ಕೊಲಂಬೊ: ತಲೈಮನ್ನಾರ್‌ ಕರಾವಳಿ ಮತ್ತು ಡೆಲ್ಫ್ ದ್ವೀಪದ ಬಳಿ ದ್ವೀಪ ರಾಷ್ಟ್ರದ ಸಮುದ್ರ ಗಡಿಯ ಒಳಗೆ ಅಕ್ರಮವಾಗಿ ಮೀನುಗಾರಿಕೆ ನಡೆಸುತ್ತಿದ್ದ ಆರೋಪದಡಿ 32 ಭಾರತೀಯ ಮೀನುಗಾರರನ್ನು ಶ್ರೀಲಂಕಾ ನೌಕಾಪಡೆಯು ಬುಧವಾರ ಬಂಧಿಸಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.
‘ತಲೈಮನ್ನಾರ್‌ನಿಂದ ಭಾರತದ ಇಬ್ಬರು ಪ್ರವಾಸಿಗರು ಮತ್ತು 7 ಜನ ಮೀನುಗಾರರನ್ನು ಹಾಗೂ ಡೆಲ್ಫ್ ದ್ವೀಪದಿಂದ ಭಾರತದ ಮೂರಕ್ಕೂ ಹೆಚ್ಚು ಪ್ರವಾಸಿಗರು ಮತ್ತು 25 ಮೀನುಗಾರರನ್ನು ನೌಕಾಪಡೆ ಬಂಧಿಸಿದೆ’ ಎಂದು ತಿಳಿಸಿದೆ.
‘ಮುಂದಿನ ಕಾನೂನು ಕ್ರಮಕ್ಕಾಗಿ ಬಂಧಿತರನ್ನು ಮನ್ನಾರ್‌ ಮತ್ತು ಮೈಲಾಡಿಯ ಮೀನುಗಾರಿಕಾ ಅಧಿಕಾರಿಗಳ ವಶಕ್ಕೆ ನೀಡಲಾಗಿದೆ’ ಎಂದು ಮಾಹಿತಿ ನೀಡಿದೆ.
‘ಈ ವರ್ಷ ಇದಕ್ಕೂ ಮೊದಲು ಭಾರತದ 23 ಪ್ರವಾಸಿಗರನ್ನು ಮತ್ತು 178 ಮೀನುಗಾರರನ್ನು ಬಂಧಿಸಲಾಗಿದೆ’ ಎಂದು ಹೇಳಿಕೆ ತಿಳಿಸಿದೆ.
