ಗ್ಯಾಂಗ್ಟಕ್: ಸಿಕ್ಕಿಂ ಮುಖ್ಯಮಂತ್ರಿ ಪ್ರೇಮ್ ಸಿಂಗ್ ತಮಂಗ್ ಹಾಗೂ ಅವರ ಸಂಪುಟ ಸಹೋದ್ಯೋಗಿಗಳು ಗ್ಯಾಂಗ್ಟಕ್ ಸ್ಮಾರ್ಟ್ ಸಿಟಿ ಅಭಿವೃದ್ಧಿ ಲಿ. ಭಾನುವಾರ ಆಯೋಜಿಸಿದ 2 ಕಿ.ಮೀ. ‘ಫನ್ ರನ್’ ಓಟದಲ್ಲಿ ಭಾಗವಹಿಸಿದರು.
ಗ್ಯಾಂಗ್ಟಕ್‌ನಲ್ಲಿ ನಿರ್ಮಿಸಲಾದ ಬಹುಹಂತದ ಪಾರ್ಕಿಂಗ್ ಸಮುಚ್ಚಯದ ಉದ್ಘಾಟನಾ ಸಮಾರಂಭದ ಭಾಗವಾಗಿ ಆಯೋಜಿಸಲಾದ ‘ವೆಸ್ಟ್ ಪಾಯಿಂಟ್ ಸಾರಥಿ’ ಓಟದಲ್ಲಿ ರೂಪದರ್ಶಿ ಮಿಲಿಂದ್ ಸೋಮನ್ ಸೇರಿದಂತೆ ಸುಮಾರು 1,800 ಮಂದಿ ಭಾಗವಹಿಸಿದ್ದರು.
ಈ ಕುರಿತು ಪ್ರತಿಕ್ರಿಯಿಸಿದ ಮುಖ್ಯಮಂತ್ರಿ ತಮಂಗ್, ‘ಗ್ಯಾಂಗ್ಟಕ್‌ನಲ್ಲಿ ಆಯೋಜಿಸಲಾಗಿರುವ ಸಿಕ್ಕಿಂ ಸಾರಥಿ ರನ್‌ನಲ್ಲಿ ಭಾಗಿಯಾಗಿರುವುದು ನಿಜಕ್ಕೂ ಸಂತೋಷ ತಂದಿದೆ. ಎಲ್ಲ ವಯೋಮಾನದ ಜನರು ಈ ಓಟದಲ್ಲಿ ಭಾಗವಹಿಸಿದ್ದಾರೆ. ಭಾಗವಹಿಸಿದವರೆಲ್ಲರಿಗೆ ಮತ್ತು ಗೆದ್ದವರಿಗೆ ಅಭಿನಂದನೆ ಸಲ್ಲಿಸುತ್ತೇನೆ’ ಎಂದರು.
