ಪುಣೆ: 17 ಮಹಿಳಾ ಕೆಡೆಟ್‌ಗಳಿಂದ ಐತಿಹಾಸಿಕ ಸಾಧನೆ

ಪುಣೆ : ಹದಿನೇಳು ಮಹಿಳಾ ಕೆಡೆಟ್ಗಳು ಇದೇ ಮೊದಲ ಬಾರಿಗೆ ಪುಣೆಯ ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಯಿಂದ (ಎನ್ಡಿಎ) ಶುಕ್ರವಾರ ತರಬೇತಿ ಪಡೆಯುವ ಮೂಲಕ ಐತಿಹಾಸಿಕ ಮೈಲಿಗಲ್ಲು ಸ್ಥಾಪಿಸಿದರು.

. ಅಕಾಡೆಮಿಯಲ್ಲಿ ಶುಕ್ರವಾರ ನಡೆದ ತರಬೇತಿ ಅಂಗವಾಗಿ ನಡೆದ ಅಂತಿಮ ಪರೇಡ್ನಲ್ಲಿ ಪುರುಷರೂ ಸೇರಿ 1,341 ಮಂದಿ ಭಾಗಿಯಾಗಿದ್ದರು.

. ಖಡಕವಾಸ್ಲಾದಲ್ಲಿರುವ ಸೇನಾಪಡೆಗಳ ತರಬೇತಿ ಕೇಂದ್ರದ ಖೇತ್ರಪಾಲ್ ಪರೇಡ್ ಮೈದಾನದಲ್ಲಿ ಪಥಸಂಚಲನ ನಡೆಯಿತು. ಕೆಡೆಟ್ಗಳು ಅತ್ಯಂತ ಕರಾರುವಕ್ಕಾಗಿ ಮತ್ತು ಶಿಸ್ತಿನಿಂದ ಹೆಜ್ಜೆ ಹಾಕಿದರು.

. ಅಕಾಡೆಮಿಯ ಕೆಡೆಟ್ ಕ್ಯಾಪ್ಟನ್ ಉದಯವೀರ್ ಸಿಂಗ್ ನೇಗಿ ಅವರು ಪರೇಡ್ ಮುನ್ನಡೆಸಿದರು. ಸೇನಾಪಡೆಯ ಮಾಜಿ ಮುಖ್ಯಸ್ಥ, ಮಿಜೋರಾಂ ರಾಜ್ಯಪಾಲ ಜನರಲ್ ವಿ.ಕೆ.ಸಿಂಗ್ ಅವರು ನಿರ್ಗಮನ ಪಥಸಂಚಲನದ ಪರಿಶೀಲನೆ ನಡೆಸಿದರು.

. ಕಾರ್ಯಕ್ರಮದಲ್ಲಿ ಸಾಧಕರ ಪೋಷಕರು, ಗಣ್ಯರು, ಶಾಲಾ ಮಕ್ಕಳು, ನಾಗರಿಕರು, ಯೋಧರು ಮತ್ತು ನಿವೃತ್ತ ಯೋಧರು ಭಾಗಿಯಾಗಿದ್ದರು. ಸಂಪೂರ್ಣ ವಾತಾವರಣವು ಉತ್ಸಾಹಭರಿತವೂ, ವೈವಿಧ್ಯತೆಯಿಂದ ಕೂಡಿತ್ತು.

. ವಿ.ಕೆ ಸಿಂಗ್ ಅವರು ಮೆರಿಟ್ ಆಧಾರದಲ್ಲಿ ಮೊದಲ ಮೂರು ಸ್ಥಾನ ಪಡೆದವರಿಗೆ ಚಿನ್ನ, ಬೆಳ್ಳಿ ಮತ್ತು ಕಂಚಿನ ರಾಷ್ಟ್ರಪತಿಗಳ ಪದಕವನ್ನು ಪ್ರದಾನ ಮಾಡಿದರು.

. ಬಿಸಿಎ ಪ್ರಿನ್ಸ್ ರಾಜ್ ಅವರಿಗೆ ಚಿನ್ನದ ಪದಕ, ಎಸಿಸಿ ಉದಯ್ವೀರ ಸಿಂಗ್ ನೇಗಿ ಅವರಿಗೆ ಬೆಳ್ಳಿ ಪದಕ ಮತ್ತು ಬಿಸಿಸಿ ತೇಜಸ್ ಭಟ್ ಅವರಿಗೆ ಕಂಚಿನ ಪದಕವನ್ನು ನೀಡಲಾಯಿತು.

. ಈ ಮಹಿಳೆಯರು ‘ನಾರಿಶಕ್ತಿ’ಯ ಸಂಕೇತ. ಮಹಿಳೆಯರ ಬೆಳವಣಿಗೆ ಮಾತ್ರವಲ್ಲದೆ; ಮಹಿಳಾ ನೇತೃತ್ವದ ಅಭಿವೃದ್ಧಿಗೆ ಇದು ಮುನ್ನುಡಿ ವಿ.ಕೆ.ಸಿಂಗ್ ಮಿಜೋರಾಂ ರಾಜ್ಯಪಾಲ . ಸುಪ್ರೀಂ ನಿರ್ದೇಶನದ ಬಳಿಕ ಅವಕಾಶ

ಸುಪ್ರೀಂ ಕೋರ್ಟ್ 2021ರಲ್ಲಿ ನಿರ್ದೇಶನ ನೀಡಿದ ನಂತರ ಕೇಂದ್ರ ಲೋಕಸೇವಾ ಆಯೋಗವು ಮಹಿಳೆಯರಿಗೆ ರಕ್ಷಣಾ ಅಕಾಡೆಮಿಗೆ ಸೇರ್ಪಡೆಯಾಗಲು ಅವಕಾಶ ನೀಡಿತ್ತು. ಹೀಗಾಗಿ ಮೊದಲ ಬ್ಯಾಚ್ನ ಮಹಿಳಾ ಕೆಡೆಟ್ಗಳು 2022ರಲ್ಲಿ ‘ಎನ್ಡಿಎ’ ಕೋರ್ಸ್ಗೆ ಸೇರ್ಪಡೆಯಾಗಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪುಣೆ: 17 ಮಹಿಳಾ ಕೆಡೆಟ್‌ಗಳಿಂದ ಐತಿಹಾಸಿಕ ಸಾಧನೆ

ಚಿನಕುರುಳಿ Cartoon: 30 ಜುಲೈ 2025

ಚುರುಮುರಿ: ಗೊಬ್ಬರದ ಗೋಳು

ಮಾಸ ಭವಿಷ್ಯ | ಆಗಸ್ಟ್ 2025: ನಿಮ್ಮ ಕೆಲಸದಲ್ಲಿ ಯಶಸ್ಸನ್ನು ಪಡೆಯುವಿರಿ

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಜಟಾಪಟಿ: ಆಟಗಾರ ಅಮಾನತು

IND vs ENG | ಕೊನೆ ಟೆಸ್ಟ್ ಇಂದಿನಿಂದ: ಸರಣಿ ಸಮಬಲದತ್ತ ಗಿಲ್ ಪಡೆ ಚಿತ್ತ

U‍19 ರಾಜ್ಯ ಬ್ಯಾಡ್ಮಿಂಟನ್: ಪ್ರಿ ಕ್ವಾರ್ಟರ್ ಫೈನಲ್‌ಗೆ ಅಭಿನವ್‌, ಅಶ್ವತಿ, ದಿಯಾ

ಸೆಂಟ್ರಲ್‌ ಏಷ್ಯಾ ನೇಷನ್ಸ್ ಕಪ್‌ ಟೂರ್ನಿಗೆ ಭಾರತ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 30 ಜುಲೈ 2025

ಚುರುಮುರಿ: ಗೊಬ್ಬರದ ಗೋಳು

ಮಾಸ ಭವಿಷ್ಯ | ಆಗಸ್ಟ್ 2025: ನಿಮ್ಮ ಕೆಲಸದಲ್ಲಿ ಯಶಸ್ಸನ್ನು ಪಡೆಯುವಿರಿ

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ