ಮುಂದಿನ ವರ್ಷಾರಂಭದಿಂದ ಕಾರ್ಮಿಕರ ಕನಿಷ್ಠ ವೇತನದಲ್ಲಿ 100 ಯುರೊ ಹೆಚ್ಚಳ, ಹೆಚ್ಚುವರಿ ಕಾರ್ಯಾವಧಿ ನಿರ್ವಹಿಸಿದ್ದಕ್ಕೆ ನೀಡುವ ವೇತನದ ಮೇಲಿನ ತೆರಿಗೆ ರದ್ದುಗೊಳಿಸುವುದು, ಲಾಭದಲ್ಲಿರುವ ಕಂಪನಿಗಳು ಉದ್ಯೋಗಿಗಳಿಗೆ ತೆರಿಗೆ ರಹಿತ ವರ್ಷಾಂತ್ಯದ ಬೋನಸ್ ನೀಡುವುದು ಸೇರಿದಂತೆ ಸಾಕಷ್ಟು ಕ್ರಮಗಳನ್ನು ಕೈಗೊಳ್ಳುವುದಾಗಿ ಹೇಳಿ ಅವರು ಪ್ರತಿಭಟನಾಕಾರರ ಬೇಡಿಕೆಗಳಿಗೆ ಸ್ಪಂದಿಸಿದ್ದಾರೆ. ಅಲ್ಲದೆ, ಸಣ್ಣ ಮೊತ್ತದ ಪಿಂಚಣಿ ಮೇಲೆ ತೆರಿಗೆ ಹೆಚ್ಚಳ ಮಾಡಿದ ಕ್ರಮ ‘ಅನ್ಯಾಯ’ ಎನ್ನುವುದನ್ನು ಒಪ್ಪಿಕೊಂಡಿರುವ ಅವರು, ಇದನ್ನು ಹಿಂಪಡೆಯುವುದಾಗಿ ಹೇಳಿದ್ದಾರೆ.