ರಾಂಚಿ: ಜನನ ಮತ್ತು ಮರಣಗಳ ನೋಂದಣಿಯನ್ನು ಶೇಕಡ 100 ಸಾಧಿಸುವ ದೃಷ್ಟಿಯಿಂದ ಜಾರ್ಖಂಡ್ ಸರ್ಕಾರ ಒಂದು ತಿಂಗಳ ಅಭಿಯಾನವನ್ನು ಪ್ರಾರಂಭಿಸಿದೆ ಎಂದು ಶುಕ್ರವಾರ ಅಧಿಕಾರಿಗಳು ತಿಳಿಸಿದ್ದಾರೆ.
ರಾಜ್ಯ ಹಣಕಾಸು ಸಚಿವ ರಾಮೇಶ್ವರ ಓರಾನ್ ಅವರು ಅಭಿಯಾನಕ್ಕೆ ಚಾಲನೆ ನೀಡಿದರು. ಶುಕ್ರವಾರ ಆರಂಭವಾದ ಈ ಅಭಿಯಾನ ಆಗಸ್ಟ್ 14ರಂದು ಕೊನೆಗೊಳ್ಳಲಿದೆ.
‘ಭವಿಷ್ಯದಲ್ಲಿ ಯಾವುದೇ ಒಂದು ಮಗುವು ಜನನ ಪ್ರಮಾಣಪತ್ರ ಇರದೇ ಇರಬಾರದು. ಮರಣದ ನೋಂದಣಿಯೂ ಅಷ್ಟೇ ಪ್ರಮುಖವಾಗಿದೆ. ಪಿತ್ರಾರ್ಜಿತ ಆಸ್ತಿ ಹಂಚಿಕೆ ಅಥವಾ ನ್ಯಾಯಾಲಯ ಪ್ರಕರಣಗಳಲ್ಲಿ ಇದು ಪ್ರಮುಖವಾಗುತ್ತದೆ. ಈ ಹಿಂದೆ ದಾಖಲೆಗಳಿಲ್ಲದೆ ಬಹ‌ಳಷ್ಟು ಜನ ಹಲವು ಸಮಸ್ಯೆ ಎದುರಿಸಿದ್ದಾರೆ’ ಎಂದರು.
‘ಶಾಲಾ ಮಕ್ಕಳ ಜನನ ನೋಂದಣಿಯು ಅಭಿಯಾನದ ಸಮಯದಲ್ಲಿ ಮಾಡಲಾಗುವುದು. ಈ ಕುರಿತು ಈಗಾಗಲೇ ಎಲ್ಲಾ ಶಾಲೆಗಳ ಮುಖ್ಯೋಪಾಧ್ಯಾಯರಿಗೆ ಸೂಚನೆ ನೀಡಲಾಗಿದೆ’ ಎಂದು ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಖೆ ಕಾರ್ಯದರ್ಶಿ ಕೆ.ರವಿ ಕುಮಾರ್ ತಿಳಿಸಿದರು.
