ಪಿಯುಸಿ: ಮೌಲ್ಯಮಾಪಕರ ಭತ್ಯೆ ಶೇ 20ರಷ್ಟು ಹೆಚ್ಚಳ

ಉತ್ತರಪತ್ರಿಕೆಗಳ ಮೌಲ್ಯಮಾಪನ ಮಾಡುವ ಮುಖ್ಯ ಪರೀಕ್ಷಕರಿಗೆ ಇನ್ನು ಮುಂದೆ ದಿನವೊಂದಕ್ಕೆ ₹ 1,051 (ಈಗ ₹ 876), ಉಪ ಮುಖ್ಯ ಪರೀಕ್ಷಕರಿಗೆ ₹ 979 (ಈಗ ₹ 816) ಸಂಭಾವನೆ ಸಿಗಲಿದೆ. ಸಹಾಯಕ ಮೌಲ್ಯಮಾಪಕರ ಮೂರು ಗಂಟೆ ಅವಧಿಯ ಉತ್ತರ ಪತ್ರಿಕೆಯ ಮೌಲ್ಯಮಾಪನಕ್ಕೆ ₹ 36 (ಈಗ ₹ 30), ಬೆಂಗಳೂರು ನಗರವೂ ಸೇರಿದಂತೆ ಶಿಬಿರಾಧಿಕಾರಿಗಳಿಗೆ, ಶಿಬಿರ ಮೇಲ್ವಿಚಾರಕರು ಮತ್ತು ಮೌಲ್ಯಮಾಪಕರಿಗೆ ನೀಡಲಾಗುವ ಭತ್ಯೆಯನ್ನು ₹ 979 (ಈಗ ₹ 816) ಆಗಿ ಪರಿಷ್ಕರಿಸಲಾಗಿದೆ.

ಸ್ಥಳೀಯ ಮೌಲ್ಯಮಾಪಕರಿಗೆ ದಿನ ವೊಂದಕ್ಕೆ ನೀಡಲಾಗುವ ಸ್ಥಳೀಯ ಸಾರಿಗೆ ಭತ್ಯೆಯನ್ನು ಬೆಂಗಳೂರು ನಗರದಲ್ಲಿ ₹ 288 (ಈಗ ₹ 240), ಇತರ ಸ್ಥಳಗಳಲ್ಲಿ ₹ 194 (ಪ್ರಸ್ತುತ ₹ 162) ಆಗಿ ಹೆಚ್ಚಳ ಮಾಡಲಾಗಿದೆ. ಅದೇ ರೀತಿ, ಮೌಲ್ಯಮಾಪನ ಕೇಂದ್ರಗಳ ಮೇಲ್ವಿಚಾರಕರು ಮತ್ತು ಇತರ ಸಿಬ್ಬಂದಿಯ ಸಂಭಾವನೆಯನ್ನೂ ಪರಿಷ್ಕರಿಸಲಾಗಿದೆ.

ಮೌಲ್ಯಮಾಪನ ಕಾರ್ಯದ ವೇಳಾಪಟ್ಟಿ, ಪರೀಕ್ಷೆಗೆ ಹಾಜರಾದ ವಿದ್ಯಾರ್ಥಿಗಳ ಸಂಖ್ಯೆ, ಮೌಲ್ಯಮಾಪಕರ ಸಂಖ್ಯೆ ಪರಿಗಣಿಸಿ, ಸಂಭಾವನೆ ಮತ್ತು ಭತ್ಯೆ ನೀಡುವ ಗರಿಷ್ಠ ಮಿತಿಯನ್ನು ಮೌಲ್ಯ ಮಾಪನ ಮುಗಿಯುವರೆಗೆ ಅಥವಾ ಗರಿಷ್ಠ 20 ದಿನಗಳವರೆಗೆ ನೀಡುವಂತೆ ಆದೇಶದಲ್ಲಿ ವಿವರಿಸಲಾಗಿದೆ.