<p><strong>ಶ್ರೀನಗರ:</strong> ಇತ್ತೀಚೆಗಷ್ಟೇ ಉಗ್ರರ ತಂಡವನ್ನು ಸೇರಿಕೊಂಡಿದ್ದ ಮಧ್ಯ ಕಾಶ್ಮೀರದ ಬಡಗಾಮ್ ಮೂಲದ ವ್ಯಕ್ತಿಯ ಕುಟುಂಬವು, ಆತನ ಗರ್ಭಿಣಿ ಪತ್ನಿ ಮತ್ತು ನಾಲ್ಕು ವರ್ಷದ ಮಗನ ಸಲುವಾಗಿ ಮನೆಗೆ ಮರಳುವಂತೆ ಬುಧವಾರ ಆತನಿಗೆ ಮನವಿ ಮಾಡಿದೆ.</p>.<p>ಬಡಗಾಮ್ನಲ್ಲಿರುವ ಚಾದೂರಾದ ಹಂಜಿಗುಂಡ್ನ ತಾರಿಕ್ ಅಹ್ಮದ್ ಭಟ್ ಇತ್ತೀಚೆಗಷ್ಟೇ ಉಗ್ರರ ಗುಂಪನ್ನು ಸೇರಿಕೊಂಡಿದ್ದ. ಹೀಗಾಗಿ ಆತನ ಕುಟುಂಬವು ಶೀಘ್ರವೇ ಹಿಂತಿರುಗಿ ಬರುವಂತೆ ಆತನಿಗೆ ಮನವಿ ಮಾಡಿದೆ. ವಿಡಿಯೊದಲ್ಲಿ, ವೃತ್ತಿಯಲ್ಲಿ ಆಟೋಚಾಲಕನಾಗಿದ್ದ ತಮ್ಮ ಮಗನನ್ನು ಮನೆಗೆ ಕಳುಹಿಸುವಂತೆ ಉಗ್ರರನ್ನು ಬೇಡಿಕೊಂಡಿದೆ.</p>.<p>ತಮ್ಮ ಮಗ ಕಾಣೆಯಾಗಿರುವ ಬಗ್ಗೆ ಸೆಪ್ಟೆಂಬರ್ 20 ರಂದು ಚಡೂರಾ ಎಂಬ ಪೊಲೀಸ್ ಠಾಣೆಯಲ್ಲಿ ದೂರನ್ನು ದಾಖಲಿಸಿರುವುದಾಗಿ ಕುಟುಂಬ ಸದಸ್ಯರು ತಿಳಿಸಿದ್ದಾರೆ.</p>.<p>'ನಾವು ಆಘಾತಕ್ಕೊಳಗಾಗಿದ್ದೇವೆ ಏಕೆಂದರೆ, ತಾರಿಕ್ ಉಗ್ರಗಾಮಿತ್ವದತ್ತ ಒಲವು ತೋರುತ್ತಾನೆ ಎಂದು ನಾವೆಂದಿಗೂ ಭಾವಿಸಿರಲಿಲ್ಲ. ಆದರೆ ಆತನ 4 ವರ್ಷದ ಮಗ, ಗರ್ಭಿಣಿ ಹೆಂಡತಿ ಮತ್ತು ವಯಸ್ಸಾದ ಪೋಷಕರಿಗೆ ಮತ್ತೆ ಮನೆಗೆ ಮರಳಲು ನಾವು ವಿನಂತಿಸುತ್ತೇವೆ' ಎಂದು ಕುಟುಂಬ ಸದಸ್ಯರು ಸುದ್ದಿಗಾರರಿಗೆ ತಿಳಿಸಿದ್ದಾರೆ.</p>.<p>ಕುಟುಂಬ ಮೂಲಗಳ ಪ್ರಕಾರ, 'ತಾರಿಕ್ ಶುಕ್ರವಾರ (ಸೆ.18) ನಾಪತ್ತೆಯಾಗಿದ್ದಾನೆ ಮತ್ತು ಆತನನ್ನು ಎಲ್ಲೆಡೆ ಹುಡುಕಿದರೂ ಪತ್ತೆಯಾಗಲಿಲ್ಲ. ಆದರೆ ಭಾನುವಾರ ಸಂಜೆ, ನಮ್ಮ ಮಗ ಉಗ್ರರ ತಂಡವನ್ನು ಸೇರಿಕೊಂಡಿರುವುದಾಗಿ ಘೋಷಿಸಿದ ಆಡಿಯೊವನ್ನು ಕೇಳಿದೆವು' ಎನ್ನುತ್ತಾರೆ.</p>.<p>ಆತ ಎಲ್ಲಿದ್ದರೂ ಮನೆಗೆ ಹಿಂತಿರುಗಬೇಕು ಎಂದು ಆತನ ಹೆಂಡತಿ ಮನವಿ ಮಾಡಿದ್ದಾರೆ. 'ನಿಮ್ಮ ಮಗನನ್ನು ಬಿಡಬೇಡಿ. ನನ್ನ ಗರ್ಭದಲ್ಲಿಯೂ ಒಂದು ಮಗು ಇದೆ, ಅದನ್ನು ನೋಡಿಕೊಳ್ಳುವವರು ಯಾರು. ನೀವು ಹಿಂತಿರುಗದಿದ್ದರೆ, ನಾವು ಸಾಯುತ್ತೇವೆ' ಎಂದು ಭಾವನಾತ್ಮಕವಾಗಿ ಮನವಿ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶ್ರೀನಗರ:</strong> ಇತ್ತೀಚೆಗಷ್ಟೇ ಉಗ್ರರ ತಂಡವನ್ನು ಸೇರಿಕೊಂಡಿದ್ದ ಮಧ್ಯ ಕಾಶ್ಮೀರದ ಬಡಗಾಮ್ ಮೂಲದ ವ್ಯಕ್ತಿಯ ಕುಟುಂಬವು, ಆತನ ಗರ್ಭಿಣಿ ಪತ್ನಿ ಮತ್ತು ನಾಲ್ಕು ವರ್ಷದ ಮಗನ ಸಲುವಾಗಿ ಮನೆಗೆ ಮರಳುವಂತೆ ಬುಧವಾರ ಆತನಿಗೆ ಮನವಿ ಮಾಡಿದೆ.</p>.<p>ಬಡಗಾಮ್ನಲ್ಲಿರುವ ಚಾದೂರಾದ ಹಂಜಿಗುಂಡ್ನ ತಾರಿಕ್ ಅಹ್ಮದ್ ಭಟ್ ಇತ್ತೀಚೆಗಷ್ಟೇ ಉಗ್ರರ ಗುಂಪನ್ನು ಸೇರಿಕೊಂಡಿದ್ದ. ಹೀಗಾಗಿ ಆತನ ಕುಟುಂಬವು ಶೀಘ್ರವೇ ಹಿಂತಿರುಗಿ ಬರುವಂತೆ ಆತನಿಗೆ ಮನವಿ ಮಾಡಿದೆ. ವಿಡಿಯೊದಲ್ಲಿ, ವೃತ್ತಿಯಲ್ಲಿ ಆಟೋಚಾಲಕನಾಗಿದ್ದ ತಮ್ಮ ಮಗನನ್ನು ಮನೆಗೆ ಕಳುಹಿಸುವಂತೆ ಉಗ್ರರನ್ನು ಬೇಡಿಕೊಂಡಿದೆ.</p>.<p>ತಮ್ಮ ಮಗ ಕಾಣೆಯಾಗಿರುವ ಬಗ್ಗೆ ಸೆಪ್ಟೆಂಬರ್ 20 ರಂದು ಚಡೂರಾ ಎಂಬ ಪೊಲೀಸ್ ಠಾಣೆಯಲ್ಲಿ ದೂರನ್ನು ದಾಖಲಿಸಿರುವುದಾಗಿ ಕುಟುಂಬ ಸದಸ್ಯರು ತಿಳಿಸಿದ್ದಾರೆ.</p>.<p>'ನಾವು ಆಘಾತಕ್ಕೊಳಗಾಗಿದ್ದೇವೆ ಏಕೆಂದರೆ, ತಾರಿಕ್ ಉಗ್ರಗಾಮಿತ್ವದತ್ತ ಒಲವು ತೋರುತ್ತಾನೆ ಎಂದು ನಾವೆಂದಿಗೂ ಭಾವಿಸಿರಲಿಲ್ಲ. ಆದರೆ ಆತನ 4 ವರ್ಷದ ಮಗ, ಗರ್ಭಿಣಿ ಹೆಂಡತಿ ಮತ್ತು ವಯಸ್ಸಾದ ಪೋಷಕರಿಗೆ ಮತ್ತೆ ಮನೆಗೆ ಮರಳಲು ನಾವು ವಿನಂತಿಸುತ್ತೇವೆ' ಎಂದು ಕುಟುಂಬ ಸದಸ್ಯರು ಸುದ್ದಿಗಾರರಿಗೆ ತಿಳಿಸಿದ್ದಾರೆ.</p>.<p>ಕುಟುಂಬ ಮೂಲಗಳ ಪ್ರಕಾರ, 'ತಾರಿಕ್ ಶುಕ್ರವಾರ (ಸೆ.18) ನಾಪತ್ತೆಯಾಗಿದ್ದಾನೆ ಮತ್ತು ಆತನನ್ನು ಎಲ್ಲೆಡೆ ಹುಡುಕಿದರೂ ಪತ್ತೆಯಾಗಲಿಲ್ಲ. ಆದರೆ ಭಾನುವಾರ ಸಂಜೆ, ನಮ್ಮ ಮಗ ಉಗ್ರರ ತಂಡವನ್ನು ಸೇರಿಕೊಂಡಿರುವುದಾಗಿ ಘೋಷಿಸಿದ ಆಡಿಯೊವನ್ನು ಕೇಳಿದೆವು' ಎನ್ನುತ್ತಾರೆ.</p>.<p>ಆತ ಎಲ್ಲಿದ್ದರೂ ಮನೆಗೆ ಹಿಂತಿರುಗಬೇಕು ಎಂದು ಆತನ ಹೆಂಡತಿ ಮನವಿ ಮಾಡಿದ್ದಾರೆ. 'ನಿಮ್ಮ ಮಗನನ್ನು ಬಿಡಬೇಡಿ. ನನ್ನ ಗರ್ಭದಲ್ಲಿಯೂ ಒಂದು ಮಗು ಇದೆ, ಅದನ್ನು ನೋಡಿಕೊಳ್ಳುವವರು ಯಾರು. ನೀವು ಹಿಂತಿರುಗದಿದ್ದರೆ, ನಾವು ಸಾಯುತ್ತೇವೆ' ಎಂದು ಭಾವನಾತ್ಮಕವಾಗಿ ಮನವಿ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
