ಟರ್ಕಿ, ಸಿರಿಯಾದಲ್ಲಿ ಮತ್ತೊಂದು ಭೂಕಂಪ: ಮತ್ತೆ ಸಾವು – ನೋವು

ಟರ್ಕಿಯ ದಕ್ಷಿಣದ ಪ್ರಾಂತ್ಯ ಹಟೈ ಎಂಬಲ್ಲಿ ರಾತ್ರಿ 8:04ಕ್ಕೆ ಭೂಕಂಪವಾಗಿದೆ. ಯುರೋಪಿಯನ್-ಮೆಡಿಟರೇನಿಯನ್ ಭೂಕಂಪನ ಕೇಂದ್ರವು 6.4 ತೀವ್ರತೆಯನ್ನು ಸೂಚಿಸಿದ್ದರೆ, ಅಮೆರಿಕ ಭೂವಿಜ್ಞಾನ ಸಮೀಕ್ಷಾ ಸಂಸ್ಥೆಯು 6.3ರ ಭೂಕಂಪನವಾಗಿದೆ ಎಂದು ಹೇಳಿದೆ.

ಹೊಸ ಭೂಕಂಪದ ಪರಿಣಾಮವಾಗಿ ಕನಿಷ್ಠ ಮೂವರು ಮೃತಪಟ್ಟಿದ್ದರೆ 213 ಮಂದಿ ಗಾಯಗೊಂಡಿದ್ದಾರೆ ಎಂದು ಟರ್ಕಿಯ ಆಂತರಿಕ ಸಚಿವ ಸುಲೇಮಾನ್ ಸೊಯ್ಲು ಹೇಳಿದ್ದಾರೆ. ಹಲವರು ಅವಶೇಷಗಳಲ್ಲಿ ಸಿಲುಕಿಕೊಂಡಿದ್ದಾರೆ ಎಂದು ಸ್ಥಳೀಯ ಅಧಿಕಾರಿಗಳು ಹೇಳಿದ್ದಾರೆ.

ಬಂಡುಕೋರರ ಹಿಡಿತದಲ್ಲಿರುವ ವಾಯುವ್ಯ ಸಿರಿಯಾದಲ್ಲಿ ಕನಿಷ್ಠ 150 ಮಂದಿ ಗಾಯಗೊಂಡಿದ್ದಾರೆ. ಆದರೆ ಸಾವು ಸಂಭವಿಸದ ಬಗ್ಗೆ ದೃಢವಾದ ಮಾಹಿತಿ ಲಭ್ಯವಾಗಿಲ್ಲ.

ಫೆಬ್ರುವರಿ 6ರ ಭೂಕಂಪನದಿಂದ ತೀವ್ರವಾಗಿ ಹಾನಿಗೀಡಾಗಿರುವ ಟರ್ಕಿ ಮತ್ತು ಸಿರಿಯಾದಲ್ಲಿ ಈ ವರೆಗೆ ಕನಿಷ್ಠ 46,000 ಮಂದಿ ಜೀವ ಕಳೆದುಕೊಂಡಿದ್ದಾರೆ. ಲಕ್ಷಾಂತರ ಮಂದಿ ನಿರಾಶ್ರಿತರಾಗಿದ್ದಾರೆ.

ಇವುಗಳನ್ನೂ ಓದಿ

25 ವರ್ಷಗಳ ಹಿಂದೆ ಇದೇ ದಿನ ಅಫ್ಗನ್‌ನಲ್ಲಿ ಭೂಕಂಪವಾಗಿ ಮೃತಪಟ್ಟಿದ್ದರು 4,000 ಜನ

ಟರ್ಕಿ ಭೂಕಂಪ 2.6 ಕೋಟಿ ಜನ ಅತಂತ್ರ, ನೆರವಿನ ನಿರೀಕ್ಷೆ

ಟರ್ಕಿಯಲ್ಲಿ 6 ವರ್ಷದ ಬಾಲಕಿಯನ್ನು ರಕ್ಷಿಸಿದ ಭಾರತದ ಶ್ವಾನಗಳು

ಚಾಕೊಲೇಟ್ ಇಲ್ಲದಿದ್ದರೂ ಪರವಾಗಿಲ್ಲ; ಸಂತ್ರಸ್ತರಿಗೆ ಕೂಡಿಟ್ಟ ಹಣ ನೀಡಿದ 9ರ ಬಾಲಕ

ಟರ್ಕಿ ಭೂಕಂಪ: ಜೀವದ ಹಂಗು ತೊರೆದು ನವಜಾತ ಶಿಶುಗಳನ್ನು ರಕ್ಷಿಸಿದ ಶುಶ್ರೂಷಕಿಯರು

ಸೈಪ್ರಸ್‌ ಕಡಲ ತಡಿಗೆ ಬಂದು ಬೀಳುತ್ತಿವೆ ಮೃತ ತಿಮಿಂಗಿಲಗಳು: ಭೂಕಂಪ ಪರಿಣಾಮ ಶಂಕೆ!