1000 ಗಿನ್ಸ್ಬರ್ಗ್ ಲೇನ್’ ಪ್ರದೇಶಕ್ಕೆ ಕಳೆದ ಮಾರ್ಚ್ 13ರಂದು ಅಧಿಕಾರಿಗಳ ತಂಡವನ್ನು ಕಳುಹಿಸಲಾಗಿತ್ತು ಎಂದು ಪ್ರಿನ್ಸ್ಟನ್ ಪೊಲೀಸರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. </p><p>ಪ್ರಾಥಮಿಕ ವರದಿ ಬಳಿಕ ಪ್ರಿನ್ಸ್ಟನ್ ಪೊಲೀಸರು ಸಂತೋಷ್ ಕಟ್ಕೂರಿ ಅವರ ಮನೆಯಲ್ಲಿ ಶೋಧ ನಡೆಸಿದ್ದರು. ಈ ಸಂದರ್ಭದಲ್ಲಿ 15 ಮಂದಿ ವಯಸ್ಕ ಮಹಿಳೆಯರು ಅಲ್ಲಿ ಇದ್ದರು. ಶೋಧದ ವೇಳೆ ಹಲವು ಲ್ಯಾಪ್ಟಾಪ್, ಫೋನ್ಗಳು, ಪ್ರಿಂಟರ್ಗಳು ಮತ್ತು ಕೆಲ ದಾಖಲೆಗಳನ್ನು ವಶಕ್ಕೆ ಪಡೆಯಲಾಗಿತ್ತು.</p><p>ಕಟ್ಕೂರಿ ಮತ್ತು ಹಲವು ಶೆಲ್ ಕಂಪನಿಗಳ ಪರವಾಗಿ ಕೆಲಸ ಮಾಡಲು ಮಹಿಳೆಯರನ್ನು ಒತ್ತಾಯಪೂರ್ವಕವಾಗಿ ಕರೆತರಲಾಗಿತ್ತು ಎಂಬುದು ತನಿಖೆ ವೇಳೆ ಪತ್ತೆಯಾಗಿತ್ತು. </p><p>ಬೇರೆ ಕಡೆಗಳಲ್ಲಿ ನಡೆದ ಶೋಧದಲ್ಲಿ ಮತ್ತಷ್ಟು ಲ್ಯಾಪ್ಟಾಪ್, ಫೋನ್ ಮತ್ತು ದಾಖಲೆಗಳನ್ನು ವಶಕ್ಕೆ ಪಡೆಯಲಾಗಿದೆ. ಎಲ್ಲಾ ಸಾಧನಗಳನ್ನು ಪರೀಕ್ಷೆಗೆ ಒಳಪಡಿಸಿ ಆರೋಪ ದೃಢಪಟ್ಟ ನಂತರ ಬಂಧನ ವಾರಂಟ್ ಹೊರಡಿಸಲಾಗಿದೆ.</p><p>ವರದಿಗಳ ಪ್ರಕಾರ, ಹೀಗೆ ಕರೆತಂದ ಮಹಿಳೆಯರನ್ನು ನೆಲದ ಮೇಲೆ ಮಲಗಿಸಲಾಗುತ್ತದೆ. ಒಂದು ಕೋಣೆಯಲ್ಲಿ ಮೂರರಿಂದ ಐವರು ಮಹಿಳೆಯರು ಇರುತ್ತಾರೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೈದರಾಬಾದ್</strong>: ಮಾನವ ಕಳ್ಳಸಾಗಣೆ ಆರೋಪದ ಮೇಲೆ ಅಮೆರಿಕದ ಉತ್ತರ ಟೆಕ್ಸಾಸ್ನಲ್ಲಿ ನೆಲೆಸಿರುವ ನಾಲ್ವರು ತೆಲುಗು ಭಾಷಿಕರ ವಿರುದ್ಧ ಪೊಲೀಸರು ಸೋಮವಾರ ಬಂಧನ ವಾರಂಟ್ ಹೊರಡಿಸಿದ್ದಾರೆ.</p><p>ಸಂತೋಷ್ ಕಟ್ಕೂರಿ (31), ದ್ವಾರಕಾ ಗುಂಡ (31), ಚಂದನ್ ದಾಸೀರೆಡ್ಡಿ (24) ಮತ್ತು ಅನಿಲ್ ಮಾಳೆ (37) ವಿರುದ್ಧ ವಾರಂಟ್ ಹೊರಡಿಸಲಾಗಿದೆ.</p><p>ಸಂತೋಷ್, ದ್ವಾರಕಾ ಮತ್ತು ಚಂದನ್ ಮೆಲಿಸ್ಸಾ ನಿವಾಸಿಗಳು ಮತ್ತು ಅನಿಲ್ ಪ್ರಾಸ್ಫರ್ನ ನಿವಾಸಿ.</p><p>ಅನುಮಾನಾಸ್ಪದ ಚಟುವಟಿಕೆ ಮತ್ತು ಮಾನವ ಕಳ್ಳಸಾಗಾಣಿಕೆ ವಿರುದ್ಧದ ಧ್ವನಿಗೆ ಪ್ರತಿಯಾಗಿ ‘1000 ಗಿನ್ಸ್ಬರ್ಗ್ ಲೇನ್’ ಪ್ರದೇಶಕ್ಕೆ ಕಳೆದ ಮಾರ್ಚ್ 13ರಂದು ಅಧಿಕಾರಿಗಳ ತಂಡವನ್ನು ಕಳುಹಿಸಲಾಗಿತ್ತು ಎಂದು ಪ್ರಿನ್ಸ್ಟನ್ ಪೊಲೀಸರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. </p><p>ಪ್ರಾಥಮಿಕ ವರದಿ ಬಳಿಕ ಪ್ರಿನ್ಸ್ಟನ್ ಪೊಲೀಸರು ಸಂತೋಷ್ ಕಟ್ಕೂರಿ ಅವರ ಮನೆಯಲ್ಲಿ ಶೋಧ ನಡೆಸಿದ್ದರು. ಈ ಸಂದರ್ಭದಲ್ಲಿ 15 ಮಂದಿ ವಯಸ್ಕ ಮಹಿಳೆಯರು ಅಲ್ಲಿ ಇದ್ದರು. ಶೋಧದ ವೇಳೆ ಹಲವು ಲ್ಯಾಪ್ಟಾಪ್, ಫೋನ್ಗಳು, ಪ್ರಿಂಟರ್ಗಳು ಮತ್ತು ಕೆಲ ದಾಖಲೆಗಳನ್ನು ವಶಕ್ಕೆ ಪಡೆಯಲಾಗಿತ್ತು.</p><p>ಕಟ್ಕೂರಿ ಮತ್ತು ಹಲವು ಶೆಲ್ ಕಂಪನಿಗಳ ಪರವಾಗಿ ಕೆಲಸ ಮಾಡಲು ಮಹಿಳೆಯರನ್ನು ಒತ್ತಾಯಪೂರ್ವಕವಾಗಿ ಕರೆತರಲಾಗಿತ್ತು ಎಂಬುದು ತನಿಖೆ ವೇಳೆ ಪತ್ತೆಯಾಗಿತ್ತು. </p><p>ಬೇರೆ ಕಡೆಗಳಲ್ಲಿ ನಡೆದ ಶೋಧದಲ್ಲಿ ಮತ್ತಷ್ಟು ಲ್ಯಾಪ್ಟಾಪ್, ಫೋನ್ ಮತ್ತು ದಾಖಲೆಗಳನ್ನು ವಶಕ್ಕೆ ಪಡೆಯಲಾಗಿದೆ. ಎಲ್ಲಾ ಸಾಧನಗಳನ್ನು ಪರೀಕ್ಷೆಗೆ ಒಳಪಡಿಸಿ ಆರೋಪ ದೃಢಪಟ್ಟ ನಂತರ ಬಂಧನ ವಾರಂಟ್ ಹೊರಡಿಸಲಾಗಿದೆ.</p><p>ವರದಿಗಳ ಪ್ರಕಾರ, ಹೀಗೆ ಕರೆತಂದ ಮಹಿಳೆಯರನ್ನು ನೆಲದ ಮೇಲೆ ಮಲಗಿಸಲಾಗುತ್ತದೆ. ಒಂದು ಕೋಣೆಯಲ್ಲಿ ಮೂರರಿಂದ ಐವರು ಮಹಿಳೆಯರು ಇರುತ್ತಾರೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>