299 ಅಕ್ರಮ ವಲಸಿಗರನ್ನು ಪನಾಮಗೆ ರವಾನಿಸಿದ ಅಮೆರಿಕ; ಹೋಟೆಲ್‌ನಲ್ಲಿ ಬಂದಿ

ಪನಾಮ ಸಿಟಿ: ‘ನಮಗೆ ಸಹಾಯ ಮಾಡಿ’, ‘ನಮ್ಮ ದೇಶದಲ್ಲಿ ನಮಗೆ ಸುರಕ್ಷತೆ ಇಲ್ಲ’, ‘ನಾವು ಅಫ್ಗಾನ್ ಹುಡುಗಿಯರು, ನಮಗೆ ಸಹಾಯ ಮಾಡಿ’ ಎಂಬ ಬರಹಗಳನ್ನು ಕಿಟಿಕಿ ಗಾಜುಗಳ ಮೇಲೆ ಬರೆದು, ‘ನಮಗಿಲ್ಲಿ ಸ್ವಾತಂತ್ರ್ಯವಿಲ್ಲ’ ಎಂಬಂತೆ ಸಂಜ್ಞಾ ಭಾಷೆ ಮೂಲಕ ಸಹಾಯ ಕೋರುತ್ತಿರುವ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

. ಸಹಾಯಕ್ಕಾಗಿ ಮೊರೆ ಇಡುತ್ತಿರುವವರು ಅಮೆರಿಕದಲ್ಲಿ ಅಕ್ರಮವಾಗಿ ನೆಲಸಿದ್ದ ಭಾರತ, ಇರಾನ್, ಅಫ್ಗಾನಿಸ್ತಾನ, ಚೀನಾ ಸೇರಿದಂತೆ ವಿವಿಧ ದೇಶಗಳ ನಾಗರಿಕರು. ಇಂಥ 299 ಮಂದಿಯನ್ನು ಪನಾಮ ದೇಶದ ಪನಾಮ ಸಿಟಿಯ ಹೋಟೆಲ್ವೊಂದರಲ್ಲಿ ಕಳೆದ ಶನಿವಾರದಿಂದ ಇರಿಸಲಾಗಿದೆ.

. ಅಕ್ರಮ ವಲಸಿಗರನ್ನು ದೇಶದಿಂದ ಹೊರದಬ್ಬುವ ಪ್ರಕ್ರಿಯೆಯಲ್ಲಿ ಸಹಕಾರ ನೀಡುವಂತೆ ಅಮೆರಿಕವು ಈಗ ಪನಾಮ, ಕೋಸ್ಟರಿಕಾ ಸೇರಿದಂತೆ ಮಧ್ಯ ಅಮೆರಿಕದ ಕೆಲವು ದೇಶಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಅಮೆರಿಕ ಕಳುಹಿಸುವ ಅಕ್ರಮ ವಲಸಿಗರು ಮತ್ತು ವಲಸಿಗರ ದೇಶಗಳ ನಡುವೆ ‘ಸೇತುವೆ’ಯಾಗಿ ಕೆಲಸ ಮಾಡುವುದಾಗಿ ಪನಾಮ ಹಾಗೂ ಕೋಸ್ಟರಿಕಾ ದೇಶಗಳು ಒಪ್ಪಿಕೊಂಡಿವೆ.

. ಮುಂದಿನ ವಾರದಲ್ಲಿ ಭಾರತವೂ ಸೇರಿದಂತೆ ಮಧ್ಯ ಏಷ್ಯಾ ದೇಶಗಳ ಹಲವು ನಾಗರಿಕರನ್ನು ಅಮೆರಿಕ ಸೇನಾ ವಿಮಾನಗಳ ಮೂಲಕ ಕೋಸ್ಟರಿಕಾಕ್ಕೆ ಕಳುಹಿಸಲಿದೆ. ಹೋಟೆಲ್ನಲ್ಲಿ ಸುಮಾರು 50 ಮಕ್ಕಳೂ ಇದ್ದಾರೆ ಎಂದು ವರದಿಯಾಗಿದೆ.

. ಆತ್ಮಹತ್ಯೆಗೆ ಯತ್ನ:

‘ಹೋಟೆಲ್ನಲ್ಲಿರುವ ವಲಸಿಗರೊಬ್ಬರು ಆತ್ಮಹತ್ಯೆಗೆ ಯತ್ನಿಸಿದ್ದರು. ಚೀನಾದ ಮಹಿಳೆಯೊಬ್ಬರು ಹೋಟೆಲ್ನಿಂದ ತಪ್ಪಿಸಿಕೊಂಡಿದ್ದರು. ಬಳಿಕ ಅವರನ್ನು ಪತ್ತೆ ಮಾಡಲಾಯಿತು. ವಲಸಿಗರೊಬ್ಬರು ತಪ್ಪಿಸಿಕೊಳ್ಳಲು ಹೋಗಿ ಕಾಲಿಗೆ ಪೆಟ್ಟು ಮಾಡಿಕೊಂಡಿದ್ದಾರೆ’ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.

. ಬಿಗಿ ಭದ್ರತೆ:

ಪನಾಮದ ಭದ್ರತಾ ಸಿಬ್ಬಂದಿ ಹೋಟೆಲ್ ಸುತ್ತ ಬಿಗಿ ಭದ್ರತೆ ಕೈಗೊಂಡಿದ್ದಾರೆ. ವಲಸಿಗರು ಯಾವುದೇ ಕಾರಣಕ್ಕೂ ಹೊರಗೆ ಬರದಂತೆ ತಡೆಯುತ್ತಿದ್ದಾರೆ. ವಲಸಿಗರು ನೇಮಿಸಿಕೊಂಡಿರುವ ವಕೀಲರು ಕೂಡ ಹೋಟೆಲ್ ಒಳಗೆ ಹೋಗದಂತೆ ತಡೆಯಲಾಗುತ್ತಿದೆ. ಜೊತೆಗೆ, ಪತ್ರಕರ್ತರಿಗೆ ನಿರ್ಬಂಧ ಹೇರಲಾಗಿದೆ.

. ವಾಪಸ್ ತೆರಳಲು ಒಪ್ಪದ ವಲಸಿಗರು

ಪನಾಮ ಹೋಟೆಲ್ನಲ್ಲಿ ಇರಿಸಲಾಗಿರುವ 299 ವಲಸಿಗರ ಪೈಕಿ 171 ವಲಸಿಗರು ತಮ್ಮ ತಮ್ಮ ದೇಶಗಳಿಗೆ ವಾಪಸು ತೆರಳಲು ಒಪ್ಪಿಕೊಂಡಿದ್ದಾರೆ. ಆದರೆ ಸುಮಾರು 98 ಮಂದಿ ವಾಪಸು ತೆರಳಲು ಒಪ್ಪಿಕೊಂಡಿಲ್ಲ. ಇರಾನ್ ಅಫ್ಗಾನಿಸ್ತಾನದಂಥ ದೇಶದ ವಲಸಿಗರ ಪೈಕಿ ಮಹಿಳೆಯರು ಮತ್ತು ಮಕ್ಕಳೂ ಇದ್ದಾರೆ. ಇವರು ಈಗ ಸಹಾಯಕ್ಕಾಗಿ ಅಂಗಲಾಚುತ್ತಿದ್ದಾರೆ. ಇವರೆಲ್ಲರೂ ಅಮೆರಿಕದ ಆಶ್ರಯ ಕೋರಲು ಇಚ್ಛಿಸುವವರು ಎನ್ನಲಾಗಿದೆ. 98 ವಲಸಿಗರನ್ನು ಬುಧವಾರ ಪನಾಮ ದೇಶದ ಗಡಿ ಭಾಗದ ಡಾರಿಯನ್ ಪ್ರದೇಶಕ್ಕೆ ರವಾನಿಸಿದೆ. ಅಮೆರಿಕಕ್ಕೆ ತೆರಳಲು ಅಕ್ರಮವಾಗಿ ತೆರಳುವ ಜನರು ಈ ಪ್ರದೇಶದ ಮೂಲಕವೇ ಮೆಕ್ಸಿಕೊ ಪ್ರವೇಶಿಸಿ ಬಳಿಕ ಅಮೆರಿಕದ ಗಡಿ ತಲುಪುತ್ತಾರೆ. ಈ ಪ್ರದೇಶವು ಜಗತ್ತಿನಲ್ಲಿಯೇ ಅತಿ ದಟ್ಟವಾದ ಮತ್ತು ವಿಷ ಪ್ರಾಣಿ ಜಂತುಗಳಿರುವ ಅರಣ್ಯವನ್ನು ಹೊಂದಿದೆ. ಮುಂದಿನ ನಿರ್ಧಾರ ಕೈಗೊಳ್ಳುವವರೆಗೂ ಈ 98 ಮಂದಿ ವಲಸಿಗರು ಇಲ್ಲಿಯೇ ಇರಲಿದ್ದಾರೆ ಎಂದು ಪನಾಮ ಸರ್ಕಾರ ಹೇಳಿದೆ.

. ‘ಭಾರತೀಯರು ಸುರಕ್ಷಿತ’

ಪನಾಮ ಹೋಟೆಲ್ನಲ್ಲಿ ಭಾರತೀಯರು ಇರುವ ಬಗ್ಗೆ ಮತ್ತು ಅವರನ್ನು ವಾಪಸು ಕರೆಸಿಕೊಳ್ಳುವ ಬಗ್ಗೆ ಪನಾಮ ಸರ್ಕಾರವು ಅಲ್ಲಿರುವ ಭಾರತದ ರಾಯಭಾರ ಕಚೇರಿಗೆ ಮಾಹಿತಿ ನೀಡಿದೆ. ಈ ಬಗ್ಗೆ ಭಾರತದ ರಾಯಭಾರ ಕಚೇರಿಯು ಗುರುವಾರ ತನ್ನ ‘ಎಕ್ಸ್’ ಖಾತೆಯಲ್ಲಿ ಬರೆದುಕೊಂಡಿದೆ. ‘ನಾವು ಪನಾಮ ಸರ್ಕಾರದೊಂದಿಗೆ ಸಂಪರ್ಕದಲ್ಲಿದ್ದೇವೆ. ಭಾರತೀಯರು ಅಲ್ಲಿನ ಹೋಟೆಲ್ನಲ್ಲಿ ಸುರಕ್ಷಿತವಾಗಿದ್ದಾರೆ. ಅವರ ಸುರಕ್ಷತೆಗಾಗಿ ರಾಯಭಾರ ಕಚೇರಿ ತಂಡವು ಅಗತ್ಯವಿರುವ ಎಲ್ಲ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ’ ಎಂದು ಕಚೇರಿ ಪೋಸ್ಟ್ ಹಂಚಿಕೊಂಡಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

299 ಅಕ್ರಮ ವಲಸಿಗರನ್ನು ಪನಾಮಗೆ ರವಾನಿಸಿದ ಅಮೆರಿಕ; ಹೋಟೆಲ್‌ನಲ್ಲಿ ಬಂದಿ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

IND vs ENG: ಗಿಲ್ 168*, ಜಡೇಜ 89; ಊಟದ ವಿರಾಮಕ್ಕೆ ಭಾರತ 419/6

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ