<p><strong>ಜಕಾರ್ತಾ: </strong>ಚೀನಾ ಮೂಲದ ಬಯೋಫಾರ್ಮಾಸ್ಯುಟಿಕಲ್ ಕಂಪನಿ ಸಿನೋವಾಕ್ ಬಯೋಟೆಕ್ ಅಭಿವೃದ್ಧಿಪಡಿ ಸಿರುವ ‘ಕೋವಿಡ್ 19‘ ಲಸಿಕೆಯ 12 ದಶಲಕ್ಷ ಡೋಸ್ಗಳು ಭಾನುವಾರ ಇಂಡೋನೇಷ್ಯಾ ತಲುಪಿವೆ ಎಂದು ಅಧ್ಯಕ್ಷ ಜೊಕೊ ವಿಡೋಡೊ ತಿಳಿಸಿದ್ದಾರೆ.</p>.<p>ದೂರದರ್ಶನದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು ‘ಇನ್ನೂ 18 ಲಕ್ಷ ಡೋಸ್ ಲಸಿಕೆ ಜನವರಿ ಆರಂಭದಲ್ಲಿ ಬರುವ ನಿರೀಕ್ಷೆಯಿದೆ' ಎಂದು ಹೇಳಿದ್ದಾರೆ.</p>.<p>‘ಲಸಿಕೆ ಲಭ್ಯವಾಗಿರುವುದರಿಂದ ದೇಶದಲ್ಲಿ ರೋಗ ಹರಡುವಿಕೆಯನ್ನು ತಕ್ಷಣ ತಡೆಯಬಹುದಾಗಿದೆ‘ ಎಂದು ಜೊಕೊ ಹೇಳಿದ್ದಾರೆ.</p>.<p>‘ಸಿನೋವಾಕ್ ಸೇರಿದಂತೆ ಇನ್ನೂ ಕೆಲವು ಕಂಪನಿಗಳಿಂದ ಕಚ್ಚಾ ರೂಪದ ಲಸಿಕೆಯನ್ನು ಸರ್ಕಾರ ನಿರೀಕ್ಷಿಸುತ್ತಿದೆ. ಸರ್ಕಾರಿ ಸ್ವಾಮ್ಯದ ಔಷಧೀಯ ಕಂಪನಿ ಪಿಟಿ ಬಯೋ ಫಾರ್ಮ್, ಕಚ್ಚಾ ರೂಪದ ಲಸಿಕೆಯನ್ನು ಮತ್ತಷ್ಟು ಸಂಸ್ಕರಿಸಲಿದೆ‘ ಎಂದು ಹೇಳಿದರು.</p>.<p>ದೇಶದಲ್ಲಿ ಸಾಮೂಹಿಕ ಲಸಿಕೆ ವಿತರಣೆ ಪ್ರಕ್ರಿಯೆ ಪ್ರಾರಂಭಿಸಲು ರಾಷ್ಟ್ರೀಯ ಆಹಾರ ಮತ್ತು ಔಷಧ ನಿಯಂತ್ರಣ ಪ್ರಾಧಿಕಾರದಿಂದ ‘ತುರ್ತು ಬಳಕೆಯ ದೃಢೀಕರಣ'ದ ಅನುಮತಿಯ ಅಗತ್ಯವಿದೆ ಎಂದು ವಿಡೋಡೊ ಹೇಳಿದರು.</p>.<p>ಇಂಡೋನೇಷ್ಯಾ ಈಗಾಗಲೇ ಸಿನೊವಾಕ್ ಸಂಸ್ಥೆಯೊಂದಿಗೆ ಲಸಿಕೆಯ 3 ನೇ ಹಂತದ ಕ್ಲಿನಿಕಲ್ ಟ್ರಯಲ್ಗೆ ಸಹಕರಿಸುತ್ತಿದೆ. ಆಗಸ್ಟ್ನಿಂದ ಪಶ್ಚಿಮ ಜಾವಾದ ಬಂಡುಂಗ್ ನಗರದಲ್ಲಿ 1,620 ಸ್ವಯಂಸೇವಕರ ಮೇಲೆ ಈ ಲಸಿಕೆಯನ್ನು ಪ್ರಯೋಗಿಸಲಾಗುತ್ತಿದೆ. ಚೀನಾದ ಇತರ ಔಷಧ ತಯಾರಕರಾದ ಸಿನೊಫಾರ್ಮ್ ಮತ್ತು ಕ್ಯಾನ್ಸಿನೊ ಬಯೋಲಾಜಿಕ್ಸ್ನ ಸಹಭಾಗಿತ್ವವನ್ನು ಸರ್ಕಾರ ಪರಿಶೀಲಿಸಿದೆ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜಕಾರ್ತಾ: </strong>ಚೀನಾ ಮೂಲದ ಬಯೋಫಾರ್ಮಾಸ್ಯುಟಿಕಲ್ ಕಂಪನಿ ಸಿನೋವಾಕ್ ಬಯೋಟೆಕ್ ಅಭಿವೃದ್ಧಿಪಡಿ ಸಿರುವ ‘ಕೋವಿಡ್ 19‘ ಲಸಿಕೆಯ 12 ದಶಲಕ್ಷ ಡೋಸ್ಗಳು ಭಾನುವಾರ ಇಂಡೋನೇಷ್ಯಾ ತಲುಪಿವೆ ಎಂದು ಅಧ್ಯಕ್ಷ ಜೊಕೊ ವಿಡೋಡೊ ತಿಳಿಸಿದ್ದಾರೆ.</p>.<p>ದೂರದರ್ಶನದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು ‘ಇನ್ನೂ 18 ಲಕ್ಷ ಡೋಸ್ ಲಸಿಕೆ ಜನವರಿ ಆರಂಭದಲ್ಲಿ ಬರುವ ನಿರೀಕ್ಷೆಯಿದೆ' ಎಂದು ಹೇಳಿದ್ದಾರೆ.</p>.<p>‘ಲಸಿಕೆ ಲಭ್ಯವಾಗಿರುವುದರಿಂದ ದೇಶದಲ್ಲಿ ರೋಗ ಹರಡುವಿಕೆಯನ್ನು ತಕ್ಷಣ ತಡೆಯಬಹುದಾಗಿದೆ‘ ಎಂದು ಜೊಕೊ ಹೇಳಿದ್ದಾರೆ.</p>.<p>‘ಸಿನೋವಾಕ್ ಸೇರಿದಂತೆ ಇನ್ನೂ ಕೆಲವು ಕಂಪನಿಗಳಿಂದ ಕಚ್ಚಾ ರೂಪದ ಲಸಿಕೆಯನ್ನು ಸರ್ಕಾರ ನಿರೀಕ್ಷಿಸುತ್ತಿದೆ. ಸರ್ಕಾರಿ ಸ್ವಾಮ್ಯದ ಔಷಧೀಯ ಕಂಪನಿ ಪಿಟಿ ಬಯೋ ಫಾರ್ಮ್, ಕಚ್ಚಾ ರೂಪದ ಲಸಿಕೆಯನ್ನು ಮತ್ತಷ್ಟು ಸಂಸ್ಕರಿಸಲಿದೆ‘ ಎಂದು ಹೇಳಿದರು.</p>.<p>ದೇಶದಲ್ಲಿ ಸಾಮೂಹಿಕ ಲಸಿಕೆ ವಿತರಣೆ ಪ್ರಕ್ರಿಯೆ ಪ್ರಾರಂಭಿಸಲು ರಾಷ್ಟ್ರೀಯ ಆಹಾರ ಮತ್ತು ಔಷಧ ನಿಯಂತ್ರಣ ಪ್ರಾಧಿಕಾರದಿಂದ ‘ತುರ್ತು ಬಳಕೆಯ ದೃಢೀಕರಣ'ದ ಅನುಮತಿಯ ಅಗತ್ಯವಿದೆ ಎಂದು ವಿಡೋಡೊ ಹೇಳಿದರು.</p>.<p>ಇಂಡೋನೇಷ್ಯಾ ಈಗಾಗಲೇ ಸಿನೊವಾಕ್ ಸಂಸ್ಥೆಯೊಂದಿಗೆ ಲಸಿಕೆಯ 3 ನೇ ಹಂತದ ಕ್ಲಿನಿಕಲ್ ಟ್ರಯಲ್ಗೆ ಸಹಕರಿಸುತ್ತಿದೆ. ಆಗಸ್ಟ್ನಿಂದ ಪಶ್ಚಿಮ ಜಾವಾದ ಬಂಡುಂಗ್ ನಗರದಲ್ಲಿ 1,620 ಸ್ವಯಂಸೇವಕರ ಮೇಲೆ ಈ ಲಸಿಕೆಯನ್ನು ಪ್ರಯೋಗಿಸಲಾಗುತ್ತಿದೆ. ಚೀನಾದ ಇತರ ಔಷಧ ತಯಾರಕರಾದ ಸಿನೊಫಾರ್ಮ್ ಮತ್ತು ಕ್ಯಾನ್ಸಿನೊ ಬಯೋಲಾಜಿಕ್ಸ್ನ ಸಹಭಾಗಿತ್ವವನ್ನು ಸರ್ಕಾರ ಪರಿಶೀಲಿಸಿದೆ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
