<p><strong>ಬೆಳಗಾವಿ</strong>: ಇಲ್ಲಿನ ಸಾಂಬ್ರಾ ವಿಮಾನ ನಿಲ್ದಾಣದಿಂದ ‘ಉಡಾನ್–3’ ಯೋಜನೆಯಡಿ ಮೆ. ಗೋಡಾವತ್ (ಸ್ಟಾರ್ ಏರ್) ಕಂಪನಿಯು ಬೆಳಗಾವಿ–ಇಂದೋರ್–ಬೆಳಗಾವಿ ಮಾರ್ಗದಲ್ಲಿ ವಿಮಾನ ಕಾರ್ಯಾಚರಣೆಯನ್ನು ಸೋಮವಾರ ಆರಂಭಿಸಿತು.</p>.<p>ರಿಬ್ಬನ್ ಕತ್ತರಿಸಿ ಉದ್ಘಾಟಿಸಿದ ರಾಜ್ಯಸಭಾ ಸದಸ್ಯ ಪ್ರಭಾಕರ ಕೋರೆ, ‘ಕಂಪನಿಯು ನವದೆಹಲಿ ಮೊದಲಾದ ನಗರಗಳಿಗೆ ವಿಮಾನ ಕಾರ್ಯಾಚರಣೆ ಆರಂಭಿಸಬೇಕು’ ಎಂದು ಕೋರಿದರು.</p>.<p>ವಿಮಾನನಿಲ್ದಾಣ ನಿರ್ದೇಶಕ ರಾಜೇಶ್ಕುಮಾರ್ ಮೌರ್ಯ, ‘ಇಲ್ಲಿಂದ ನಿತ್ಯವೂ 26 ಕಾರ್ಯಾಚರಣೆ (ಆಗಮನ ಮತ್ತು ನಿರ್ಗಮನ) ನಡೆಯುತ್ತಿದೆ. ಪ್ರಮುಖ 8 ನಗರಗಳಾದ ಬೆಂಗಳೂರು, ಮುಂಬೈ, ಪುಣೆ, ಅಹಮದಾಬಾದ್, ಹೈದರಾಬಾದ್, ತಿರುಪತಿ, ಮೈಸೂರು ಹಾಗೂ ಇಂದೋರ್ಗೆ ವಿಮಾನ ಸಂಪರ್ಕವಿದೆ. ಸ್ಟಾರ್ ಏರ್ ವಿಮಾನ (ಒಜಿ 121/122) ವಾರದಲ್ಲಿ 3 ದಿನಗಳು ಅಂದರೆ ಸೋಮವಾರ, ಮಂಗಳವಾರ ಹಾಗೂ ಬುಧವಾರ ಕಾರ್ಯಾಚರಣೆ ನಡೆಸುತ್ತದೆ. ಮಧ್ಯಾಹ್ನ 1.10ಕ್ಕೆ ಇಂದೋರ್ಗೆ ನಿರ್ಗಮಿಸಲಿದೆ. ಅಲ್ಲಿಂದ ಬೆಳಗಾವಿಗೆ ಸಂಜೆ 4.45ಕ್ಕೆ ಹೊರಡಲಿದೆ’ ಎಂದು ಮಾಹಿತಿ ನೀಡಿದರು.</p>.<p>‘50 ಸೀಟುಗಳ ವಿಮಾನ (ಎಂಬ್ರಾರ್ ಏರ್ಕ್ರಾಫ್ಟ್) ಇದಾಗಿದೆ. ಮೊದಲ ದಿನವಾದ ಸೋಮವಾರ ಇಲ್ಲಿಂದ ಇಂದೋರ್ಗೆ 40 ಪ್ರಯಾಣಿಕರು ಪ್ರಯಾಣಿಸಿದರು’ ಎಂದು ತಿಳಿಸಿದರು.</p>.<p>ಗೋಡಾವತ್ ಸಮೂಹದ ನಿರ್ದೇಶಕ ನಿಲೇಶ್ ಬಾಗಿ, ಮಾರುಕಟ್ಟೆ ವಿಭಾಗದ ಮುಖ್ಯಸ್ಥ ರುತುರಾಜ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಳಗಾವಿ</strong>: ಇಲ್ಲಿನ ಸಾಂಬ್ರಾ ವಿಮಾನ ನಿಲ್ದಾಣದಿಂದ ‘ಉಡಾನ್–3’ ಯೋಜನೆಯಡಿ ಮೆ. ಗೋಡಾವತ್ (ಸ್ಟಾರ್ ಏರ್) ಕಂಪನಿಯು ಬೆಳಗಾವಿ–ಇಂದೋರ್–ಬೆಳಗಾವಿ ಮಾರ್ಗದಲ್ಲಿ ವಿಮಾನ ಕಾರ್ಯಾಚರಣೆಯನ್ನು ಸೋಮವಾರ ಆರಂಭಿಸಿತು.</p>.<p>ರಿಬ್ಬನ್ ಕತ್ತರಿಸಿ ಉದ್ಘಾಟಿಸಿದ ರಾಜ್ಯಸಭಾ ಸದಸ್ಯ ಪ್ರಭಾಕರ ಕೋರೆ, ‘ಕಂಪನಿಯು ನವದೆಹಲಿ ಮೊದಲಾದ ನಗರಗಳಿಗೆ ವಿಮಾನ ಕಾರ್ಯಾಚರಣೆ ಆರಂಭಿಸಬೇಕು’ ಎಂದು ಕೋರಿದರು.</p>.<p>ವಿಮಾನನಿಲ್ದಾಣ ನಿರ್ದೇಶಕ ರಾಜೇಶ್ಕುಮಾರ್ ಮೌರ್ಯ, ‘ಇಲ್ಲಿಂದ ನಿತ್ಯವೂ 26 ಕಾರ್ಯಾಚರಣೆ (ಆಗಮನ ಮತ್ತು ನಿರ್ಗಮನ) ನಡೆಯುತ್ತಿದೆ. ಪ್ರಮುಖ 8 ನಗರಗಳಾದ ಬೆಂಗಳೂರು, ಮುಂಬೈ, ಪುಣೆ, ಅಹಮದಾಬಾದ್, ಹೈದರಾಬಾದ್, ತಿರುಪತಿ, ಮೈಸೂರು ಹಾಗೂ ಇಂದೋರ್ಗೆ ವಿಮಾನ ಸಂಪರ್ಕವಿದೆ. ಸ್ಟಾರ್ ಏರ್ ವಿಮಾನ (ಒಜಿ 121/122) ವಾರದಲ್ಲಿ 3 ದಿನಗಳು ಅಂದರೆ ಸೋಮವಾರ, ಮಂಗಳವಾರ ಹಾಗೂ ಬುಧವಾರ ಕಾರ್ಯಾಚರಣೆ ನಡೆಸುತ್ತದೆ. ಮಧ್ಯಾಹ್ನ 1.10ಕ್ಕೆ ಇಂದೋರ್ಗೆ ನಿರ್ಗಮಿಸಲಿದೆ. ಅಲ್ಲಿಂದ ಬೆಳಗಾವಿಗೆ ಸಂಜೆ 4.45ಕ್ಕೆ ಹೊರಡಲಿದೆ’ ಎಂದು ಮಾಹಿತಿ ನೀಡಿದರು.</p>.<p>‘50 ಸೀಟುಗಳ ವಿಮಾನ (ಎಂಬ್ರಾರ್ ಏರ್ಕ್ರಾಫ್ಟ್) ಇದಾಗಿದೆ. ಮೊದಲ ದಿನವಾದ ಸೋಮವಾರ ಇಲ್ಲಿಂದ ಇಂದೋರ್ಗೆ 40 ಪ್ರಯಾಣಿಕರು ಪ್ರಯಾಣಿಸಿದರು’ ಎಂದು ತಿಳಿಸಿದರು.</p>.<p>ಗೋಡಾವತ್ ಸಮೂಹದ ನಿರ್ದೇಶಕ ನಿಲೇಶ್ ಬಾಗಿ, ಮಾರುಕಟ್ಟೆ ವಿಭಾಗದ ಮುಖ್ಯಸ್ಥ ರುತುರಾಜ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>