ಕಾರ್ಟೂನಿಸ್ಟ್‌ಗಳಿಗೆ ಸರಕು ಸೃಷ್ಟಿಸುತ್ತಿರುವ ಪಾಕ್‌ ಪ್ರಧಾನಿ: ರಾಜನಾಥ್‌ ಸಿಂಗ್‌

ಸ್ಕಾರ್ಪೀನ್ ಸರಣಿಯ 2ನೇ ಸಮರ ಜಲಾಂತರ್ಗಾಮಿ ‘ಐಎನ್‌ಎಸ್ ಖಾಂಡೇರಿ’ಯನ್ನು ಶನಿವಾರ ನೌಕಾಪಡೆಯ ಸೇವೆಗೆ ನಿಯೋಜನೆಗೊಳಿಸಿಮಡಗಾಂವ್ ಹಡಗು ಕಟ್ಟೆಯಲ್ಲಿ ಅವರು ಮಾತನಾಡಿದರು.

‘ಮುಂಬೈನಲ್ಲಿ ನಡೆಸಿದ ದಾಳಿಯಂತೆ ಭಾರತದ ಕರಾವಳಿ‍‍ಪ್ರದೇಶಗಳಲ್ಲಿ ದಾಳಿ ಮಾಡಲುಕೆಲವು ಶಕ್ತಿಗಳು ಹವಣಿಸುತ್ತಿವೆ. ಅವರ ಆಕಾಂಕ್ಷೆ ಪೂರ್ತಿಯಾಗಲು ಬಿಡುವುದಿಲ್ಲ..‘ ಎಂದು ರಾಜನಾಥ್‌ ಸಿಂಗ್ ಎಚ್ಚರಿಕೆ ಸಂದೇಶ ರವಾನಿಸಿದರು.

ಇದನ್ನೂ ಓದಿ:ಸ್ವದೇಶಿ ಅತ್ಯಾಧುನಿಕ ಸಮರ ನೌಕೆ ‘ಐಎನ್‌ಎಸ್‌ ನೀಲಗಿರಿ’ 28ರಂದು ನೌಕಾಪಡೆಗೆ

‘ಜಲಾಂತರ್ಗಾಮಿ ಖಾಂಡೇರಿ ನಿಯೋಜನೆಯೊಂದಿಗೆ ಭಾರತೀಯ ನೌಕಾಪಡೆ ಮತ್ತಷ್ಟು ಪ್ರಬಲಗೊಂಡಿರುವುದನ್ನು ಪಾಕಿಸ್ತಾನ ಅರಿಯಬೇಕು. ಶಸ್ತ್ರಾಸ್ತ್ರ ಪಡೆಯನ್ನು ಇನ್ನಷ್ಟು ಸಮರ್ಥಗೊಳಿಸಲು ಸರ್ಕಾರ ಬದ್ಧವಾಗಿದೆ‘ ಎಂದು ಹೇಳಿದರು.

ಕರಾವಳಿ ಭಾಗದಲ್ಲಿ ಶಾಂತಿ ಕದಡಲು ಪ್ರಯತ್ನಿಸುವವರ ವಿರುದ್ಧ ನೌಕಾಪಡೆ ಕಠಿಣ ಕ್ರಮಕೈಗೊಳ್ಳುತ್ತದೆ ಎಂದರು.

ಇದನ್ನೂ ಓದಿ:ಭಾರಿ ‘ಜೆಟ್ಟಿ’ ಇಂದು ನೌಕಾಪಡೆಗೆ ಸೇರ್ಪಡೆ

ವಿಶ್ವಸಂಸ್ಥೆ ಮಹಾಧಿವೇಶನದಲ್ಲಿ ಮಾತನಾಡಿರುವ ಇಮ್ರಾನ್‌ ಖಾನ್‌, ‘ಎರಡು ದೇಶಗಳ ನಡುವೆ ಯುದ್ಧವಾದರೆ ಏನು ಬೇಕಿದ್ದರೂ ಆಗಬಹುದು..‘ ಎಂದಿದ್ದಾರೆ. ಇಮ್ರಾನ್‌ ಖಾನ್‌ ವಿಚಾರ ಪ್ರಸ್ತಾಪಿಸಿದ ರಾಜನಾಥ್‌ ಸಿಂಗ್‌, ಪಾಕಿಸ್ತಾನ ಪ್ರಧಾನಿ ಜಗತ್ತಿನ ಬೇರೆ ಬೇರೆ ವೇದಿಕೆಗಳಲ್ಲಿ ವಿಶ್ವ ನಾಯಕರ ಗಮನ ಸೆಳೆಯಲು ನಡೆಸುತ್ತಿರುವ ಪ್ರಯತ್ನವನ್ನು ಮೂದಲಿಸಿದ್ದಾರೆ. ಅವರ ಪ್ರಯತ್ನವು ವ್ಯಂಗ್ಯಚಿತ್ರಕಾರರಿಗೆ ಒಳ್ಳೆಯ ಸರಕನ್ನು ಸೃಷ್ಟಿಸುತ್ತಿದೆ ಎಂದು ವಿಶ್ಲೇಷಿಸಿದರು.

ಇದನ್ನೂ ಓದಿ:ಕರ್ಫ್ಯೂ ತೆಗೆದರೆ ರಕ್ತದೋಕುಳಿ: ಇಮ್ರಾನ್‌ ಎಚ್ಚರಿಕೆ