ಬೆಂಗಳೂರು: ದಕ್ಷಿಣ ಕೊರಿಯಾದ ಮಹಿಳಾ ಯೂಟ್ಯೂಬರ್ ಇತ್ತೀಚೆಗೆ ಮಹಾರಾಷ್ಟ್ರದಲ್ಲಿ ಯುವಕರಿಂದ ಶೋಷಣೆಗೆ ಒಳಗಾಗಿದ್ದರು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪುಣೆಯ ಪಿಂಪ್ರಿ–ಚಿಂಚ್ವಾಡ ಪೊಲೀಸರು ಯುವಕನನ್ನು ಬಂಧಿಸಿದ್ದಾರೆ.
ಈ ಕುರಿತು ಎನ್ಡಿಟಿವಿ ವೆಬ್ಸೈಟ್ ವರದಿ ಮಾಡಿದೆ.
ಕೆಲ್ಲಿ ಎನ್ನುವ ಕೊರಿಯನ್ ಯೂಟ್ಯೂಬರ್ ದೀಪಾವಳಿ ಸಂದರ್ಭದಲ್ಲಿ ಮುಂಬೈ ಹಾಗೂ ಪುಣೆಗೆ ತೆರಳಿ ಅಲ್ಲಿನ ಸ್ಥಳೀಯ ಜನಜೀವನದ ಬಗ್ಗೆ ವಿಡಿಯೊ ಮಾಡುತ್ತಿದ್ದರು. ಪಿಂಪ್ರಿ–ಚಿಂಚ್ವಾಡ್ ಮಾರುಕಟ್ಟೆಯಲ್ಲಿ ವಿಡಿಯೊ ಮಾಡುವಾಗ ಅಂಗಡಿಯೊಂದರ ಬಳಿ ಯುವಕನೊಬ್ಬ ಕೆಲ್ಲಿ ಕೊರಳಿಗೆ ಕೈ ಹಾಕಿ ಬಿಗಿಯಾಗಿ ಹಿಡಿದುಕೊಂಡಿದ್ದಲ್ಲದೇ ತನ್ನ ಸಹವರ್ತಿಯೊಬ್ಬನಿಗೆ ‘ಹೀಗೆ ಗಟ್ಟಿಯಾಗಿ ಹಿಡಿದುಕೊಳ್ಳಬೇಕು’ ಎಂದು ಪ್ರಚೋದಿಸಿದ್ದ.