ವಾಷಿಂಗ್ಟನ್: ಭಾರತ ಮೂಲದ ನ್ಯಾಯಾಧೀಶ ಸಂಕೇತ್ ಜಯಶುಖ್ ಬುಲ್ಸಾರಾ ಅವರನ್ನು ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರು ನ್ಯೂಯಾರ್ಕ್ ಪೂರ್ವ ಜಿಲ್ಲೆಯ ನ್ಯಾಯಧೀಶರನ್ನಾಗಿ ನಾಮನಿರ್ದೇಶನ ಮಾಡಿದ್ದಾರೆ.
‘ಬುಲ್ಸಾರಾ ಮತ್ತು ಇತರ ನಾಲ್ವರನ್ನು ಜಿಲ್ಲಾ ನ್ಯಾಯಾಧೀಶರನ್ನಾಗಿ ಬೈಡನ್ ನಾಮನಿರ್ದೇಶನ ಮಾಡಿದ್ದಾರೆ’ ಎಂದು ಶ್ವೇತಭವನ ಗುರುವಾರ ಘೋಷಿಸಿದೆ.
ಸಂಕೇತ್ ಅವರು ಷೇರುಗಳು, ಗುತ್ತಿಗೆ, ದಿವಾಲಿ ಹಾಗೂ ನಿಯಂತ್ರಣಕ್ಕೆ ಸಂಬಂಧಪಟ್ಟ ವಿಷಯಗಲಲ್ಲಿ ಪರಿಣತಿ ಹೊಂದಿದ್ದು, ನ್ಯಾಯಾಂಗ ಇಲಾಖೆಯ ವಿವಿಧ ಹುದ್ದೆಗಳಲ್ಲಿ ಕಾರ್ಯ ನಿರ್ಹಹಿಸಿದ ಅನುಭವ ಹೊಂದಿದ್ದಾರೆ.