ಅಹಮದಾಬಾದ್‌: ಗುಜರಾತ್‌ ಚುನಾವಣೆಯಲ್ಲಿ ಅಬ್ಬರದ ಪ್ರಚಾರ ಮಾಡಿದ ಸಲುವಾಗಿಯೂ, ನಿರೀಕ್ಷಿತ ಫಲಿತಾಂಶ ಪಡೆಯುವಲ್ಲಿ ಆಮ್ ಅದ್ಮಿ ಪಕ್ಷ ವಿಫಲವಾಗಿದೆ. ಆದರೂ ಆಮ್ ಆದ್ಮಿ ಪಕ್ಷವು ಮಹತ್ವದ ಮೈಲಿಗಲ್ಲು ಸಾಧಿಸಿದೆ.
ಗುಜರಾತ್‌ನಲ್ಲಿ ಆಮ್ ಆದ್ಮಿ ಪಕ್ಷವು ಕನಿಷ್ಠ 2 ಕ್ಷೇತ್ರಗಳಲ್ಲಿ ಗೆದ್ದು, ಶೇ 6 ರಷ್ಟು ಮತ ಪಡೆದುಕೊಂಡರೆ, ‘ರಾಷ್ಟ್ರೀಯ ಪಕ್ಷ‘ ಸ್ಥಾನಮಾನಕ್ಕೆ ಭಾಜನವಾಗಲಿದೆ.
ನಿಯಮಾವಳಿಗಳ ಪ್ರಕಾರ, ಪಕ್ಷವೊಂದು 4 ರಾಜ್ಯಗಳಲ್ಲಿ, ಕನಿಷ್ಠ 2 ಶಾಸಕರನ್ನು ಹೊಂದಿ, ಶೇ 6 ರಷ್ಟು ಮತ ಪಡೆದರೆ ಆ ಪಕ್ಷಕ್ಕೆ ರಾಷ್ಟ್ರೀಯ ಸ್ಥಾನಮಾನ ಸಿಗುತ್ತದೆ.
ಆಮ್ ಆದ್ಮಿ ಪಕ್ಷವು ಈಗಾಗಲೇ ದೆಹಲಿ ಹಾಗೂ ಪಂಜಾಬ್‌ನಲ್ಲಿ ಅಧಿಕಾರದಲ್ಲಿದೆ. ಗೋವಾದಲ್ಲಿ ಇಬ್ಬರು ಶಾಸಕರಿದ್ದು, ಶೇ 6 ಕ್ಕಿಂತ ಹೆಚ್ಚಿನ ಮತ ಪಡೆದಿದೆ.
ಗುಜರಾತ್‌ನಲ್ಲಿ ಒಂದು ವೇಳೆ ಎರಡು ಕ್ಷೇತ್ರಗಳನ್ನು ಗೆದ್ದುಕೊಂಡು, ಶೇ 6 ರಷ್ಟು ಮತ ಪಡೆದರೆ ಆಮ್ ಆದ್ಮಿ ಪಕ್ಷವು ರಾಷ್ಟ್ರೀಯ ಪಕ್ಷ ಎನಿಸಿಕೊಳ್ಳಲಿದೆ.
