ಎಂ.ಎಫ್. ಹುಸೇನರ 'ಗಜಗಾಮಿನಿ' ಒಂದು ಸೋಲು: ನಾಸಿರುದ್ದೀನ್

ಮುಂಬೈ (ಪಿಟಿಐ): 'ದಂತಕತೆಯಾಗಿದ್ದ ಕಲಾವಿದ ದಿವಂಗತ ಎಂ.ಎಫ್. ಹುಸೇನ್ ಅವರ 'ಗಜಗಾಮಿನಿ' ಚಿತ್ರವನ್ನು ಅರ್ಥ ಮಾಡಿಕೊಳ್ಳಲು ನನಗೆ ಸಾಧ್ಯವಾಗಲಿಲ್ಲ, ಅದನ್ನು ನಿರ್ಮಿಸುತ್ತಿದ್ದಾಗ ತಬ್ಬಿಬ್ಬುಗೊಂಡ ಅನುಭವ ನನ್ನದಾಗಿತ್ತು' ಎಂದು ಗಜ ಗಾಮಿನಿ ಚಿತ್ರದ ಭಾಗವಾಗಿದ್ದ ಬಾಲಿವುಡ್ ನಟ ನಾಸಿರುದ್ದೀನ್ ಷಾ ಹೇಳಿದ್ದಾರೆ.

'ಈ ಚಿತ್ರವನ್ನು ನೋಡುವಂತೆ ನಾನು ಯಾರಿಗೂ ಶಿಫಾರಸು ಮಾಡಲಾರೆ. ಹುಸೇನ್ ಸರ್ ಅವರು ಈ ಚಿತ್ರವನ್ನು ಮಾಡಬಹುದೇ ಎಂದು ಕೇಳಲು ನನ್ನ ಮನೆಗೆ ಬಂದಿದ್ದರು. ಇಲ್ಲ ಎಂದು ನಾನು ಹೇಗೆ ಹೇಳಲಿ? ಅವರು ಏನೇ ಮಾಡಿದರೂ ಅದು ಪಾಲ್ಗೊಳ್ಳಲು ಯೋಗ್ಯವಾದಂತಹುದೇ ಏನಾದರೂ ಆಗಿರುತ್ತದೆ ಎಂದು ನಾನು ಯೋಚಿಸಿದ್ದೆ. ಆದರೆ ನನ್ನ ಎಣಿಕೆ ತಪ್ಪಾಗಿತ್ತು. ಇದು ತಮಾಷೆಯಲ್ಲ' ಎಂದು ನಾಸಿರುದ್ದೀನ್ ಹೇಳಿದರು.

'ಗಜಗಾಮಿನಿ'ಯು ಸ್ತ್ರೀತ್ವ ಅಥವಾ ಹೆಣ್ತನ ಬಗೆಗಿನ ಹುಸೇನ್ ಅವರ ಪ್ರಗಾಥವಾಗಿತ್ತು. ಮಾಧುರಿ ದೀಕ್ಷಿತ್ ಸಿನಿಮಾದಲ್ಲಿ ಮುಖ್ಯಪಾತ್ರ ವಹಿಸಿದ್ದರು. ಶಾರುಖ್ ಖಾನ್, ನಾಸಿರುದ್ದೀನ್ ಷಾ, ಶಬಾನಾ ಅಜ್ಮಿ ಮತ್ತಿತರರು ನಟಿಸಿದ್ದ ಈ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಸೋಲು ಉಂಡಿತ್ತು.

'ನನಗೆ ಚಿತ್ರವನ್ನು ಅರ್ಥ ಮಾಡಿಕೊಳ್ಳಲು ಅದರ ಚೌಕಟ್ಟನ್ನು ಅರಿಯಲು ಸಾಧ್ಯವಾಗಿರಲಿಲ್ಲ. ಅವರು (ಎಂ.ಎಫ್. ಹುಸೇನ್) ಪ್ರಬುದ್ಧರು ಎಂಬುದಷ್ಟೇ ನನ್ನ ತೀರ್ಮಾನವಾಗಿತ್ತು... ಅಗಣಿತ ಸಂಖ್ಯೆಯ ಬಿಂಬಗಳನ್ನು ಸೃಷ್ಟಿಸಲು ಅವರು ಬಯಸಿದ್ದರು. ಚೌಕಟ್ಟುಗಳೆಲ್ಲ ವರ್ಣಚಿತ್ರಗಳಂತೆ ಇದ್ದವು. ಸಿನಿಮಾವು ಸಂಪೂರ್ಣವಾಗಿ ವರ್ಣಚಿತ್ರಕ್ಕೆ ಸಂಬಂಧಿಸಿದ್ದು ಎಂದು ನಾನು ಎಣಿಸಿರಲಿಲ್ಲ. ಅದು ಸಾಹಿತ್ಯ ರಚನೆಗೆ ಸಂಬಂಧಿದ್ದಾಗಿರಲೇ ಇಲ್ಲ' ಎಂದು ನಟ ಹೇಳಿದರು.

'ಗಜ ಗಾಮಿನಿ'ಯನ್ನು ವಿವರಿಸಲು ಮತ್ತು ಇಂತಹ ಚಿತ್ರ ನಿರ್ಮಿಸಲು ಹುಸೇನ್ ಅವರಿಗೆ ಸ್ಫೂರ್ತಿ ನೀಡಿದವರು ಯಾರು' ಎಂಬುದಾಗಿ ಮಾಧುರಿ ದೀಕ್ಷಿತ್ ಅವರನ್ನು ಪ್ರಶ್ನಿಸಿದಾಗ ಅವರು ಕಿಲಕಿಲನೆ ನಕ್ಕು ಬಿಟ್ಟರಷ್ಟೆ ಎಂದು ನಾಸಿರುದ್ದೀನ್ ನುಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಂ.ಎಫ್. ಹುಸೇನರ 'ಗಜಗಾಮಿನಿ' ಒಂದು ಸೋಲು: ನಾಸಿರುದ್ದೀನ್

ಚಿನಕುರುಳಿ Cartoon: 13 ಜುಲೈ 2025

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

Test|ನಾಲ್ಕನೇ ದಿನದ ಆರಂಭದಲ್ಲಿ ಭಾರತೀಯ ವೇಗಿಗಳ ಅಬ್ಬರ: ಲಯ ಕಳೆದುಕೊಂಡ ಆಂಗ್ಲರು

WI vs AUS | ಸ್ಟಾರ್ಕ್‌ಗೆ 100ನೇ ಟೆಸ್ಟ್: 12 ವರ್ಷದ ಬಳಿಕ ಲಯನ್ ಕೈಬಿಟ್ಟ ಆಸಿಸ್

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ