ಕಳೆದ 12 ವರ್ಷಗಳಲ್ಲಿ ಮದ್ಯ ಮತ್ತು ಬಿಯರ್ ಮಾರಾಟ ಆಗಿರುವ ಪ್ರಮಾಣ ಗಮನಿಸಿದರೆ ಈ ಮೂರು ತಿಂಗಳಲ್ಲಿ ಮಾರಾಟವಾಗಿರುವಷ್ಟು ಮದ್ಯಬೇರೆ ಯಾವ ತಿಂಗಳಿನಲ್ಲೂ ಆಗಿಲ್ಲ. ಇದರಿಂದ ಅಬಕಾರಿ ಇಲಾಖೆಗೆ ವರಮಾನ ನಿರೀಕ್ಷೆಗಿಂತ ಹೆಚ್ಚಿನ ವರಮಾನ ಸಂಗ್ರಹವಾಗಿದೆ. ಮಾರ್ಚ್ನಲ್ಲಿ ₹2,600 ಕೋಟಿ, ಏಪ್ರಿಲ್ನಲ್ಲಿ ₹2,402 ಕೋಟಿ, ಮೇ ತಿಂಗಳಿನಲ್ಲಿ ₹2,276 ಕೋಟಿ ಸಂಗ್ರಹವಾಗಿದೆ. ಕಳೆದ ವರ್ಷದ ಏಪ್ರಿಲ್ ಮತ್ತು ಮೇ ತಿಂಗಳ ವರಮಾನಕ್ಕೆ ಹೋಲಿಸಿದರೆ ಎರಡೇ ತಿಂಗಳಲ್ಲಿ ₹1,001 ಕೋಟಿ ಹೆಚ್ಚುವರಿ ವರಮಾನ ಸಂಗ್ರಹವಾಗಿದ್ದು, ಶೇ 27.25ರಷ್ಟು ವರಮಾನ ಹೆಚ್ಚಾಗಿದೆ ಎಂದು ಅಬಕಾರಿ ಇಲಾಖೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.