ಶಾಲೆಯಿಂದ ಆರಂಭವಾಗಿ ಅಂತರಿಕ್ಷದವರೆಗೆ ಭಾರತಕ್ಕೆ ನಿಮ್ಮ ಸಹಕಾರ ಬೇಕು: ಮೋದಿ

1.3 ಶತಕೋಟಿಭಾರತೀಯರು ನಿಮ್ಮನ್ನು ಹೆಮ್ಮೆ ಮತ್ತು ಖುಷಿಯಿಂದ ಪ್ರೋತ್ಸಾಹಿಸುವುದು ಮಾತ್ರವಲ್ಲದೆ ನಿಮಗೆ ಸಹಯೋಗ ನೀಡುತ್ತಾರೆ. ನಿಮ್ಮಿಂದ ಕಲಿಯುತ್ತಾರೆ ಎಂದಿದ್ದಾರೆ ಮೋದಿ.

ಭಾನುವಾರ ಇಲ್ಲಿನ ರಾಯಲ್ ಯುನಿವರ್ಸಿಟಿಯಲ್ಲಿ ವಿದ್ಯಾರ್ಥಿಗಳನ್ನುದ್ದೇಶಿಸಿ ಮಾತನಾಡಿದ ಮೋದಿ, ಸಹಯೋಗ ಬಯಸುವ ಸಾಂಪ್ರದಾಯಿಕ ವಲಯಗಳಿಂದಾಚೆಗೆ ಶಾಲೆಯಿಂದ ಆರಂಭವಾಗಿ ಬಾಹ್ಯಾಕಾಶದವರೆಗೆ, ಡಿಜಿಟಲ್ ಪೇಮೆಂಟ್‌ನಿಂದ ವಿಪತ್ತು ನಿರ್ವಹಣೆವರೆಗೆ ಭಾರತ ನಿಮ್ಮಸಹಕಾರ ಬಯಸುತ್ತದೆ. ಜಗತ್ತು ಇದೀಗ ಹೆಚ್ಚಿನ ಅವಕಾಶಗಳನ್ನ ನೀಡುತ್ತಿದೆ ಎಂದಿದ್ದಾರೆ.

ಅಸಾಮಾನ್ಯ ಸಂಗತಿಗಳನ್ನು ಮಾಡಲು ನಿಮ್ಮಲ್ಲಿ ಶಕ್ತಿ ಮತ್ತು ಸಾಮರ್ಥ್ಯವಿದೆ. ಇದು ಮುಂದಿನ ಪೀಳಿಗೆ ಮೇಲೆ ಪ್ರಭಾವ ಬೀರುತ್ತದೆ. ನಿಮ್ಮಲ್ಲಿರುವ ಪ್ರತಿಭೆಯನ್ನು ಪತ್ತೆ ಹಚ್ಚಿ ಅದರಲ್ಲಿ ಉತ್ಸಾಹದಿಂದ ತೊಡಗಿಸಿಕೊಳ್ಳಿ ಎಂದು ಹೇಳಿದ್ದಾರೆ.

ಭೂತಾನ್‌ನ ಸ್ವಂತ ಉಪಗ್ರಹವನ್ನುಉಡ್ಡಯಣ ಮಾಡುವುದಕ್ಕಾಗಿ ಅದರ ವಿನ್ಯಾಸ ಬಗ್ಗೆ ಕಲಿಯಲು ಭಾರತಕ್ಕೆ ಬರಲು ಸಿದ್ಧರಾಗಿರುವ ಭೂತಾನ್‌ನ ಯುವ ವಿಜ್ಞಾನಿಗಳಿಗೆ ಪ್ರಧಾನಿ ಸ್ವಾಗತ ಕೋರಿದ್ದಾರೆ.

ಭಾರತ- ಭೂತಾನ್ ಸಂಬಂಧದ ಬಗ್ಗೆ ಮಾತನಾಡಿದ ಮೋದಿ, ಕಲಿಕೆಯ ನಮ್ಮ ಸಂಬಂಧ ಪುರಾತನವೂ ಆಧುನಿಕವೂ ಆಗಿದೆ. 20ನೇ ಶತಮಾನದಲ್ಲಿ ಹಲವಾರು ಭಾರತೀಯರು ಭೂತಾನ್‌ಗೆ ಶಿಕ್ಷಕರಾಗಿ ಬಂದಿದ್ದರು. ಭೂತಾನ್‌ನ ಹಳೆಯ ಪೀಳಿಗೆಯವರು ತಮ್ಮ ಶಿಕ್ಷಣದ ವೇಳೆ ಕನಿಷ್ಟ ಒಬ್ಬ ಭಾರತೀಯ ಶಿಕ್ಷಕರನ್ನು ಹೊಂದಿರುತ್ತಾರೆ ಎಂದಿದ್ದಾರೆ.

ಇದನ್ನೂ ಓದಿ:ಎರಡು ದಿನದ ಪ್ರವಾಸ: ಭೂತಾನ್‌ಗೆ ಬಂದಿಳಿದ ಪ್ರಧಾನಿ ಮೋದಿ