‘ಎಂಬಿಬಿಎಸ್ ಪದವಿ ಕಲಿಕೆಯ ಹಂತದಲ್ಲಿದ್ದಾಗಲೇ ನನ್ನೊಳಗಿನ ಸ್ತ್ರೀ ಭಾವನೆಗಳನ್ನು ಗೆಳೆಯರ ಜೊತೆ ಹಂಚಿಕೊಂಡೆ. ನಂತರ ನನ್ನ ತಾಯಿ, ಶಿಕ್ಷಕಿಯೂ ಆದ ಉಷಾಗೆ ತಿಳಿಸಿದೆ. ಆರಂಭದಲ್ಲಿ ಬೇಸರಿಸಿಕೊಂಡರೂ, ನಂತರದಲ್ಲಿ ನನ್ನ ಭಾವನೆಗಳನ್ನು ಅರ್ಥಮಾಡಿಕೊಂಡರು. ಆದರೆ, ಪರಿಸ್ಥಿತಿ ಅರ್ಥ ಮಾಡಿಕೊಳ್ಳಲು ತಂದೆ, ಸೇನೆಯ ನಿವೃತ್ತ ಸಿಬ್ಬಂದಿ ರಾಧಾಕೃಷ್ಣನ್ ಅವರಿಗೆ ಸಾಕಷ್ಟು ಸಮಯ ಹಿಡಿಯಿತು. ನನ್ನ ಸಹೋದರ, ಬ್ಯಾಂಕ್ ನೌಕರಿಯಲ್ಲಿರುವ ವಿಷ್ಣು ಪೂರ್ಣ ಸಹಕಾರ ನೀಡಿದ’ ಎಂದು ವಿಭಾ ಹೇಳಿದರು.