<p><strong>ನವದೆಹಲಿ</strong>: ಕೋವಿಡ್–19 ನಿಯಂತ್ರಿಸಲು ಉಪಯೋಗವಾಗುವ ಎಲ್ಲ ಔಷಧಗಳನ್ನು ಅಮೆರಿಕ ಸಂಗ್ರಹಿಸಿಟ್ಟುಕೊಂಡಿದೆ. ಹೀಗಾಗಿ, ಕೇಂದ್ರ ಸರ್ಕಾರ ಜೆನೆರಿಕ್ ’ರೆಮ್ಡೆಸಿವಿರ್’ ತಯಾರಿಸಲು ಭಾರತೀಯ ಫಾರ್ಮಾ ಕಂಪನಿಗಳಿಗೆ ಲೈಸನ್ಸ್ ನೀಡಬೇಕು ಎಂದು ಸಿಪಿಐ(ಎಂ) ಒತ್ತಾಯಿಸಿದೆ.</p>.<p>ಕೋವಿಡ್–19 ರೋಗಿಗಳಿಗೆ ಚಿಕಿತ್ಸೆ ನೀಡುವಲ್ಲಿ ‘ಗಿಲೆಯಾಡ್ ಸೈನ್ಸಸ್’ನ ’ರೆಮ್ಡೆಸಿವಿರ್’ ಪರಿಣಾಮಕಾರಿಯಾಗಿದೆ. ಆದರೆ, ಅಮೆರಿಕ ಮುಂದಿನ ಮೂರು ತಿಂಗಳವರೆಗೆ ಸಾಕಾಗುವಷ್ಟು ಗಿಲೆಯಾಡ್ ಸೈನ್ಸಸ್ನಿಂದ ಔಷಧವನ್ನು ಸಂಗ್ರಹಿಸಿಟ್ಟುಕೊಂಡಿದೆ.ಇದರಿಂದ, ಉಳಿದ ಯಾವುದೇ ದೇಶದಲ್ಲಿ ’ರೆಮ್ಡೆಸಿವಿರ್’ ಲಭ್ಯವಾಗುತ್ತಿಲ್ಲ ಎನ್ನುವುದನ್ನು ಮಾಧ್ಯಮಗಳು ವರದಿ ಮಾಡಿವೆ ಎಂದು ಅದು ತಿಳಿಸಿದೆ.</p>.<p>ಅಮೆರಿಕದಲ್ಲಿ ಐದು ದಿನಗಳ ಅವಧಿಯ ‘ರೆಮ್ಡೆಸಿವಿರ್’ ಚಿಕಿತ್ಸೆಗೆ 3000 ಡಾಲರ್ (₹2.25 ಲಕ್ಷ) ಪಡೆಯಲಾಗುತ್ತಿದೆ. ಗಿಲಿಯಾಡ್ ಸೈನ್ಸಸ್ನ ಲೈಸನ್ಸ್ ಅಡಿಯಲ್ಲೇ ಔಷಧವನ್ನು ತಯಾರಿಸಲು ಭಾರತದ ಐದು ಕಂಪನಿಗಳು ಮಾತುಕತೆಯಲ್ಲಿ ತೊಡಗಿವೆ. ಭಾರತದಲ್ಲಿ ಈ ಔಷಧವನ್ನು ತಯಾರಿಸಿದರೆ ರಿಯಾಯಿತಿ ದರದಲ್ಲಿ ದೊರೆಯಲಿದೆ. ಐದು ದಿನಗಳ ಚಿಕಿತ್ಸೆಗೆ 400 ಡಾಲರ್ ಅಥವಾ ₹30,000ರಿಂದ 35,000ವರೆಗೆ ಲಭ್ಯವಾಗಲಿದೆ ಎಂದು ಸಿಪಿಐ(ಎಂ) ಪ್ರತಿಪಾದಿಸಿದೆ.</p>.<p>‘ರೆಮ್ಡೆಸಿವಿರ್’ ತಯಾರಿಸಲು ತಗಲುವ ವೆಚ್ಚವೂ ಕಡಿಮೆ ಇದೆ. ಆದರೆ, ಈ ಔಷಧ ತಯಾರಿಸಲು ‘ಗಿಲಿಯಾಡ್ ಸೈನ್ಸಸ್’ ಏಕಸ್ವಾಮ್ಯ ಪೆಟೆಂಟ್ ಹೊಂದಿರುವುದರಿಂದ ಇಡೀ ಜಗತ್ತಿನ ಮೇಲೆ ಸವಾರಿ ಮಾಡಲು ಹೊರಟಿದೆ. ವೆಚ್ಚಕ್ಕಿಂತ ನೂರು ಪಟ್ಟು ಹೆಚ್ಚು ಬೆಲೆಯನ್ನು ನಿಗದಿಪಡಿಸಿ ವಸೂಲಿಯಲ್ಲಿ ತೊಡಗಿದೆ ಎಂದು ಆರೋಪಿಸಿದೆ.</p>.<p>ಭಾರತದ ರೋಗಿಗಳಿಗೆ ಈ ಔಷಧ ಸಕಾಲಕ್ಕೆ ಲಭ್ಯವಾಗುತ್ತಿಲ್ಲ. ಒಂದು ವೇಳೆ ದೊರೆತರೂ ದುಬಾರಿ ಬೆಲೆ ತೆರಬೇಕಾಗುತ್ತದೆ. ಅಮೆರಿಕ ಸರ್ಕಾರ ಗಿಲಿಯಾಡ್ ಸೈನ್ಸಸ್ನಿಂದ ಈಗಾಗಲೇ ಎಲ್ಲ ಔಷಧವನ್ನು ಖರೀದಿಸಿದೆ. ಹೀಗಾಗಿ, ಪೆಟೆಂಟ್ ಕಾಯ್ದೆ ಅಡಿಯಲ್ಲಿ ಭಾರತೀಯ ಫಾರ್ಮಾ ಕಂಪನಿಗಳಿಗೂ ಈ ಔಷಧವನ್ನು ತಯಾರಿಸಲು ಅವಕಾಶ ನೀಡಬೇಕು. ಅನುಮತಿ ನೀಡುವ ಹಕ್ಕು ಭಾರತಕ್ಕೆ ಇದೆ. ಇದರಿಂದ, ರೋಗಿಗಳಿಗೆ ಕೈಗೆಟಕುವ ಬೆಲೆಯಲ್ಲಿ ಈ ಔಷಧ ದೊರೆಯಲಿದೆ ಎಂದು ಪ್ರತಿಪಾದಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಕೋವಿಡ್–19 ನಿಯಂತ್ರಿಸಲು ಉಪಯೋಗವಾಗುವ ಎಲ್ಲ ಔಷಧಗಳನ್ನು ಅಮೆರಿಕ ಸಂಗ್ರಹಿಸಿಟ್ಟುಕೊಂಡಿದೆ. ಹೀಗಾಗಿ, ಕೇಂದ್ರ ಸರ್ಕಾರ ಜೆನೆರಿಕ್ ’ರೆಮ್ಡೆಸಿವಿರ್’ ತಯಾರಿಸಲು ಭಾರತೀಯ ಫಾರ್ಮಾ ಕಂಪನಿಗಳಿಗೆ ಲೈಸನ್ಸ್ ನೀಡಬೇಕು ಎಂದು ಸಿಪಿಐ(ಎಂ) ಒತ್ತಾಯಿಸಿದೆ.</p>.<p>ಕೋವಿಡ್–19 ರೋಗಿಗಳಿಗೆ ಚಿಕಿತ್ಸೆ ನೀಡುವಲ್ಲಿ ‘ಗಿಲೆಯಾಡ್ ಸೈನ್ಸಸ್’ನ ’ರೆಮ್ಡೆಸಿವಿರ್’ ಪರಿಣಾಮಕಾರಿಯಾಗಿದೆ. ಆದರೆ, ಅಮೆರಿಕ ಮುಂದಿನ ಮೂರು ತಿಂಗಳವರೆಗೆ ಸಾಕಾಗುವಷ್ಟು ಗಿಲೆಯಾಡ್ ಸೈನ್ಸಸ್ನಿಂದ ಔಷಧವನ್ನು ಸಂಗ್ರಹಿಸಿಟ್ಟುಕೊಂಡಿದೆ.ಇದರಿಂದ, ಉಳಿದ ಯಾವುದೇ ದೇಶದಲ್ಲಿ ’ರೆಮ್ಡೆಸಿವಿರ್’ ಲಭ್ಯವಾಗುತ್ತಿಲ್ಲ ಎನ್ನುವುದನ್ನು ಮಾಧ್ಯಮಗಳು ವರದಿ ಮಾಡಿವೆ ಎಂದು ಅದು ತಿಳಿಸಿದೆ.</p>.<p>ಅಮೆರಿಕದಲ್ಲಿ ಐದು ದಿನಗಳ ಅವಧಿಯ ‘ರೆಮ್ಡೆಸಿವಿರ್’ ಚಿಕಿತ್ಸೆಗೆ 3000 ಡಾಲರ್ (₹2.25 ಲಕ್ಷ) ಪಡೆಯಲಾಗುತ್ತಿದೆ. ಗಿಲಿಯಾಡ್ ಸೈನ್ಸಸ್ನ ಲೈಸನ್ಸ್ ಅಡಿಯಲ್ಲೇ ಔಷಧವನ್ನು ತಯಾರಿಸಲು ಭಾರತದ ಐದು ಕಂಪನಿಗಳು ಮಾತುಕತೆಯಲ್ಲಿ ತೊಡಗಿವೆ. ಭಾರತದಲ್ಲಿ ಈ ಔಷಧವನ್ನು ತಯಾರಿಸಿದರೆ ರಿಯಾಯಿತಿ ದರದಲ್ಲಿ ದೊರೆಯಲಿದೆ. ಐದು ದಿನಗಳ ಚಿಕಿತ್ಸೆಗೆ 400 ಡಾಲರ್ ಅಥವಾ ₹30,000ರಿಂದ 35,000ವರೆಗೆ ಲಭ್ಯವಾಗಲಿದೆ ಎಂದು ಸಿಪಿಐ(ಎಂ) ಪ್ರತಿಪಾದಿಸಿದೆ.</p>.<p>‘ರೆಮ್ಡೆಸಿವಿರ್’ ತಯಾರಿಸಲು ತಗಲುವ ವೆಚ್ಚವೂ ಕಡಿಮೆ ಇದೆ. ಆದರೆ, ಈ ಔಷಧ ತಯಾರಿಸಲು ‘ಗಿಲಿಯಾಡ್ ಸೈನ್ಸಸ್’ ಏಕಸ್ವಾಮ್ಯ ಪೆಟೆಂಟ್ ಹೊಂದಿರುವುದರಿಂದ ಇಡೀ ಜಗತ್ತಿನ ಮೇಲೆ ಸವಾರಿ ಮಾಡಲು ಹೊರಟಿದೆ. ವೆಚ್ಚಕ್ಕಿಂತ ನೂರು ಪಟ್ಟು ಹೆಚ್ಚು ಬೆಲೆಯನ್ನು ನಿಗದಿಪಡಿಸಿ ವಸೂಲಿಯಲ್ಲಿ ತೊಡಗಿದೆ ಎಂದು ಆರೋಪಿಸಿದೆ.</p>.<p>ಭಾರತದ ರೋಗಿಗಳಿಗೆ ಈ ಔಷಧ ಸಕಾಲಕ್ಕೆ ಲಭ್ಯವಾಗುತ್ತಿಲ್ಲ. ಒಂದು ವೇಳೆ ದೊರೆತರೂ ದುಬಾರಿ ಬೆಲೆ ತೆರಬೇಕಾಗುತ್ತದೆ. ಅಮೆರಿಕ ಸರ್ಕಾರ ಗಿಲಿಯಾಡ್ ಸೈನ್ಸಸ್ನಿಂದ ಈಗಾಗಲೇ ಎಲ್ಲ ಔಷಧವನ್ನು ಖರೀದಿಸಿದೆ. ಹೀಗಾಗಿ, ಪೆಟೆಂಟ್ ಕಾಯ್ದೆ ಅಡಿಯಲ್ಲಿ ಭಾರತೀಯ ಫಾರ್ಮಾ ಕಂಪನಿಗಳಿಗೂ ಈ ಔಷಧವನ್ನು ತಯಾರಿಸಲು ಅವಕಾಶ ನೀಡಬೇಕು. ಅನುಮತಿ ನೀಡುವ ಹಕ್ಕು ಭಾರತಕ್ಕೆ ಇದೆ. ಇದರಿಂದ, ರೋಗಿಗಳಿಗೆ ಕೈಗೆಟಕುವ ಬೆಲೆಯಲ್ಲಿ ಈ ಔಷಧ ದೊರೆಯಲಿದೆ ಎಂದು ಪ್ರತಿಪಾದಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
