ಇಸ್ಲಾಮಾಬಾದ್‌ : ಗ್ಯಾಸ್‌ ಸಿಲಿಂಡರ್ ಸ್ಫೋಟಗೊಂಡ ಪರಿಣಾಮ ಮೂರಂತಸ್ತಿನ ಹೊಟೆಲ್‌ ಕಟ್ಟಡ ಕುಸಿದು 6 ಜನ ಸಾವನ್ನಪ್ಪಿದ ಘಟನೆ ಪಂಜಾಬ್‌ ಪ್ರಾಂತ್ಯದಲ್ಲಿ ನಡೆದಿದೆ. ಅವಘಡದಲ್ಲಿ 10 ಮಂದಿಗೆ ಗಾಯಗಳಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಝೀಲಂ ಪ್ರದೇಶದ ಹೊಟೆಲ್‌ನ ಅಡುಗೆ ಮನೆಯ ಸಿಲಿಂಡರ್ ಸ್ಫೋಟಗೊಂಡ ಪರಿಣಾಮ ಅವಘಡ ಸಂಭವಿಸಿದೆ, ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಪೊಲೀಸ್‌ ಉಪ ಆಯುಕ್ತ ಸಮೀವುಲ್ಲಾ ಫಾರೂಕ್ ಅವರು ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ.
ದುರಂತಕ್ಕೆ ಪ್ರಧಾನಿ ಶಹಬಾಜ್ ಷರೀಫ್‌ ಸಂತಾಪ ಸೂಚಿಸಿದ್ದಾರೆ.
ವಾಹನಗಳಲ್ಲಿ ಬಳಸುವ ಪೈಪ್ಡ್ ಗ್ಯಾಸ್‌ ಸಿಲಿಂಡರ್‌ನ್ನು ಪ್ರಮುಖ ನಗರಗಳಲ್ಲಿ ಮಾತ್ರ ಅಡುಗೆಗೆ ಬಳಸಲಾಗುತ್ತದೆ. ಗುಣಮಟ್ಟದ ಪರಿಶೀಲನೆಯ ಕೊರತೆಯಿಂದಾಗಿ ಸ್ಫೋಟಗಳು ಆಗಾಗ ನಡೆಯುತ್ತಲೇ ಇರುತ್ತವೆ.
