ಆಯೋಗದ ಜಾಲತಾಣದಲ್ಲಿ 2024ರ ಮತದಾರರ ಪಟ್ಟಿ ಕಾಣೆ

ಬೆಂಗಳೂರು : ರಾಜ್ಯ ಮುಖ್ಯ ಚುನಾವಣಾಧಿಕಾರಿಯ ಜಾಲತಾಣ ಮತ್ತು ಚುನಾವಣಾ ಆಯೋಗದ ಮತದಾರರ ಸೇವಾ ಪೋರ್ಟಲ್ನಲ್ಲಿ, ರಾಜ್ಯದ 2024ರ ಅವಧಿಯ ಮತದಾರರ ಪಟ್ಟಿಗಳೇ ಕಾಣಿಸುತ್ತಿಲ್ಲ.

. 2024ರ ಲೋಕಸಭಾ ಚುನಾವಣೆಯಲ್ಲಿ, ಮಹದೇವಪುರ ಕ್ಷೇತ್ರದಲ್ಲಿ 1 ಲಕ್ಷಕ್ಕಿಂತ ಹೆಚ್ಚು ಮತದಾರರನ್ನು ಅಕ್ರಮವಾಗಿ ಸೇರಿಸಲಾಗಿದೆ ಎಂದು ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಅವರು ಗುರುವಾರ ಆರೋಪಿಸಿದ್ದರು. ಈ ಆರೋಪದ ಬೆನ್ನಲ್ಲೇ ಚುನಾವಣಾ ಆಯೋಗವು ಮತದಾರರ ಪಟ್ಟಿಯನ್ನು ತೆಗೆದುಹಾಕಿದೆ ಎಂದೂ ಶುಕ್ರವಾರ ಆಪಾದಿಸಿದರು.

. ಇದನ್ನು ಪರಿಶೀಲಿಸುವ ಸಲುವಾಗಿ ರಾಜ್ಯ ಮುಖ್ಯ ಚುನಾವಣಾಧಿಕಾರಿಯ ಅಧಿಕೃತ ಜಾಲತಾಣದಲ್ಲಿ ಮಹದೇವಪುರ ವಿಧಾನಸಭಾ ಕ್ಷೇತ್ರದ ಮತದಾರರ ಪಟ್ಟಿಯನ್ನು ಡೌನ್ಲೋಡ್ ಮಾಡಲು ಯತ್ನಿಸಲಾಯಿತು. ಆದರೆ ಯಾವುದೇ ಕಡತಗಳು ಡೌನ್ಲೋಡ್ ಆಗಲಿಲ್ಲ.

. ಮತದಾರರ ಪಟ್ಟಿಯನ್ನು ಡೌನ್ಲೋಡ್ ಮಾಡಲು ರಾಜ್ಯ, ಜಿಲ್ಲೆ, ವಿಧಾನಸಭಾ ಕ್ಷೇತ್ರ, ಪಾರ್ಟ್ ಸಂಖ್ಯೆ, ಮತದಾರರ ಪಟ್ಟಿಯ ವರ್ಷ ಮತ್ತು ಜಾಲತಾಣದಲ್ಲಿ ಗೋಚರಿಸುವ ‘ಕ್ಯಾಪ್ಚಾ’ ಕೋಡ್ ಅನ್ನು ತುಂಬಿಸಬೇಕು. ಈ ಎಲ್ಲ ವಿವರಗಳನ್ನು ಸರಿಯಾಗಿ ತುಂಬಿದ ನಂತರವೂ ಮತದಾರರ ಪಟ್ಟಿ ಡೌನ್ಲೋಡ್ ಆಗುತ್ತಿಲ್ಲ.

. ಮಹದೇವಪುರ ಕ್ಷೇತ್ರದ ಯಾವುದೇ ಪಾರ್ಟ್ನ ಮತದಾರರ ಪಟ್ಟಿ ಡೌನ್ಲೋಡ್ಗೆ ವಿವರಗಳನ್ನು ನಮೂದಿಸಿದರೆ, ‘ವಾರ್ನಿಂಗ್ * ಸಕ್ಸಸ್’ ಎಂಬ ಸಂದೇಶ ಬಿತ್ತರವಾಗುತ್ತದೆ. ಆದರೆ ಯಾವುದೇ ಕಡತ ಡೌನ್ಲೋಡ್ ಆಗುತ್ತಿಲ್ಲ.

. ಬಿಟಿಎಂ ಬಡಾವಣೆ, ವರುಣ, ಚಾಮರಾಜ, ದಾಸರಹಳ್ಳಿ, ಗೋವಿಂದರಾಜನಗರ ಕ್ಷೇತ್ರಗಳ ವಿವರವನ್ನು ನಮೂದಿಸಿದಾಗಲೂ ಯಾವುದೇ ಕಡತ ಡೌನ್ಲೋಡ್ ಆಗುತ್ತಿಲ್ಲ. ಬದಲಿಗೆ, ‘ಇನ್ವ್ಯಾಲಿಡ್ ಕ್ಯಾಪ್ಚಾ, ಎರರ್’ ಎಂಬ ಸಂದೇಶಗಳು ಬರುತ್ತಿವೆ. ಸರಿಯಾದ ವಿವರಗಳನ್ನು ನಮೂದಿಸಿ ಹಲವು ಬಾರಿ ಯತ್ನಿಸಿದರೂ ‘ಎರರ್’ ಸಂದೇಶಗಳು ಬರುತ್ತಿವೆಯೇ ಹೊರತು, ಮತದಾರರ ಪಟ್ಟಿ ಡೌನ್ಲೋಡ್ ಆಗುತ್ತಿಲ್ಲ.

. ಆದರೆ 2025ರ ಕರಡು, ಅಂತಿಮ ಮತ್ತು ಹೆಚ್ಚುವರಿ ಮತದಾರರ ಪಟ್ಟಿಗಳು ಯಾವುದೇ ಸಮಸ್ಯೆ ಇಲ್ಲದೆ ಡೌನ್ಲೋಡ್ ಆಗುತ್ತಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆಯೋಗದ ಜಾಲತಾಣದಲ್ಲಿ 2024ರ ಮತದಾರರ ಪಟ್ಟಿ ಕಾಣೆ

ಚಿನಕುರುಳಿ Cartoon: 08 ಆಗಸ್ಟ್ 2025

ಚುರುಮುರಿ: ‘ದರ ಮಹಾಲಕ್ಷ್ಮೀ’ ವ್ರತ!

ನಮ್ಮ ಮೆಟ್ರೊ ಕಿತ್ತಳೆ ಮಾರ್ಗಕ್ಕೆ ಭೂಸ್ವಾಧೀನ: ಸಂತ್ರಸ್ತರೊಂದಿಗೆ ಸಮಾಲೋಚನೆ

ಭಾರತ–ಪಾಕ್‌ ಯುದ್ಧ ನಿಲ್ಲಿಸಿದ್ದು ನಾವೇ, ಶಾಂತಿಯ ಪಿತಾಮಹ ಟ್ರಂಪ್‌: ರುಬಿಯೊ

ಅತ್ಯಾಚಾರ ಪ್ರಕರಣ: ಆರೋಪಿ ಪಾಕ್‌ ಕ್ರಿಕೆಟಿಗ ಹೈದರ್‌ ಅಲಿ ಅಮಾನತು

ಈಜು: ಕರ್ನಾಟಕದ ಬಾಲಕಿಯರಿಗೆ ಬೆಳ್ಳಿ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್‌ ಚೆಸ್‌: ಡ್ರಾ ಪಂದ್ಯದಲ್ಲಿ ಅರ್ಜುನ್‌

ಆಲೂರಿನಲ್ಲಿ ಬೋಟ್ಸವಾನಾ ದೇಶದ ಆಟಗಾರರಿಗೆ ಕ್ರಿಕೆಟ್ ಪಾಠ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಚಿನಕುರುಳಿ Cartoon: 08 ಆಗಸ್ಟ್ 2025

ಚುರುಮುರಿ: ‘ದರ ಮಹಾಲಕ್ಷ್ಮೀ’ ವ್ರತ!

ನಮ್ಮ ಮೆಟ್ರೊ ಕಿತ್ತಳೆ ಮಾರ್ಗಕ್ಕೆ ಭೂಸ್ವಾಧೀನ: ಸಂತ್ರಸ್ತರೊಂದಿಗೆ ಸಮಾಲೋಚನೆ

ಭಾರತ–ಪಾಕ್‌ ಯುದ್ಧ ನಿಲ್ಲಿಸಿದ್ದು ನಾವೇ, ಶಾಂತಿಯ ಪಿತಾಮಹ ಟ್ರಂಪ್‌: ರುಬಿಯೊ