ಅಹಮದಾಬಾದ್‌: ಗಾಂಧಿನಗರ ಜಿಲ್ಲೆಯಲ್ಲಿ ಮೋಶ್ವಾ ನದಿಯಲ್ಲಿ 8 ಜನರು ಮುಳುಗಿ ಶುಕ್ರವಾರ ಮೃತಪಟ್ಟಿದ್ಧಾರೆ.
ಮೃತರು ದೆಹ್ಗಾಮ್‌ ತಾಲ್ಲೂಕಿನ ವಾಸ್ನಾ ಸೋಗ್ತಿ ಗ್ರಾಮದವರು ಎಂದು ಉಪವಿಭಾಗಾಧಿಕಾರಿ ಬಿ.ಬಿ.ಮೋದಿಯಾ ತಿಳಿಸಿದ್ದಾರೆ.
ಗಣೇಶ ಮೂರ್ತಿ ವಿಸರ್ಜನೆಗಾಗಿ ನದಿಗೆ ತೆರಳಿದ್ದ ಗ್ರಾಮಸ್ಥರ ಗುಂಪೊಂದು ಈ ಕುರಿತು ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಬಳಿಕ, ಪೊಲೀಸರು ಮತ್ತು ಅಗ್ನಿಶಾಮಕ ದಳ ಸಿಬ್ಬಂದಿ ಸ್ಥಳಕ್ಕೆ ತೆರಳಿ, 8 ಜನರ ಮೃತದೇಹಗಳನ್ನು ಹೊರಗೆ ತೆಗೆದಿದ್ದಾರೆ.
‘ಒಬ್ಬ ವ್ಯಕ್ತಿ ನಾಪತ್ತೆಯಾಗಿದ್ದರು. ಆದರೆ, ಸುರಕ್ಷಿತವಾಗಿ ಗ್ರಾಮಕ್ಕೆ ಮರಳಿರುವುದು ಗೊತ್ತಾಗಿದೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
