ದೇವು S/O ಮುದ್ದೆಗೌಡ | ಫೇಸ್ಬುಕ್ ಪೇಜ್‌ ವಿರುದ್ಧ ಜೆಡಿಎಸ್ ದೂರು
ಬೆಂಗಳೂರು: ನಮ್ಮ ಪಕ್ಷದ ನಾಯಕರವಿರುದ್ಧ ಅವಹೇಳನಕಾರಿ ಪೋಸ್ಟ್‌ಗಳನ್ನು ಹಾಕುವ ಮೂಲಕಉಪಚುನಾವಣೆ ಸಂದರ್ಭದಲ್ಲಿ ಅಪಪ್ರಚಾರ ಮಾಡಲಾಗುತ್ತಿದೆ ಎಂದು ಆರೋಪಿಸಿ ದೇವು S/O ಮುದ್ದೆಗೌಡ ಟ್ವಿಟರ್ ಖಾತೆವಿರುದ್ಧ ಮುಖ್ಯ ಚುನಾವಣಾಧಿಕಾರಿಗಳಿಗೆ ಜೆಡಿಎಸ್ ದೂರು ನೀಡಿದೆ.
ಜೆಡಿಎಸ್ ನೀಡಿರುವ ದೂರಿನಲ್ಲಿ, ‘ಮಣ್ಣಿನ ಮಕ್ಕಳ ಕಣ್ಣೀರು ಪಕ್ಷದ ಪ್ರಣಾಳಿಕೆ, ನಿಮ್ಮ ಓಟು ನಮ್ಮ ಸೀಟು’ ಹೀಗೆ ಹಲವು ರೀತಿಯ ಪ್ರಚೋದನಕಾರಿ ಮತ್ತು ಅವಹೇಳನಕಾರಿ ಪೋಸ್ಟ್‌ಗಳನ್ನುಹಾಕಲಾಗುತ್ತಿದೆ. ರಾಷ್ಟ್ರೀಯ ಅಧ್ಯಕ್ಷರಾದ ಎಚ್‌.ಡಿ.ದೇವೇಗೌಡ ಹಾಗೂ ಎಚ್‌.ಡಿ.ಕುಮಾರಸ್ವಾಮಿ ಸೇರಿದಂತೆ ಪಕ್ಷದ ಮುಖಂಡರ ವಿರುದ್ಧ ಅವಹೇಳನಕಾರಿ ಪೋಸ್ಟ್‌ಗಳನ್ನು ಹಾಕುತ್ತಾ, ಉಪಚುನಾವಣೆಯಲ್ಲಿ ನಮ್ಮ ವಿರುದ್ಧ ಅಪಪ್ರಚಾರ ಮಾಡಲಾಗುತ್ತಿದೆ. ಇದು ಚುನಾವಣಾ ಮಾದರಿ ನೀತಿ ಸಂಹಿತೆಯ ಸ್ಪಷ್ಟ ಉಲ್ಲಂಘನೆಯಾಗಿದ್ದು, ಸೂಕ್ತ ಕ್ರಮ ಜರುಗಿಸಿ ಸಂಬಂಧಿಸಿದರಿಗೆ ನಿರ್ದೇಶನ ನೀಡಬೇಕೆಂದುಕೇಳಿಕೊಳ್ಳುತ್ತೇವೆ ಎಂದು ಉಲ್ಲೇಖಿಸಲಾಗಿದೆ.
Please Hear Me.....
— ದೇವು S/O ಮುದ್ದೆಗೌಡ. (@BlackBallBoy1) November 20, 2019
ದಂಡಿಗೆ ಹೆದರಿಲ್ಲ,ದಾಳಿಗೆ ಹೆದರಿಲ್ಲ
ದಾಸಯ್ಯ ನಿನ್ನ ಗಳಗಂಟೆಗೇ ಹೆದರ್ತಿವ.
ವಿಷ್ಯ ಸರಿಯಾಗಿ ನೊಡ್ರೋಪ್ಪ. pic.twitter.com/xh72XIZeX7
ಅಂದಹಾಗೆ ಜೆಡಿಎಸ್ ಉಲ್ಲೇಖಿಸಿರುವ ದೇವು S/O ಮುದ್ದೆಗೌಡ ಹೆಸರಿನ ಪುಟ ಸಕ್ರಿಯವಾಗಿರುವುದು ಟ್ವಿಟರ್‌ನಲ್ಲಿ,ಫೇಸ್‌ಬುಕ್‌ನಲ್ಲಿ ಅಲ್ಲ.ದೂರು ಸಂಬಂಧಆ ಪುಟದಲ್ಲಿ ಪ್ರತಿಕ್ರಿಯೆ ನೀಡಲಾಗಿದೆ. ಜೆಡಿಎಸ್ ಪಕ್ಷದವರಿಗೆ ಟ್ವಿಟರ್ ಹಾಗೂ ಫೇಸ್ಬುಕ್ ನಡುವಿನ ವ್ಯತ್ಯಾಸವೇ ಗೊತ್ತಿಲ್ಲ ಎಂದು ಹಲವರು ಕಿಚಾಯಿಸಿದ್ದಾರೆ.
ಇವ್ನ್ ಯಾರೋ... ನಮ್ಮ ಮದ್ರಸಾ ಮಂಗ್ಯಾ ಇರ್ಬೇಕು... ಟ್ವಿಟ್ಟರ್ನ.... ಫೇಸ್ಬುಕ್ಕ್ ಗೆ ಲವ್ ಜಿಹಾದ್ ಮಾಡವ್ನೆ
— ಗ್ಲೋಬಲ್ ಭಿಕಾರಿ (@bikaariabcd) November 20, 2019
"ಕಣ್ಣೀರು ಪಕ್ಷದ ವಿಶೇಷ ಪ್ರಕಟಣೆ"
— ದೇವು S/O ಮುದ್ದೆಗೌಡ. (@BlackBallBoy1) November 17, 2019
ನಾಳೆ ಬೆಳಿಗ್ಗೆ ಯಮಗಂಡಕಾಲದಲ್ಲಿ ನಮ್ಮ ಕಣ್ಣೀರು ಪಕ್ಷದ ಉಪ ಚುನಾವಣೆಯ ಪ್ರಣಾಳಿಕೆ ಬಿಡುಗಡೆಯಾಗಲಿದೆ.
ಪ್ರಣಾಳಿಕೆಯನ್ನು ಎಲ್ಲೆಡೆ ಹಂಚಿ ನಮ್ಮ ಕಣ್ಣೀರು ಪಕ್ಷವನ್ನು ಅಧಿಕಾರಕ್ಕೆ ತರಲು ಶ್ರಮಿಸಬೇಕು.#KarnatakaBypolls
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.