ಹೈದರಾಬಾದ್: ಇಲ್ಲಿನ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ₹ 1.37 ಕೋಟಿ ಮೌಲ್ಯದ 2.9 ಕೆ.ಜಿ ಚಿನ್ನವನ್ನು ವಶಪಡಿಸಿಕೊಂಡಿದ್ಧಾರೆ.
ದುಬೈನಿಂದ ಆಗಮಿಸಿದ ವಿಮಾನದಿಂದ ಇಳಿದ ಪ್ರಯಾಣಿಕನನ್ನು ತಪಾಸಣೆ ನಡೆಸಿದ ಸಿಬ್ಬಂದಿ ಚಿನ್ನವನ್ನು ವಶಕ್ಕೆ ಪಡೆದಿದ್ದಾರೆ.
ಬ್ಯಾಗೇಜ್ನಲ್ಲಿದ್ದ 1,547 ಗ್ರಾಂ ತೂಕದ 24 ಕ್ಯಾರೆಟ್ ಚಿನ್ನ ಮತ್ತು 1,414 ಗ್ರಾಂ ಆಭರಣ ಸೇರಿ ಒಟ್ಟು ₹1.37 ಕೋಟಿ ಮೌಲ್ಯದ 2.9 ಕೆ.ಜಿ ಚಿನ್ನ ವಶಕ್ಕೆ ಪಡೆಯಲಾಗಿದೆ ಎಂದು ಕಸ್ಟಮ್ಸ್ನ ಉಪ ಆಯುಕ್ತ ದುಲಿಪ್ ಅಬ್ಹಾಂ ಹೇಳಿದ್ದಾರೆ.
ಚಿನ್ನದ ಸಾಗಣೆ ಕುರಿತಂತೆ ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಅವರು ಹೇಳಿದ್ದಾರೆ.