<p><strong>ಬೆಂಗಳೂರು:</strong> ‘ವಿಷ್ಣು–ಈಶ್ವರ ಎರಡೂ ನನ್ನತ್ರನೇ ಇರೋದು’.</p>.<p>ಹೀಗೆಂದವರು ಮುಖ್ಯಮಂತ್ರಿ ಸಿದ್ದರಾಮಯ್ಯ. ಭೋಜನ ವಿರಾಮದ ನಂತರ ವಿಧಾನಸಭೆ ಕಲಾಪ ಆರಂಭವಾದಾಗ ಯಾವುದೇ ಸಚಿವರು ಹಾಜರಿರದ ಬಗ್ಗೆ ಬಿಜೆಪಿ ಶಾಸಕರು ಆಕ್ಷೇಪ ವ್ಯಕ್ತಪಡಿಸಿದರು. ಇದು ತಿಳಿ ಹಾಸ್ಯ ಮತ್ತು ಸ್ವಾರಸ್ಯಕರ ಚರ್ಚೆಗೆ ಕಾರಣವಾಯಿತು.</p>.<p>ಬಿಜೆಪಿ ಶಾಸಕರ ಆಕ್ಷೇಪ ಆರಂಭವಾಗುತ್ತಿದ್ದಂತೆ ಗೃಹ ಸಚಿವ ಜಿ.ಪರಮೇಶ್ವರ ಸದನದೊಳಗೆ ಬಂದರು. ಆಗ ಸಭಾಧ್ಯಕ್ಷರ ಪೀಠದಲ್ಲಿದ್ದ ಉಪಸಭಾಧ್ಯಕ್ಷ ರುದ್ರಪ್ಪ ಲಮಾಣಿ, ‘ಪರಮೇಶ್ವರ ಬಂದ್ರು ಚಾಲೂ ಮಾಡ್ರಿ’ ಎಂದು ಹೇಳಿದರು.</p>.<p>ಆದರೂ ಬಿಜೆಪಿ ಶಾಸಕರ ಗೊಣಗಾಟ ನಿಲ್ಲಲಿಲ್ಲ. ಆಗ ಪರಮೇಶ್ವರ ಅವರು, ‘ವಿರೋಧ ಪಕ್ಷದ ನಾಯಕರು ಬೆಳಿಗ್ಗೆಯಿಂದಲೂ ಚೆನ್ನಾಗಿ ಮಾತನಾಡುತ್ತಿದ್ದಾರೆ. ಮುಂದುವರೆಸಲಿ’ ಎಂದರು.</p>.<p>ಅವರಿಗೆ ಜತೆಯಾದ ಕಂದಾಯ ಸಚಿವ ಕೃಷ್ಣ ಬೈರೇಗೌಡ, ‘ಇಲ್ಲಿ ಪರಮ ಈಶ್ವರನೇ ಇರುವಾಗ ಇನ್ನು ಬೇರೆ ಯಾರು ಬೇಕು ಹೇಳಿ’ ಎಂದರು.</p>.<p>‘ಕೃಷ್ಣನೂ ಇದ್ದಾರಲ್ಲ’ ಎಂದು ಬಿಜೆಪಿಯ ಎಸ್.ಸುರೇಶ್ಕುಮಾರ್ ಸೇರಿಸಿದರು. ‘ಹೆಸರಿಗಷ್ಟೇ ಕೃಷ್ಣ’ ಎಂದರು ಕೃಷ್ಣ ಬೈರೇಗೌಡ.</p>.<p>‘ಈಶ್ವರ, ಕೃಷ್ಣ, ರಾಮ ಮೂರೂ ಜನ ಇದ್ದಾರೆ. ಇನ್ನು ನಿಲ್ಸಂಗಿಲ್ಲ’ ಎಂದು ಅಶೋಕ ಹೇಳಿದಾಗ, ‘ಮತ್ಯಾಕೆ ಶುರು ಮಾಡಿ’ ಎಂದು ಕೃಷ್ಣ ಬೈರೇಗೌಡ ಉತ್ತೇಜಿಸಿದರು.</p>.<p>ಆಗ ಸಿದ್ದರಾಮಯ್ಯ ಅವರು, ‘ವಿಷ್ಣು–ಈಶ್ವರ ಎರಡೂ ನನ್ನತ್ರನೇ ಇರೋದು’ ಎಂದರು.</p>.<p>‘ರಾಮ ಅಂದ್ರೆ ಗೊತ್ತು ಸಿದ್ದ ಅಂದ್ರೆ ಯಾರು’ ಎಂದು ಅಶೋಕ ನಗುತ್ತಲೇ ಪ್ರಶ್ನಿಸಿದರು. ‘ಸಿದ್ದ ಅಂದ್ರೆ ಈಶ್ವರ, ರಾಮ ಅಂದ್ರೆ ವಿಷ್ಣು’ ಎಂದು ಸಿದ್ದರಾಮಯ್ಯ ಬಿಡಿಸಿ ಹೇಳಿದರು.</p>.<p>‘ಪರಮೇಶ್ವರ ಅಂದ್ರೆ’ ಎಂದು ಅರವಿಂದ ಬೆಲ್ಲದ ಪ್ರಶ್ನಿಸಿದಾಗ, ‘ಪರಮೇಶ್ವರ ಅಂದ್ರೆ ಸವರ್ಣದೀರ್ಘ ಸಂಧಿ’ ಎಂದು ಸಿದ್ದರಾಮಯ್ಯ ವಿವರಿಸಿದರು. </p>.<p>‘ಇದನ್ನು ಅರ್ಥ ಮಾಡಿಕೊಳ್ಳೊರು ಇಲ್ಲಿ ಎಷ್ಟು ಜನ ಇದ್ದಾರೆ’ ಎಂದು ಕೃಷ್ಣ ಬೈರೇಗೌಡ ಪ್ರಶ್ನಿಸಿದರು.</p>.<p>‘ನಮಗೆ ಸಂಧಿ–ಸಮಾಸ ಸಹವಾಸವೇ ಬೇಡ’ ಎಂದು ಅಶೋಕ ಹೇಳಿದಾಗ ಎಲ್ಲರೂ ಗೊಳ್ಳೆಂದು ನಕ್ಕರು.</p>.<p>ಆಗ ವಿಷಯವನ್ನು ಬೇರೆಡೆ ಸೆಳೆದ ಬಿಜೆಪಿಯ ಸತೀಶ್ ರೆಡ್ಡಿ, ‘ರಾಜಣ್ಣ ರಾಜೀನಾಮೆಯಿಂದ ಮುಖ್ಯಮಂತ್ರಿ ಬೇಸರ ಗೊಂಡಿದ್ದಾರೆ’ ಎಂದು ಹೇಳಿದರು.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ ಸಿದ್ದರಾಮಯ್ಯ, ‘ನನಗೆ ಯಾವಾಗಲೂ ಬೇಸರ ಆಗೋದಿಲ್ಲ. ನಾನು ಚೆನ್ನಾಗಿದ್ದೇನೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ವಿಷ್ಣು–ಈಶ್ವರ ಎರಡೂ ನನ್ನತ್ರನೇ ಇರೋದು’.</p>.<p>ಹೀಗೆಂದವರು ಮುಖ್ಯಮಂತ್ರಿ ಸಿದ್ದರಾಮಯ್ಯ. ಭೋಜನ ವಿರಾಮದ ನಂತರ ವಿಧಾನಸಭೆ ಕಲಾಪ ಆರಂಭವಾದಾಗ ಯಾವುದೇ ಸಚಿವರು ಹಾಜರಿರದ ಬಗ್ಗೆ ಬಿಜೆಪಿ ಶಾಸಕರು ಆಕ್ಷೇಪ ವ್ಯಕ್ತಪಡಿಸಿದರು. ಇದು ತಿಳಿ ಹಾಸ್ಯ ಮತ್ತು ಸ್ವಾರಸ್ಯಕರ ಚರ್ಚೆಗೆ ಕಾರಣವಾಯಿತು.</p>.<p>ಬಿಜೆಪಿ ಶಾಸಕರ ಆಕ್ಷೇಪ ಆರಂಭವಾಗುತ್ತಿದ್ದಂತೆ ಗೃಹ ಸಚಿವ ಜಿ.ಪರಮೇಶ್ವರ ಸದನದೊಳಗೆ ಬಂದರು. ಆಗ ಸಭಾಧ್ಯಕ್ಷರ ಪೀಠದಲ್ಲಿದ್ದ ಉಪಸಭಾಧ್ಯಕ್ಷ ರುದ್ರಪ್ಪ ಲಮಾಣಿ, ‘ಪರಮೇಶ್ವರ ಬಂದ್ರು ಚಾಲೂ ಮಾಡ್ರಿ’ ಎಂದು ಹೇಳಿದರು.</p>.<p>ಆದರೂ ಬಿಜೆಪಿ ಶಾಸಕರ ಗೊಣಗಾಟ ನಿಲ್ಲಲಿಲ್ಲ. ಆಗ ಪರಮೇಶ್ವರ ಅವರು, ‘ವಿರೋಧ ಪಕ್ಷದ ನಾಯಕರು ಬೆಳಿಗ್ಗೆಯಿಂದಲೂ ಚೆನ್ನಾಗಿ ಮಾತನಾಡುತ್ತಿದ್ದಾರೆ. ಮುಂದುವರೆಸಲಿ’ ಎಂದರು.</p>.<p>ಅವರಿಗೆ ಜತೆಯಾದ ಕಂದಾಯ ಸಚಿವ ಕೃಷ್ಣ ಬೈರೇಗೌಡ, ‘ಇಲ್ಲಿ ಪರಮ ಈಶ್ವರನೇ ಇರುವಾಗ ಇನ್ನು ಬೇರೆ ಯಾರು ಬೇಕು ಹೇಳಿ’ ಎಂದರು.</p>.<p>‘ಕೃಷ್ಣನೂ ಇದ್ದಾರಲ್ಲ’ ಎಂದು ಬಿಜೆಪಿಯ ಎಸ್.ಸುರೇಶ್ಕುಮಾರ್ ಸೇರಿಸಿದರು. ‘ಹೆಸರಿಗಷ್ಟೇ ಕೃಷ್ಣ’ ಎಂದರು ಕೃಷ್ಣ ಬೈರೇಗೌಡ.</p>.<p>‘ಈಶ್ವರ, ಕೃಷ್ಣ, ರಾಮ ಮೂರೂ ಜನ ಇದ್ದಾರೆ. ಇನ್ನು ನಿಲ್ಸಂಗಿಲ್ಲ’ ಎಂದು ಅಶೋಕ ಹೇಳಿದಾಗ, ‘ಮತ್ಯಾಕೆ ಶುರು ಮಾಡಿ’ ಎಂದು ಕೃಷ್ಣ ಬೈರೇಗೌಡ ಉತ್ತೇಜಿಸಿದರು.</p>.<p>ಆಗ ಸಿದ್ದರಾಮಯ್ಯ ಅವರು, ‘ವಿಷ್ಣು–ಈಶ್ವರ ಎರಡೂ ನನ್ನತ್ರನೇ ಇರೋದು’ ಎಂದರು.</p>.<p>‘ರಾಮ ಅಂದ್ರೆ ಗೊತ್ತು ಸಿದ್ದ ಅಂದ್ರೆ ಯಾರು’ ಎಂದು ಅಶೋಕ ನಗುತ್ತಲೇ ಪ್ರಶ್ನಿಸಿದರು. ‘ಸಿದ್ದ ಅಂದ್ರೆ ಈಶ್ವರ, ರಾಮ ಅಂದ್ರೆ ವಿಷ್ಣು’ ಎಂದು ಸಿದ್ದರಾಮಯ್ಯ ಬಿಡಿಸಿ ಹೇಳಿದರು.</p>.<p>‘ಪರಮೇಶ್ವರ ಅಂದ್ರೆ’ ಎಂದು ಅರವಿಂದ ಬೆಲ್ಲದ ಪ್ರಶ್ನಿಸಿದಾಗ, ‘ಪರಮೇಶ್ವರ ಅಂದ್ರೆ ಸವರ್ಣದೀರ್ಘ ಸಂಧಿ’ ಎಂದು ಸಿದ್ದರಾಮಯ್ಯ ವಿವರಿಸಿದರು. </p>.<p>‘ಇದನ್ನು ಅರ್ಥ ಮಾಡಿಕೊಳ್ಳೊರು ಇಲ್ಲಿ ಎಷ್ಟು ಜನ ಇದ್ದಾರೆ’ ಎಂದು ಕೃಷ್ಣ ಬೈರೇಗೌಡ ಪ್ರಶ್ನಿಸಿದರು.</p>.<p>‘ನಮಗೆ ಸಂಧಿ–ಸಮಾಸ ಸಹವಾಸವೇ ಬೇಡ’ ಎಂದು ಅಶೋಕ ಹೇಳಿದಾಗ ಎಲ್ಲರೂ ಗೊಳ್ಳೆಂದು ನಕ್ಕರು.</p>.<p>ಆಗ ವಿಷಯವನ್ನು ಬೇರೆಡೆ ಸೆಳೆದ ಬಿಜೆಪಿಯ ಸತೀಶ್ ರೆಡ್ಡಿ, ‘ರಾಜಣ್ಣ ರಾಜೀನಾಮೆಯಿಂದ ಮುಖ್ಯಮಂತ್ರಿ ಬೇಸರ ಗೊಂಡಿದ್ದಾರೆ’ ಎಂದು ಹೇಳಿದರು.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ ಸಿದ್ದರಾಮಯ್ಯ, ‘ನನಗೆ ಯಾವಾಗಲೂ ಬೇಸರ ಆಗೋದಿಲ್ಲ. ನಾನು ಚೆನ್ನಾಗಿದ್ದೇನೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
