ಕಿನ್ಶಾರಾದಲ್ಲಿ ನಸುಕಿನ 4.30ರ ಸುಮಾರಿಗೆ ಕಾಂಗೊದ ರಾಷ್ಟ್ರೀಯ ಅಸೆಂಬ್ಲಿ ಸ್ಪೀಕರ್ ಅಭ್ಯರ್ಥಿ ವೈಟಲ್ ಕಮರ್ಹಿ ಅವರ ನಿವಾಸದ ಮೇಲೆ ಮಿಲಿಟರಿ ಸಮವಸ್ತ್ರದಲ್ಲಿದ್ದ ಬಂಡುಕೋರರು ದಾಳಿ ನಡೆಸಿದರು. ಅವರನ್ನು ಭದ್ರತಾ ಸಿಬ್ಬಂದಿ ತಡೆದಾಗ ಇಬ್ಬರು ಪೊಲೀಸರು ಸಾವಿಗೀಡಾಗಿದ್ದು, ಒಬ್ಬ ದಾಳಿಕೋರ ಹತನಾಗಿದ್ದಾನೆ. ಸದ್ಯ ಕಮರ್ಹಿ ಮತ್ತವರ ಕುಟುಂಬದವರು ಸುರಕ್ಷಿತವಾಗಿದ್ದು, ಅವರಿಗೆ ಸೇನೆ ಹೆಚ್ಚಿನ ಭದ್ರತೆ ಒದಗಿಸಿದೆ ಎಂದು ವೈಟಲ್ ಅವರ ವಕ್ತಾರ ಮೈಕೆಲ್ ಮೋಟೊ ಮುಹಿಮ ಹೇಳಿದ್ದಾರೆ.