ಗೋಮಾ (ಕಾಂಗೊ): ತಾನು ಮನೆಗೆ ಬರುವ ಮುನ್ನವೇ ಮಗನ ಅಂತ್ಯಸಂಸ್ಕಾರ ಕಾರ್ಯಕ್ರಮ ನೆರವೇರಿಸಿದ ಪತ್ನಿ ಹಾಗೂ ಕುಟುಂಬದ ಇತರ 12 ಸದಸ್ಯರನ್ನು ಸೈನಿಕನೊಬ್ಬ ಗುಂಡು ಹಾರಿಸಿ ಹತ್ಯೆ ಮಾಡಿದ ಘಟನೆ ಈಶಾನ್ಯ ಕಾಂಗೊದಲ್ಲಿ ಭಾನುವಾರ ನಡೆದಿದೆ.
ಘಟನೆಯಲ್ಲಿ ಸೈನಿಕನ ಪತ್ನಿ, ಇಬ್ಬರು ಮಕ್ಕಳು ಹಾಗೂ ಅತ್ತೆ– ಮಾವ ಸಾವಿಗೀಡಾಗಿದ್ದಾರೆ ಎಂದು ಇತುರಿ ಪ್ರಾಂತ್ಯದ ಸೇನಾ ವಕ್ತಾರ ಜ್ಯೂಲೊನೊಂಗೊ ಮಾಹಿತಿ ನೀಡಿದ್ದಾರೆ. ಗುಂಡು ಹಾರಿಸಿದ ಸೈನಿಕ ಗುರುತು ಇನ್ನೂ ಪತ್ತೆಯಾಗಿಲ್ಲ.
ತನ್ನ ಅನುಪಸ್ಥಿತಿಯಲ್ಲಿ ಅನುಮತಿ ಇಲ್ಲದೇ ಮಗನ ಅಂತ್ಯಸಂಸ್ಕಾರ ನೆರವೇರಿಸಲು ಸೈನಿಕ ಇಚ್ಛೆ ಪಟ್ಟಿರಲಿಲ್ಲ ಎನ್ನಲಾಗಿದೆ.
